وتكەن 10 ايدىڭ قورتىندىسى بويىنشا رايىمبەك اۋدانىندا وندىرىلگەن اۋىل شارۋاشىلىعى ءونىمىنىڭ جالپى قۇنى 25,7 ملرد تەڭگەنى قۇراپتى. جيىن-تەرىمنىڭ ءتۇسىمى ءالى تولىق ەسەپتەلىپ بولماعاندىعىن ەسكەرسەك, بۇلكورسەتكىش ءالى دە ءوسىپ, 26,7 ملرد تەڭگەنى قۇرايدى دەگەن بولجام بار.
اۋداندا نەگىزىنەن كارتوپ وسىرىلەدى. جالپى سوڭعى جىلدار ارالىعىندا رايىمبەك وڭىرىندە وسى كارتاپ ەگىستىگىنىڭ كولەمى 10 ەسەگە ارتقان ەكەن. بۇل جەرگىلىكتى جۇرتتىڭ جاپپاي جەر ەمىپ, نەسىبەسىن ەڭبەكتەن تابۋعا جۇمىلعانىن كورسەتەدى. قازىر اۋىلداعى اعايىن كارتوپ ەگىستىگىنىڭ كولەمىن 700 گەكتارعا ۇلعايتىپ, جينالاتىن ءونىمدى 380 تسەنتنەرگە دەيىن جەتكىزىپ وتىر. بيىل دا كارتوپ 6 مىڭ گەكتارعا سەبىلىپ, ودان 123 مىڭ توننا ءونىم الىندى.
-اۋدانداعى شارۋا قوجالىقتارى مەملەكەتتىڭ كومەگىمەن 240 توننا گوللانديالىق «سانتە» جانە «اگريا» سورتتارى ساتىپ الدى. ناتيجەسىندە كارتوپ ەگۋ كولەمى بۇرىندارى 70 گەكتار بولسا, قازىر كورسەتكىش 10 ەسەگە ءوسىپ, 700 گەكتارعا جەتكىزىلدى. جاڭا تۇقىمنىڭ, جاڭا تەحنولوگيانىڭ ارقاسىندا ونىمدىلىك تە ارتتى. بۇرىن ءار گەكتارىنان 170-180 تسەنتنەردەن كارتوپ الىناتىن بولسا, ەندى 380 تسەنتنەرگە دەيىن ءونىم جينادىق, دەيدى رايىمبەك اۋدانىنىڭ اكىمى نۇرجان قۇدايبەرگەنوۆ.
