پارتيا بيلەتىن سالتاناتتى جاعدايدا تابىس ەتكەن Nur Otan پارتياسى توراعاسىنىڭ ءبىرىنشى ورىنباسارى باۋىرجان بايبەك ەلباسىنىڭ تاۋەلسىز ەلىمىزدىڭ قالىپتاسۋى مەن دامۋىنا سىڭىرگەن ەڭبەگى زور ەكەنىن اتاپ ءوتتى.
– Nur Otan – قازاقستاننىڭ ءوسىپ-وركەندەۋى جولىندا ايانباي ەڭبەك ەتەتىن جانداردىڭ جۇمىلعان جەرى. ءبىزدىڭ باستى بايلىعىمىز – تاۋەلسىزدىك. Nur Otan پارتياسىنىڭ مىندەتى – ەلباسىنىڭ مەملەكەتتىك باعىتىنىڭ ساباقتاستىعىن قامتاماسىز ەتۋ. بۇل بىزگە ەڭ الدىمەن ەلدەگى تىنىشتىق پەن تاتۋلىقتى ساقتاپ, ادامداردى الالامايتىن مەملەكەتتە ءومىر ءسۇرۋ ءۇشىن قاجەت. تۇراقتىلىق جوق جەردە ءوسىپ-وركەندەۋ دە بولمايدى. وزدەرىڭىز Nur Otan پارتياسىنىڭ قاتارىنا قوسىلۋعا شەشىم قابىلداعان ەكەنسىزدەر. قاتارىمىزعا قوش كەلدىڭىزدەر! بۇگىندە ءبىزدىڭ قاتارىمىز 900 مىڭعا جۋىق ادامدى قۇراپ وتىر. ولار ءتۇرلى ۇلىس وكىلدەرى مەن ءتۇرلى كوزقاراستاعى, قالالار مەن شالعاي اۋىلداردا تۇراتىن ازاماتتار. ءبىز بارلىعىمىز ەلباسىنىڭ جاقتاستارى جانە ۇلكەن ءبىر وتباسىمىز, – دەدى Nur Otan پارتياسى توراعاسىنىڭ ءبىرىنشى ورىنباسارى.
«مەن الماتىدان نۇر-سۇلتانعا بەت العان ۇشاقتا ەدىم, قاسىمدا ساتيرا اكتەرى, تەلەجۇرگىزۋشى تۇرسىنبەك قاباتوۆ وتىردى. ءبىر جارىم ساعات بويى مەن وعان پارتيا تۋرالى, ەلباسى مەن مەملەكەت باسشىسىنىڭ باستامالارى مەن پارتيانى قايتا جانداندىرۋ اياسىندا اتقارىلىپ جاتقان جۇمىس بارىسى تۋرالى اڭگىمەلەدىم. ءبىز ۇشاقتان تۇسكەن كەزدە ول وسىناۋ اتقارىلىپ جاتقان جۇمىستارعا ءوزىنىڭ دە اتسالىسقىسى كەلەتىنىن ايتتى», دەدى ب.بايبەك.
ت.قاباتوۆ پەن كاسىپقوي بوكسشى م.نۇرسۇلتانوۆ وزدەرىنىڭ پارتيا قاتارىندا ءجۇرىپ, ەل ءۇشىن قىزمەت اتقارۋدى ۇلكەن باقىت سانايتىنىن جەتكىزدى.
Nur Otan پارتياسىنىڭ قاتارىنا اسقار ابدىقالىق تا قوسىلدى. 19 جاستاعى اسقار ابدىقالىقتى بۇعان دەيىن مەملەكەت باسشىسى قاسىم-جومارت توقاەۆ ارىس قالاسىندا ورىن العان جارىلىس كەزىندە 80 بالانى كولىكپەن قالا سىرتىنا امان الىپ شىققانى ءۇشىن «ەرلىگى ءۇشىن» مەدالىمەن ماراپاتتاعان ەدى.
سونىمەن قاتار باۋىرجان بايبەك «قاسيەتتى جول» قايىرىمدىلىق قورى قامقورشىلىق كەڭەسىنىڭ مۇشەسى ديانا ەرلانعا, پەتروپاۆلدان كەلگەن جاس كاسىپكەر جانات قيقىموۆقا, «وتىرار تV» مەديا-حولدينگىنىڭ ديرەكتورى ايگەرىم جۇماقۇلوۆاعا جانە «مى يز شاحتينسكا» ۆولونتەرلار بىرلەستىگىنىڭ مۇشەسى يۋليا گولوۆيناعا پارتيا بيلەتىن تاپسىردى.
جالپى, ەلىمىز بويىنشا Nur Otan پارتياسىنىڭ قاتارىنا 2 مىڭعا جۋىق قازاقستاندىق مۇشە بولدى.
