تاراپتار دەنساۋلىق ساقتاۋ, اۆتوموبيل جاساۋ, اەروعارىش ونەركاسىبى, قۇرىلىس, ينۆەستيتسيا تارتۋ, تۇرعىن ءۇي-كوممۋنالدىق ينفراقۇرىلىم جانە وزگە دە سالالارداعى ءوزارا ىنتىماقتاستىقتىڭ باسىم باعىتتارىن تالقىلادى.
فرانتسۋز رەسپۋبليكاسىنىڭ قازاقستانداعى توتەنشە جانە وكىلەتتى ەلشىسى فيليپپ مارتينە جانە فرانتسيا-قازاقستان ىسكەرلىك كەڭەسىنىڭ توراعاسى يۆ-لۋي دارريكارەر ناتيجەلى ىنتىماقتاستىققا دايىن ەكەندىكتەرىن اتاپ ءوتتى.
كەزدەسۋ بارىسىندا Alstom كومپانياسىنىڭ تاياۋ شىعىس ەلدەرى بويىنشا ۆيتسە-پرەزيدەنتى ديدە فلەجەر, Vicat وڭىرلىك ديرەكتورى پەترو كالا, Renault ۆيتسە-پرەزيدەنتى نيكوليا مور, Air Liquide ۆيتسە-پرەزيدەنتى فيليپپ كريستودولۋ جانە MEDEF دەلەگاتسياسىنىڭ باسقا دا وكىلدەرى ءسوز سويلەدى.
ەلوردا اكىمى التاي كولگىنوۆ ەلوردادا استانا حالىقارالىق قارجى ورتالىعىنىڭ بار ەكەندىگىن ايتتى. احقو بازاسىندا ەكسپات-ورتالىق جۇمىس جۇمىس ىستەيدى. ەكسپات-ورتالىقتا شەتەلدىكتەر اعىلشىن تىلىندە مەملەكەتتىك قىزمەتتەردى الا الادى.
