رۋحانيات • 06 جەلتوقسان، 2019

الماتىدا وتكەن يمامداردىڭ ايماقتىق فورۋمىنا رۋحاني قۇندىلىقتار تاقىرىبى ارقاۋ بولدى

69 رەتكورسەتىلدى

الماتىداعى نۇر-مۇباراك ۋنيۆەرسيتەتىندە «رۋحاني قۇندىلىقتار – قوعام بىرلىگىنىڭ نەگىزى» اتتى يمامداردىڭ ايماقتىق فورۋمى ءوتتى. فورۋمعا الماتى قالاسى اكىمىنىڭ ورىنباسارى ەرجان باباقۇماروۆ، قازاقستان مۇسىلماندارى ءدىني باسقارماسىنىڭ توراعاسى، باس ءمۇفتي سەرىكباي قاجى وراز قاتىستى. بۇل تۋرالى اكىمدىكتىڭ ءباسپاسوز قىزمەتى حابارلادى. 

شارا بارىسىندا الماتى قالاسى اكىمىنىڭ ورىنباسارى ەرجان باباقۇماروۆ قوعام مەن ءدىني قىزمەتكەرلەر الدىندا وسكەلەڭ ۇرپاقتى پاتريوتيزم مەن وتانسۇيگىشتىك رۋحىندا تاربيەلەۋ مىندەتى تۇرعانىن اتاپ ءوتتى.

ء«دىني قىزمەتكەرلەر جاستاردىڭ دەسترۋكتيۆتى يدەيالاردىڭ جەتەگىندە كەتپەۋى ءۇشىن ولاردىڭ الدىن الىپ، ءتۇسىندىرۋ جۇمىستارىن كەڭىنەن جۇرگىزۋدە»، - دەدى الماتى قالاسى اكىمىنىڭ ورىنباسارى ە.باباقۇماروۆ.

بۇل ءۇشىن جاس ۇرپاق تانىمىنا تەرىس اسەر ەتەتىن تۇسىنىكتەردىڭ نەعۇرلىم دۇرىس ەمەستىگىن ءسىڭىرۋ قاجەت. ال دىتتەگەن ماقساتقا جەتۋ ءۇشىن وسكەلەڭ ۇرپاقتىڭ بويىنا ۇلتتىق داستۇرلەر مەن قۇندىلىقتاردى، تانىمدى ءسىڭىرۋ قاجەت. ول جۇمىس ءار وتباسىنىڭ قابىرعاسىندا باستالۋى شارت. 

فورۋمدا قازاقستان مۇسىلماندارىنىڭ «جەتى رۋحاني قازىق» تۇعىرناماسى تالقىلاندى. قۇجاتتا ءاربىر مۇسىلماننىڭ جەتى قاسيەتى كورىنىس تاپقان.

«پاتريوتيزم وتانعا، انا تىلىنە، ءداستۇر مەن مادەنيەتكە دەگەن قۇرمەتتەن باستاۋ الادى. پاتريوتيزم شىڭى – بۇل ءوز ۇلتىنا دەگەن سۇيىسپەنشىلىك»، - دەدى سەرىكباي كاجى وراز.

شارا قوعامدا جاس ۇرپاق پەن بالالارعا ءداستۇر مەن رۋحاني قۇندىلىقتاردى دارىپتەۋدى كوزدەيدى.  

كەزدەسۋگە نۇر–مۇباراك ۋنيۆەرسيتەتىنىڭ رەكتورى، پروفەسسور مۇحامماد اش-شاحاد ابدۋلحاميد مۇحامماد ال-دجيندي، قازاقستان جۋرناليستەر وداعى سىيلىعىنىڭ لاۋرەاتى، «پرەزيدەنت جانە حالىق» گازەتىنىڭ باس رەداكتورى مارات ءبايدىلدا ۇلى، قازاقستان مۇسىلماندارى ءدىني باسقارماسى توراعاسىنىڭ ءبىرىنشى ورىنباسارى ناۋرىزباي قاجى تاعان ۇلى، نايب مۇفتي ەرشات وڭعاروۆ، قمدب اپپاراتىنىڭ باسشىسى عىلىمبەك جادىگەر ۇلى، ءال-فارابي اتىنداعى قازۇۋ شىعىستانۋ فاكۋلتەتىنىڭ دەكانى، پروفەسسور ىقتيار مولداتورە ۇلى، الماتىنىڭ باس يمامى ەركىنبەك شوقاي، يمامدار جانە ۋنيۆەرسيتەت ستۋدەنتتەرى قاتىستى.








سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

ۇقساس جاڭالىقتار