ۇكىمەت • 03 جەلتوقسان، 2019

قازاقستاندا مەملەكەتتىك قىزمەتتەر جاڭاشا كورسەتىلمەك

96 رەتكورسەتىلدى

قازاقستاندا مەملەكەتتىك قىزمەتتەردى كورسەتۋ تارتىبىنە وزگەرتۋلەر ەنگىزىلدى جانە زاڭدى تۇردە بەكىتىلدى. بۇگىن پرەزيدەنت جانىنداعى ورتالىق كوممۋنيكاتسيالار قىزمەتىنىڭ بريفينگىندە پارلامەنت ءماجىلىسىنىڭ دەپۋتاتى مايرا ايسينا جانە تسيفرلىق دامۋ، يننوۆاتسيالار جانە اەروعارىش ونەركاسىبى ۆيتسە-ءمينيسترى ابىلايحان وسپانوۆ مالىمدەدى. بۇل تۋرالى تسيفرلىق دامۋ، يننوۆاتسيالار جانە اەروعارىش ونەركاسىبى مينيسترلىگىنىڭ ءباسپاسوز قىزمەتى حابارلادى. 

زاڭدا كوزدەلگەن باستى جاڭاشىلدىقتار قاتارىندا – مەملەكەتتىك قىزمەتتەردى پرواكتيۆتى تۇردە كورسەتۋ قاراستىرىلعان. بۇل دەگەنىڭىز، ەندىگى جەردە مەملەكەت ازاماتتىڭ ءوتىنىم بەرۋىن كۇتپەي-اق، قىزمەتتەردى ءوزى ۇسىناتىن بولادى. مىسالى، ومىرگە نارەستە كەلگەندە ونىڭ تۋعانىن ەسەپكە الۋ، بالا تۋ بويىنشا بەرىلەتىن جاردەماقىنىڭ ەكى ءتۇرىن تاعايىنداۋ، تۇرعىلىقتى مەكەنجايىنا تىركەۋ جانە بالاباقشا كەزەگىنە قويۋ ءبىر مەزەتتە ۇسىنىلادى. اتالعان قىزمەت بۇگىنگى كۇنى 120 مىڭ اناعا كورسەتىلدى.

تاعى ءبىر جاڭالىق - ء«بىر تەرەزە» قاعيداتىنان – ء«بىر ءوتىنىم» قاعيداتىنا كوشۋ. مەملەكەتتىك قىزمەتتەردى كورسەتۋ كەزىندە «كومپوزيتتىك» ءتاسىلدى كەڭەيتۋ. ياعني، بىرنەشە ىلەسپە قىزمەتتەر كەشەندى تۇردە ۇسىنىلادى جانە ول ءۇشىن ازاماتقا تەك ءبىر رەت ءوتىنىش بەرۋ جەتكىلىكتى. مىسالى، مۇمكىندىگى شەكتەۋلى بالالاردىڭ اتا-انالارى ولاردى دارىگەرلىك تەكسەرۋدەن وتكىزۋ، وقىتۋ جانە وڭالتۋ بويىنشا 6 ءتۇرلى قىزمەت ءتۇرىن الادى. جانە ولاردى الۋ ءۇشىن 6 بۋما قۇجات جيناۋى قاجەت. ەندىگى جەردە ولارعا ءبىر رەت ءوتىنىش بەرۋ ارقىلى قىزمەتتىڭ 6 ءتۇرىن الۋ مۇمكىندىگى ۇسىنىلادى. مەملەكەتتىك قىزمەتتىڭ 55 ءتۇرىن بىرىكتىرگەن وسىنداي 21 كومپوزيتتىك قىزمەت ەنگىزىلەتىن بولادى.

بۇدان باسقا، ەندى كوشەلەر مەن ەلدى مەكەندەردى قايتا اتاۋ كەزىندە دەرەكتەر بازاسىنداعى مەكەنجاي اتاۋى دا اۆتوماتتى تۇردە وزگەرەدى. سونداي-اق ەكساۋماقتىق قاعيداتى ەنگىزىلۋدە، بۇل جاعدايدا ازاماتتىق حال اكتىلەرىن تىركەۋ بويىنشا مەملەكەتتىك قىزمەتتەردى ازامات ەلدىڭ كەز كەلگەن ايماعىنان  الا الادى.

جالپى، پروتسەۆستى اۆتوماتتاندىرۋ جانە مەملەكەتتىك قىزمەتتەردى وڭتايلاندىرۋ سىبايلاس جەمقورلىقتىڭ الدىن الۋدا ۇلكەن ماڭىزعا يە. ايتا كەتۋ كەرەك، جاڭا ءتاسىل:

- 124 مەملەكەتتىك قىزمەتتى وڭتايلاندىرۋ;

- قىزمەت كورسەتۋ مەرزىمىن 178 كۇنگە قىسقارتۋ (ورتا ەسەپپەن ارقايسىسى 9 كۇنگە);

- 90-نان استام قۇجاتتى قىسقارتۋ;

- 82 مەملەكەتتىك قىزمەتتى بەلسەندى نەمەسە كومپوزيتتى ەتۋدى كوزدەيدى. 

سوڭعى جاڭالىقتار

ۇقساس جاڭالىقتار