رۋحانيات • 05 جەلتوقسان، 2019

رەسەيدىڭ «ۆيكتوريا» مۋزىكالىق سىيلىعى ديماش قۇدايبەرگەنگە بۇيىرۋى مۇمكىن

39 رەتكورسەتىلدى

ديماش قۇدايبەرگەن رەسەيدىڭ «ۆيكتوريا» مۋزىكالىق سىيلىعىن تاپسىرۋ سالتاناتىندا قىزىل كىلەممەن ءجۇرىپ ءوتتى. بۇل تۋرالى dimashnews.com جازدى.

ۇلكەن ساحنادا جۇرگىزۋشى ليپانىڭ سۇراقتارىنا جان-جاقتى جاۋاپ بەرگەن ديماش ءوزى ءۇشىن كورەرمەندەردىڭ سۇيىسپەنشىلىگى ماڭىزدى ەكەنىن ايتتى. 

«مەن ارقاشان ءوز تىڭدارماندارىما جوعارى دەڭگەيدە ونەر كورسەتۋگە تىرىسامىن. ەگەر مەن قانداي دا ءبىر جەڭىسكە جەتىپ، ماراپاتقا يە بولسام، ول مەنىڭ كورەرمەندەرىمنىڭ ەڭبەگى دەپ بىلەمىن» دەدى ءانشى.

ديماش سونىمەن قاتار وڭاشادا قانداي اندەردى تىڭدايتىنىن ايتىپ بەردى. 

«مەن قازاقتىڭ حالىق اندەرىن تىڭدايمىن» دەدى ول.

ەسكە سالايىق، ديماش رەسەيدىڭ «ۆيكتوريا» مۋزىكالىق سىيلىعىنا بىرنەشە نوميناتسيا بويىنشا ۇمىتكەر رەتىندە قاتىسقان بولاتىن. جەڭىمپازدار بۇگىن، 5 جەلتوقسان كۇنى ماسكەۋدەگى كرەمل سارايىندا وتكەن سالتاناتتى راسىمدە جاريالاناتىن بولادى.

ايتا كەتەيىك، «ۆيكتوريا» سىيلىعى جىل سوڭىندا ەڭ ۇزدىك مۋزىكانتتارعا، اقىندارعا، ورىنداۋشىلارعا، پروديۋسەرلەرگە، جۋرناليستەرگە، مۋزىكا سىنشىلارىنا جانە ءىرى مەدياحولدينگتەردىڭ جەتەكشىلەرىنە بەرىلەدى.

15 سانات بويىنشا جەڭىمپازداردىڭ ەسىمدەرى مەملەكەتتىك كرەمل سارايىندا وتكەن سالتاناتتى راسىمدە جاريالانادى.

 
سوڭعى جاڭالىقتار

ەلباسى تۇركيا حالقىنا كوڭىل ايتتى

قازاقستان • بۇگىن، 14:17

قىزىلوردا: قازالىداعى قونىس توي

ايماقتار • بۇگىن، 09:07

ۇقساس جاڭالىقتار