ايماقتار • 05 جەلتوقسان، 2019

ينتەللەكتۋالدى بەينەباقىلاۋ ەندى شەتەل اۆتوكولىكتەرىن دە باقىلاي الادى

52 رەتكورسەتىلدى

بەينەباقىلاۋدىڭ ينتەللەكتۋالدىق جۇيەلەرى پەتروپاۆلدا جاڭا رەجىمدە جۇمىس ىستەي باستادى. ەندى ولار شەتەلدىك ءنومىر تاققان اۆتوكولىك جۇرگىزۋشىلەرى جاساعان بۇزۋشىلىقتاردى دا تىركەي الادى. 

بۇل - «اقىلدى» بەينەباقىلاۋ جۇيەسى جول قوزعالىسى ەرەجەلەرىنىڭ بۇزۋشىلىقتارىن اۆتوماتتى تۇردە تىركەيدى. ول بۇزۋشىلىقتاردى الدىن الۋدىڭ ءتيىمدى قۇرالى، الايدا اتالعان جۇيە وسى كۇنگە دەيىن قازاقستان اۋماعىندا شەتەلدىك ءنومىر تاققان كولىك جۇرگىزۋشىلەرىنە ايىپپۇل «سالۋعا» مۇمكىندىگى بولمادى. شەتەلدىك نومىردەگى اۆتوكولىك جۇرگىزۋشىلەرىنىڭ كەيبىرى ينتەللەكتۋالدىق بەينەباقىلاۋ جۇيەسىمەن جابدىقتالعان كوشە قيىلىستارىندا بۇزۋشىلىق جاساسا دا، جازالانبايتىندارىنا ەتتەرى ۇيرەنىپ كەتكەن.

سوعان قارسى سولتۇستىك قازاقستان پوليتسەيلەرى «Resolution Generator» باعدارلامالىق كەشەنىن ورناتتى. ول شەتەلدىك نومىرلەردى دە تانىپ، كولىك قۇرالىنىڭ تيىستىلىگى تۋرالى مالىمەتتەردى الۋعا مۇمكىن بولاتىن ءتۇرلى مەملەكەتتىك ورگانداردىڭ دەرەكتەر بازاسىمەن اكىمشىلىك قۇقىق بۇزۋشىلىقتاردىڭ بىرىڭعاي ءتىزىلىمى اقپاراتتىق جۇيەسىن بىرىكتىرۋگە مۇمكىندىك بەرەدى. شەتەلدىك نومىرلەردى تەكسەرۋ ەندى ساقتاندىرۋ ءپوليسى بويىنشا اۆتوماتتى جۇرگىزىلەتىن بولادى.

«بۇل شەتەلدىك ءنومىرى بار كولىك جۇرگىزۋشىلەرى ەسكەرەتىن ماڭىزدى جاعداي بولىپ تابىلادى، - دەيدى سقو پد اكىمشىلىك پوليتسيا باسقارماسىنىڭ باستىعى، پوليتسيا پودپولكوۆنيگى جاسۇلان وسپانوۆ. — ايىپپۇل تۋرالى حابارلاما ساقتاندىرۋشىنىڭ اتىنا جولداناتىن بولادى».

پەتروپاۆل قالاسىندا ينتەللەكتۋالدىق بەينەجۇيەلەر جامبىل-مۇسىرەپوۆ، جۇماباەۆ-سۇتىشەۆ، نازارباەۆ-اباي جانە ينتەرناتسيونال-استانا كوشەلەرىنىڭ قيىلىسىندا ورنالاسقان. العاشقى ەكەۋى جىلدامدىقتى ارتتىرۋ مەن باعدارشامنىڭ تىيىم سالىنعان قىزىل سيگنالىنا ءوتۋدى، ال وزگە ەكەۋى – تىيىم سالىنعان سيگنال مەن توقتا سىزىعىنان ءوتىپ كەتۋدى تىركەيدى. جىل باسىنان ولار 2 مىڭنان استام ججە بۇزۋشىلىقتارىن تىركەگەن.

 

پەتروپاۆل

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

قورجىنىمىز بوس قايتتى

قىسقى سپورت • بۇگىن، 06:56

بوكسشىلار امماندا ىرىكتەلەدى

كاسىپقوي بوكس • بۇگىن، 06:53

ناقىل سوزدەرگە تولى اعاش

ايماقتار • بۇگىن، 06:47

كەمەل ويلاردىڭ كەمەڭگەرى

اباي • بۇگىن، 06:41

ۇقساس جاڭالىقتار