پرەمەر-ءمينيستردىڭ ورىنباسارى بەردىبەك ساپارباەۆ مەتسەناتتار مەن كاسىپكەرلەردى «شاپاعات» مەدالىمەن, پرەزيدەنت پەن پرەمەر-ءمينيستردىڭ اتىنان العىس حاتتارمەن ماراپاتتادى. پارلامەنت ءماجىلىسى الەۋمەتتىك-مادەني دامۋ كوميتەتىنىڭ ءتورايىمى گۇلشارا ابدىقالىقوۆا ارداگەرلەرگە «ەڭبەك ارداگەرى» مەدالىن تابىستادى.
«ادامدى ادام ەتكەن – ەڭبەك. ءبىز ەڭبەككەرلەردىڭ الدىندا باسىمىزدى يەمىز. ەلباسى ايتقانداي, حالىق ءومىرىنىڭ جاقسى بولۋى, جاعدايلارىنىڭ تۇزەلۋى ەڭبەككە بايلانىستى. سوندىقتان مەملەكەت ءوز حالقى ءۇشىن ەڭبەك ەتۋىنە بارلىق جاعدايدى جاسايدى. «ەڭبەك» باعدارلاماسىنىڭ ەڭ نەگىزگى مىندەتى – قازاقستاندىقتاردىڭ ەڭبەك ەتىپ, وتباسىن اسىراۋعا, ەل ەكونوميكاسىن دامىتۋعا جاعداي جاساۋ. جاڭادان اشىلعان كاسىپورىندار مەن بيزنەس نىساندار نەگىزىنەن سوعان ارنالعان. ۇكىمەتتىڭ ەڭ نەگىزگى مىندەتتەرىنىڭ ءبىرى – حالىققا جاعداي جاساپ, ءوز كاسىبىن اشۋىنا كومەكتەسۋ, قولداۋ», دەدى ۆيتسە-پرەمەر.
ەلباسىنىڭ جالپىعا ورتاق ەڭبەك قوعامىن قۇرۋ يدەياسىن جۇزەگە اسىرۋ ماقساتىندا 2016 جىلدان باستاپ وتكىزىلىپ كەلە جاتقان كونكۋرس «ۇزدىك ەڭبەك اۋلەتى», «جۇمىس ىستەيتىن جاستاردىڭ ۇزدىك تالىمگەرى» جانە ء«وندىرىستىڭ ۇزدىك جاس جۇمىسكەرى» سياقتى ءۇش نوميناتسيادان تۇرادى. بيىل «ۇزدىك ەڭبەك اۋلەتى» اتالىمىندا ەلوردالىق ەڭسەباەۆتار اۋلەتى 1-ورىنعا, شىعىس قازاقستان وبلىسىنان كەلگەن ساعاديەۆتەر اۋلەتى 2-ورىنعا, ال اتىراۋلىق جۇماعاليەۆتەردىڭ ۇستازدار اۋلەتى 3-ورىنعا يە بولدى. «جۇمىس ىستەيتىن جاستاردىڭ ۇزدىك تالىمگەرى» نوميناتسياسىندا اقمولا وبلىسىنىڭ تەحنيكالىق باقىلاۋ ءبولىمىنىڭ باقىلاۋشىسى مايرا يساەۆا جەڭىسكە جەتتى. شىمكەنت قالاسىنىڭ تسەمەنت ءوندىرۋ جونىندەگى ينجەنەر-تەحنولوگى ەسكەندىر رۇستەموۆ 2-ورىنعا, قاراعاندى وبلىسىنىڭ اۋا ءبولۋ قوندىرعىلارىنىڭ اپپاراتشىسى داۋلەت ەجيباەۆ 3-ورىنعا يە بولدى. «ۇزدىك جاس ءوندىرىس جۇمىسكەرى» نوميناتسياسىندا سولتۇستىكقازاقستاندىق جالپى تاجىريبەلىك دارىگەر يۋليا شەۆچەنكو توپ جاردى. قوستاناي وبلىسىنىڭ لوگيستيكا جانە قويما ساقتاۋ شەبەرى ۆلاديمير سامودۋروۆ 2-ورىنعا تۇراقتادى. پاۆلودار وبلىسىنان كەلگەن تەحنولوگيالىق سورعى ءماشينيسى اسقار نۇرعاليەۆقا 3-ورىن بۇيىردى. بايقاۋ جەڭىمپازدارى 1-ورىن ءۇشىن – 1 ملن تەڭگە, 2-ورىن ءۇشىن – 500 مىڭ تەڭگە, 3-ورىن ءۇشىن 200 مىڭ تەڭگە كولەمىندە اقشالاي سەرتيفيكاتتارمەن ماراپاتتالدى.
