ەكونوميكا • 06 جەلتوقسان، 2019

قازاقستاندا بيە ءسۇتى قوسىلعان مايونەز شىعارىلا باستادى

135 رەتكورسەتىلدى

بۇگىنگى تاڭدا ەكسپورتقا شىعىپ وتىرعان وتاندىق كوشباسشى كومپانيالارىمىز ونىمدەرىنىڭ ساپاسىنا عانا ەمەس، قۇنارلىلىعىن ساقتاۋعا، بارىنشا تابيعي ينگرەديەنتتەر مەن يننوۆاتسيالىق تەنولوگيالاردى پايدالانۋعا كوپ ءمان بەرىپ وتىرعانى بەلگىلى. ال باسەكەلى نارىقتا وتاندىق ونىمدەرگە قايتالانباس قازاقى بوياۋ، ۇلتتىق ناقىش بەرۋ دە از ءرول اتقارمايدى.

وسىلايشا ۇلتتىق قۇندىلىقتارىمىزعا قايتارۋعا ۇمتىلعان، اينالامىزداعى 10 مەملەكەتكە ونىمدەرىن تاراتىپ وتىرعان، «3 جەلانيا»، «شەدەۆر» جانە «زلاتىە گورى» برەندتەرىنىڭ ءونىمىن وندىرەتىن Eurasian Foods Corporation (EFC) حولدينگى الماتىداعى زاۋىتىنا ءباسپاسوز-تۋرىن ۇيىمداستىردى.

قازاقستاننىڭ جەتەكشى باسىلىمدارى مەن تەلەارنا جۋرناليستەرى وتاندىق ازىق-ت ۇلىك ونەركاسىبىندەگى كونە ءارى ماڭىزدى كاسىپورنىنىڭ تاريحىمەن تانىسۋعا، زاۋىتتاعى يننوۆاتسيالاردىڭ اۋقىمىن كورىپ، جاڭا تەحنولوگيالاردىڭ ارتىقشىلىقتارىن باعالاۋعا مۇمكىندىك الدى.

ءباسپاسوز-تۋرىنىڭ باستى وقيعاسى – «مەرەكەلىك پروۆانسال» اتتى بيە ءسۇتى قوسىلعان العاشقى قازاقستاندىق مايونەزدىڭ تۇساۋكەسەرى مەن ءدامتاتارى بولدى.

ازىق-ت ۇلىك نارىعىندا جوعارى سۇرانىس تۋدىراتىن تۇتىنۋشىلاردىڭ تالعامى سوڭعى جىلدارى تابيعي ازىق-ت ۇلىككە قاراي بەت الدى. ال قازاقستاندا بيە ءسۇتىنىڭ باي ءدامى مەن پايدالى قاسيەتتەرى ەجەلدەن باعالى. بيە سۇتىندە ادام اعزاسىنا قاجەتتى 40-قا جۋىق بيولوگيالىق كومپونەنتتەر بار ەكەنى بۇرىننان بەلگىلى. ءداستۇرلى قازاق ۇلتتىق ونىمدەرى، ونىڭ ىشىندە قازىرگى زامانعى فورماتتا شىعارىلعان ەرەكشە ونىمدەر بۇگىندە تانىمالدىق شىڭىندا ەكەنىن نازارعا الا وتىرىپ، Eurasian Foods Corporation تەحنولوگتارى بيە ءسۇتى قوسىلعان مايونەزبەن تۇتىنۋشىلارىن ەلەڭ ەتكىزۋگە شەشىم قابىلداعان.

Eurasian Foods Corporation يننوۆاتسيالىق تەحنولوگيالىق زەرتحاناسىنىڭ باستىعى رۋسلان شىلدەباەۆتىڭ ايتۋىنشا، قازاق ۇلتتىق ءاسۇيىنىڭ داستۇرلەرىن اسپەتتەيتىن بىرەگەي مايونەزدى جاساۋدىڭ شىعارماشىلىق پروتسەسى ءبىر جىلعا جۋىق ۋاقىتتى العان.

بىرەگەي وندىرىستىك تەحنولوگيانىڭ ارقاسىندا جاڭا ونىمدە بارلىق پايدالى ينگرەديەنتتەر ساقتالعان. مايونەز كومپانيانىڭ كاسىپورىندارىندا ءداستۇرلى «ىستىق» تاسىلمەن وندىرىلەدى، ونىڭ نەگىزىندە پاستەرلەۋ پروتسەسى جاتىر.

– مۇنداي تەحنولوگيا كوپتەگەن باسەكەلەستەرمەن سالىستىرعاندا، ءوندىرىستىڭ نەعۇرلىم ۇزاق، ءارى شىعىندى پروتسەسىن قامتيدى، ءبىز مۇنى ۇنەمدەۋدىڭ جولى دەپ ەسەپتەمەيمىز. ءبىز ساپا داستۇرلەرىن ۇستانامىز جانە مايونەزدەردى كلاسسيكالىق «ىستىق تاسىلمەن» وندىرەتىنىمىزدى ماقتان تۇتامىز»، – دەيدى Eurasian Foods Corporation اق باس تەحنولوگى مارينا پاك.

Eurasian Foods Corporation وكىلدەرى زاۋىتتىڭ تاريحى 1962 جىلدان باستاۋ الاتىندىعىن، بۇگىندە ونىڭ ونىمدەرى زامانىنا قاراي بەيىمدەلىپ، تاماشا وندىرىستىك تەحنولوگيالاردى الىپ كەلگەنى جايلى باياندادى.

كاسىپورىننىڭ دامۋ ستراتەگياسىنا سايكەس، الماتى زاۋىتى بۇگىندە مايونەز، كەتچۋپ، تۇزدىقتار، دامدەۋىشتەر مەن كۇنباعىس مايىن شىعارۋعا ماماندانعان. نارىقتىڭ قاجەتتىلىگىن قاناعاتتاندىرىپ، جانە دايىن ونىمدەردىڭ شىعارۋ كولەمىن ۇلعايتۋ ءۇشىن تەحنولوگيالىق جانە قوسالقى جابدىقتاردى جاڭعىرتۋ مەن جاڭارتۋ جانە جاڭا تەحنولوگيالاردى ەنگىزۋ تۇراقتى تۇردە جۇزەگە اسىرىلىپ وتىر. سوڭعى ون جىلدا ءوندىرىستى دامىتۋعا ينۆەستيتسيا كولەمى $80،5 ميلليوننان اسقان. بۇگىن 3 مىڭعا جۋىق ادامدى جۇمىس ورىندارىمەن قامتاماسىز ەتەتىن حولدينگ قۇرامىنا سالانىڭ ەكى ءىرى كاسىپورنى – الماتىداعى Eurasian Foods Corporation اق جانە قاراعاندىداعى Eurasian Foods اق زاۋىتتارى كىرەدى. 2018 جىلدىڭ قورىتىندىسى بويىنشا حولدينگ شىعاراتىن ءونىم كولەمى 140 مىڭ توننادان اسقان.

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار