ايماقتار • 03 جەلتوقسان، 2019

تارازدا بالالار قاۋىپسىزدىگىنە ارنالعان جيىن ءوتتى

333 رەتكورسەتىلدى

بالا تاربيەسى قاي كەزدە دە قوعامنىڭ باستى ماسەلەسى. وكىنىشكە قاراي، سوڭعى كەزدە كامەلەتكە تولماعان بالالاردى زورلاۋ فاكتىسى ەلىمىزدە ءجيى تىركەلۋدە. بيىلعى جىلدىڭ وزىندە جامبىل وبلىسىنىڭ تالاس جانە شۋ اۋداندارىندا دا وسىنداي ازعىندىق ارەكەت ورىن العان بولاتىن.

ال، قاراشا ايىندا تاراز قالاسىنداعى №6 مەكتەپتە دە مۇنداي قاسكويلىك ارەكەت تاعى قايتالاندى. بۇگىندە اتا-انالار بالا بولاشاعى ءۇشىن الاڭداۋلى. سول سەبەپتى بۇگىن تاراز قالاسىنداعى ى.دۇكەن ۇلى اتىنداعى مادەنيەت ۇيىندە جامبىل وبلىستىق پوليتسيا دەپارتامەنتىنىڭ باستىعى، پوليتسيا پولكوۆنيگى ارمان ورازاليەۆ «بالا تاربيەسى – بارشاعا ورتاق ماسەلە» تاقىرىبىندا وبلىستىق اتا-انالار جينالىسىن وتكىزدى. اتالعان جيىنعا جامبىل وبلىسى اكىمىنىڭ ورىنباسارى نۇرجان كالەندەروۆ جانە تاراز قالاسى اكىمىنىڭ ورىنباسارى كەنجەبەك ولجاباي قاتىستى. سونداي-اق جيىندا وبلىستىق ءبىلىم باسقارماسىنىڭ قىزمەتكەرلەرى، وبلىستىق اتا-انالار كوميتەتىنىڭ مۇشەلەرى، مەكتەپ ديرەكتورلارى مەن ورىنباسارلارى، قامقورشىلىق كەڭەسى جانە جەكە كۇزەت ۇيىمدارىنىڭ وكىلدەرى بولدى. سونىمەن قاتار بۇگىن  اتالعان جيىن تاراز قالاسىندا جانە وبلىستىڭ 10 اۋدانىندا پوليتسيا بولىمدەرىنىڭ ءبىرىنشى باسشىلارىمەن ءبىر ۋاقىتتا ۇيىمداستىرىلدى.

ءىس-شارانىڭ نەگىزگى ماقساتى – كامەلەتكە تولماعاندار اراسىندا جانە ولارعا قاتىستى جاسالاتىن قىلمىستار مەن قۇقىقبۇزۋشىلىقتاردىڭ الدىن الۋ، سونداي-اق بالالاردىڭ قاۋىپسىزدىگىن قامتاماسىز ەتۋ بويىنشا اتا-انالاردىڭ ۇسىنىستارى مەن پىكىرلەرىن تىڭداۋ، تۇيتكىلدى ماسەلەلەردى اقىلداسا وتىرىپ شەشىمىن تابۋ بولدى. وسى ماقساتتا ارمان ورازاليەۆ پوليتسيا قىزمەتكەرلەرىمەن اتقارىلىپ جاتقان جۇمىستار تۋرالى بايانداپ ءوتتى. «پوليتسيا تاراپىنان كامەلەتكە تولماعاندارمەن جانە ولارعا قاتىستى جاسالاتىن قىلمىستاردىڭ الدىن الۋ بويىنشا جۇمىستار جۇيەلى تۇردە جۇرگىزىلىپ كەلەدى. الايدا، بۇل ماسەلەدە، تەك پوليتسيانىڭ قىزمەتى جەتكىلىكسىز. بالالاردىڭ بوس ۋاقىتىن قالاي وتكىزۋى، مەكتەپكە كەلمەگەن جاعدايدا نە ىستەيتىنى، عالامتور جەلىلەرىندە قانداي اقپاراتتاردى قارايتىنى، كىممەن ارالاساتىنى تۋرالى، بىرىنشىدەن، ونىڭ اتا-انالارى، ۇستازدارى ۇنەمى نازاردا ۇستاۋى كەرەك. سوندىقتان بالا قاۋىپسىزدىگىن قامتاماسىز ەتۋدە بارلىق ءتيىستى تۇلعالاردى جاۋاپكەرشىلىكپەن قاراپ، پوليتسيامەن  بىرلەسە جۇمىس ىستەۋگە شاقىرامىن»، دەدى ول. سونداي-اق مەكتەپتەردە وقۋشىلاردىڭ قاۋىپسىزدىگىن قامتاماسىز ەتۋدى كۇشەيتۋ ءۇشىن بىرقاتار ۇسىنىستاردى ورتاعا سالدى. دەپاترامەنت باستىعى ماسەلەن مەكتەپ عيماراتتارىنا بوگدە ادامداردىڭ كىرمەۋىن جانە اۋلالارىندا قۇقىق بۇزۋشىلىققا جول بەرمەۋ ءۇشىن ارنايى كۇزەت مەكەمەلەرىمەن شارتقا وتىرۋ، كىرەبەرىسكە وتكىزۋ تۋرنيكەتتەرىن ورناتۋ، اتا-انالار جينالىستارىن ۇدايى تۇردە ۇيىمداستىرۋ، قاۋىپسىز مەكتەپ جولى اياسىندا مەكتەپكە كەلەر جولدارىنىڭ سىزباسىن جاساپ، كەزەكشىلىك ۇيىمداستىرۋ، ساباق ۋاقىتىندا سەبەپسىز جۇرگەن وقۋشىلاردىڭ ءجۇرۋىن قاتاڭ باقىلاۋعا الۋ، ساباق بولماعان جاعدايدا اتا-انالارعا وقۋشىنىڭ ەرتە كەتكەنى تۋرالى مىندەتتى تۇردە حابارلاۋ سياقتى ويلارىن ايتتى.

جيىندا ءسوز العان وبلىس اكىمىنىڭ ورىنباسارى نۇرجان كالەندەروۆ جۇمىستى جۇيەلى جۇرگىزۋ قاجەتتىگىن، تەك قالا مەكتەپتەرىنە عانا ەمەس، وڭىردەگى بارلىق مەكتەپتەرگە دە ارنايى كۇزەت قىزمەتىن ەنگىزۋ قاجەتتىگىنە توقتالدى. جالپى، تاراز قالاسىنىڭ مەكتەپتەرىنە ارنايى كۇزەت قىزمەتىن ەنگىزۋ ءۇشىن 410 ميلليون تەڭگە كەرەك ەكەن. بۇل قاراجاتقا 300 ادامدى جۇمىسپەن قامتۋ كەرەك. قالا اكىمىنىڭ ورىنباسارى كەنجەبەك ولجاباي وسى ماسەلەنىڭ ءتيىستى باسشىلاردىڭ الدىنا قويىلىپ وتىرعانىن اتاپ ءوتتى.

سوڭعى جاڭالىقتار

مال باققانعا بىتەدى...

ايماقتار • كەشە

جەر يەسىن تاپسا يگى

ايماقتار • كەشە

ءبارىمىزدىڭ ابايىمىز

رۋحانيات • كەشە

ينۆەستيتسيالار يگىلىگى

ەكونوميكا • كەشە

ماقتاارالدا ديقانشىلىق باستالدى

ايماقتار • 16 قاڭتار، 2020

ۇقساس جاڭالىقتار