قوعام • 06 جەلتوقسان، 2019

مال ۇرلىعى – قوعامدىق ماسەلە

43 رەتكورسەتىلدى

بۇگىندە قوعامدا مال ۇرلىعى ءاربىر شارۋانىڭ مازاسىن العان ماسەلەگە اينالىپ وتىر. قىس مەزگىلى كەلىپ، سوعىم ۋاقىتى تاياعاندا مال ۇرلىعىنىڭ ءتىپتى جيىلەپ كەتەتىنى دە راس. ال سول مال ۇرلىعىنىڭ وڭىرلەردە اشىلۋ كورسەتكىشى قانداي دەگەن ماسەلە دە بار. سونىمەن قاتار ادامداردى ەڭبەككە زاڭسىز جەگۋ سياقتى ماسەلەلەر دە كۇن تارتىبىندە وتە وزەكتى. ياعني ەل اراسىندا كەيبىر شارۋالاردىڭ شەتەلدىك ازاماتتارعا مالىن باقتىرىپ قويۋ ارەكەتى دە تولاستاماي وتىر.

جامبىل وبلىستىق پوليتسيا دەپارتامەنتى مال ۇرلىعىنىڭ الدىن الۋ جانە جاعدايدى جەدەل جاقسارتۋ ماقساتىندا ءوڭىر بويىنشا «قاشار» ءىس-شاراسىن ۇيىمداستىرعان بولاتىن. ءىس-شارا بارىسىندا وبلىس اۋماعىنداعى 731 مال شارۋاشىلىعى قارالعان ەدى. دەپارتامەنتتىڭ مالىمەتى بويىنشا، جەدەل الدىن الۋ شاراسىنىڭ ناتيجەسىندە مال شارۋاشىلىقتارىنا قاراستى 19 ادامنىڭ تۇراقتى تۇرعىلىقتى جەرىنىڭ جوق ەكەنى انىقتالعان. ال تەكسەرىلگەن مىڭعا جۋىق قارۋ يەلەرىنىڭ 63-ءى قارۋ ساقتاۋ ەرەجەلەرىن بۇزعانى ءۇشىن جا­ۋاپقا تارتىلىپ، 49 اتىس قارۋى تاركىلەنگەن. سونىمەن قاتار بەلگى سالىنباعان 39 باس مال انىق­تالىپ، ۇرلانعان 100 باس مالدىڭ تابىلۋى دا مال ۇر­لىعىنىڭ ۇدەي تۇسكەنىن كورسەتسە كەرەك. سونداي-اق «قاشار» ءىس-شاراسى كەزىندە پوليتسيا قىزمەتكەرلەرى ىزدەۋدە جۇرگەن ەكى قىلمىسكەردى ۇستادى.

سونىمەن قاتار كوشى-قون زاڭناماسىن بۇزۋدى انىقتاۋ ءۇشىن دە جامبىل وبلىسىنىڭ اۋماعىندا ۇيىمداستىرىلعان «قاشار» جەدەل الدىن الۋ ءوز ناتيجەسىن بەردى. وعان جام­بىل وبلىستىق پوليتسيا دە­پارتامەنتى كوشى-قون قىزمەتى باسقارماسى قىزمەتكەرلەرىنىڭ جەكە قۇرامى قاتىسقان بولاتىن. بايزاق اۋدانىنىڭ تە­گىس­­تىك اۋىلىنداعى جەكە شا­­­­­­رۋاشىلىقتى تەكسەرۋ ب­ارى­سىندا زاڭسىز كوشى-قونعا قار­سى كۇرەس جونىندەگى ارنايى جەك­ە روتا قىزمەتكەرلەرى زاڭسىز ەڭ­­بەك قىزمەتىمەن اينالىساتىن وز­بەكستان رەسپۋبليكاسىنىڭ ءتورت ازاماتىن انىقتاعان. قازىر شەت­ەلدىك ازاماتتارعا قاتىستى اكىمشىلىك-قۇقىق بۇزۋشىلىق كو­دەكسىنىڭ 517-بابى بويىنشا اكىمشىلىك حاتتاما تولتىرىلىپ، ولاردى ەل اۋماعىنان شىعارىپ جىبەرۋ ماسەلەسى شەشىلۋدە.

وبلىستىق پوليتسيا دەپار­تامەنتىنىڭ مالىمەتى بويىنشا، بيىل مال ۇرلىعىنىڭ 185 دە­رەگى تىركەلىپ، ونىڭ 144-ءى اشىلعان. «قىلمىستاردىڭ اشى­لۋ كورسەتكىشى بىلتىر 53،2 پايىز بولسا، وسى جىلى 70،2 پايىزدى قۇراپ وتىر. سا­لىستىرا قاراعاندا اشىلۋ كور­­سەتكىشى بيىل 17 پايىزعا ارت­قان. بۇل ءوز كەزەگىندە پوليتسيا قىزمەتكەرلەرىمەن جۇر­گى­­زى­لىپ جاتقان الدىن الۋ شارا­­لارىنىڭ ناتيجەسى بولىپ تا­بىلادى»، دەيدى وبلىستىق پو­ليتسيا دەپارتامەنتى ءباسپاسوز قىزمەتىنىڭ جەتەكشىسى گۇلسارا مۇحتارقۇلوۆا.

 

جامبىل وبلىسى

 

سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار