قازاقستان • 06 جەلتوقسان، 2019

الماتىداعى تاۋەلسىزدىك جاريالانعان عيماراتتا جاستارمەن كەزدەسۋ ءوتتى

58 رەتكورسەتىلدى

الماتىداعى قازاقستان رەسپۋبليكاسىنىڭ مەملەكەتتىك تاۋەلسىزدىگى جاريالانعان تاريحي عيماراتتا 6 جەلتوقسان كۇنى «قازاقستان تاۋەلسىزدىك جولىندا» دەگەن تاقىرىپتا جاستارمەن كەزدەسۋ ءوتتى.

كەزدەسۋگە بەلگىلى قوعام قايراتكەرى، ت.جۇرگەنوۆ اتىنداعى قازاق ۇلتتىق ونەر اكادەمياسىنىڭ پروفەسسورى، جازۋشى، دراماتۋرگ، قازاقستاننىڭ ەڭبەك سىڭىرگەن قايراتكەرى ءسۇلتانالى بالعاباەۆ كەلدى. ستۋدەنتەر تاۋەلسىزدىگىمىز بەن ۇلتتىق قۇندىلىقتارىمىز جايىنداعى ۇلاعاتتى اڭگىمەلەرگە قانىقتى.

بۇل شاراعا الماتى قالاسىنىڭ قوعامدىق دامۋ باسقارماسىنىڭ تاپسىرىسى بويىنشا «زامان»  پاراساتتى جانە سالاۋاتتى ءومىر» قوعامدىق قورى ۇيىتقى بولدى.

اتالمىش قوردىڭ ديرەكتورى تىلەۋبەك دوربەتحان ۇلى قازىرگى تاڭدا قازاقستان-بريتان تەحنيكالىق ۋنيۆەرسيتەتى ورنالاسقان بۇل عيماراتتىڭ كەزدەسۋ ورنى رەتىندە كەزدەيسوق تاڭداپ الىنباعانىن اتادى. سونداي-اق تاۋەلسىزدىك جاريالانعاننان كەيىن ومىرگە كەلگەن قوعامدىق ۇيىمداردىڭ ءبىرى سانالاتىن دۇنيەجۇزى قازاقتارى قاۋىمداستىعىنىڭ نەگىزىن قالاۋشىلاردىڭ ءبىرى جانە وندا 1992-2017 جىلدارى قاۋىمداستىق توراعاسىنىڭ ورىنباسارى بولىپ قىزمەت اتقارعان ءسۇلتانالى بازارباي ۇلىن  كەزدەسۋگە كەلگەن ستۋدەنتتەر قاۋىمىنا تانىستىرىپ، سول كەزدەگى تاريحي وقيعالاردى بايانداپ بەرۋ ءۇشىن ءسوز تىزگىنىن قوناقتىڭ وزىنە تاپسىردى.

–تاۋەلسىزدىك جەمىسىن بۇگىن سىزدەر كورىپ وتىرسىزدار. ەگەمەندىك الماساق،  بولماعاندا مۇندا وتىرمايتىن ەدىڭىزدەر. بۇل قازاقستان كوممۋنيستىك پارتياسى ورتالىق كوميتەتىنىڭ ءۇيى بولعان. ستۋدەنت تۇرماق، اۋدان، وبلىس باسشىلارىنىڭ ءوزى زورعا كىرەتىن.  مۇندا كوپ جىلدار بويى دىنمۇحامەد كوناەۆ وتىردى. ەلدىڭ قالىپتاسۋى مەن دامۋىنداعى ۇلكەن ماسەلەلەر شەشىلگەن جەر. تاۋەلسىزدىكتىڭ ەڭ ۇلكەن جەمىسى  سەندەردىڭ جوعارى وقۋ ورىندارىندا قازاقشا وقىپ جاتقاندارىڭ. وعان دەيىن جوعارى وقۋ ورىندارىنىڭ 80-90 پايىزى ورىسشا وقىتاتىن. قازىر ولاردىڭ 70-80 پايىزى قازاق بولىمدەرىندە وقيدى. ال ەندى ءوزىمنىڭ جۇمىسىما ورالسام تاۋەلسىزدىكتىڭ ەڭ العاشقى جەتىستىكتەرىنىڭ ءبىرى – شەتەلدەگى قازاقتاردى جيناعانى. وعان دەيىن قازاقستانداعى حالىقتىڭ 37 پايىزى عانا قازاق بولعان. قازىر 70 پايىز بولدى، – دەدى س.بالعاباەۆ.

ءسۇلتانالى بازارباي ۇلىنىڭ ايتۋىنشا، قازاقستان تاۋەلسىزدىگىنىڭ نەگىزىن قالاۋشى قايراتكەر رەتىندە تۇڭعىش پرەزيدەنتتىڭ ايرىقشا كوڭىل بولەتىن 2-3 نارسەسى بار. «ونىڭ ءبىرىنشىسى شەتەلدەگى قازاقتاردى جيناۋ. ونى تاۋەلسىزدىكتەن كەيىن بىردەن قولعا الىندى. العاشقى قۇرىلتايدى وتكىزدى. سونىڭ ناتيجەسىندە 1 ملن قازاق ەلگە ورالدى. ولار وسىمىمەن 2 ملن بولدى. ەگەر ولار بولماعاندا رەسپۋبليكا حالقىنىڭ سانى 16 ملن عانا ادام بولاتىن ەدى. مۇنداي جۇمىستى كورشى ەلدەردىڭ ەشقايسى قولعا العان جوق. ماسەلەن، 6-7 ملن وزبەك شەتەلدە تۇرادى.  وزبەكستان ءالى كۇنگە دەيىن بىردە-ءبىرىن رەسمي تۇردە اكەلگەن جوق. ال قىرعىزستان اۋعانستاننىڭ پامير دەگەن جەرىندە جۇرگەن 2 مىڭ قىرعىزدىڭ ءوزىن ءالى اكەلە الماي ءجۇر. ن.نازارباەۆتىڭ ەكىنشى جاساعان ءىسى استانانى كوشىرۋى بولدى. ءبىر كەزدە كوشەدەن قازاقشا سويلەتىن ادامدى تابۋدىڭ ءوزى مۇڭ بوپ كەتكەن بۇل قالا تۇرعىندارىنىڭ 79 پايىزىن قازاقتار قۇرايدى. ءۇشىنشىسى، تۇركىستاننىڭ مارتەبەسىن كوتەرىپ، وبلىس ورتالعىنا اينالدىرعانى».

جالپى مادەنيەت پەن رۋحانياتتىڭ وزەكتى ماسەلەلەرى تالقىلانعان بۇل كەزدەسۋ پىكىرتالماسۋ تۇرىندە جالعاسىپ، ستۋدەنتتەر وزدەرىن تولعاندىرىپ جۇرگەن جاعدايلار بويىنشا سۇراقتارىنا جاۋاپ الۋعا تىرىستى. تاۋەلسىزىدىك تاعىلىمىنا قاتىستى وي كوكجيەكتەرىن كەڭەيتىپ، شارادان سوڭ ەستەلىك سۋرەتكە ءتۇسىپ، ۇلكەن اسەرمەن تارقادى.

سوڭعى جاڭالىقتار

دزيۋدو: بۇگىن جۇلدە بۇيىرمادى

كۇرەس • 24 قاڭتار، 2020

پرەزيدەنت اكىمدەرمەن كەڭەس وتكىزدى

پرەزيدەنت • 24 قاڭتار، 2020

ۇقساس جاڭالىقتار