ۇكىمەت • 03 جەلتوقسان، 2019

فەرمەرلەرگە سۋبسيديا بويىنشا بارلىق قارىزدار تولەنەتىن بولدى

73 رەتكورسەتىلدى

ۇكىمەت اۋىل شارۋاشىلىعى تاۋارلارىن وندىرۋشىلەر الدىندا ءوز مىندەتتەمەلەرىن ورىنداۋدا. وسى ۋاقىتقا دەيىن جىلدان جىلعا اۋىسىپ مال شارۋاشىلىعى جانە ينۆەستيتسيالىق سۋبسيديالار بويىنشا جينالىپ قالعان قوسىمشا قاجەتتى قارجى تولىق كولەمدە تولەنەتىن بولدى. بۇل تۋرالى اۋىل شارۋاشىلىعى مينيسترلىگىنىڭ ءباسپاسوز قىزمەتى حابارلادى.

«بۇگىنگە دەيىن قازاقستان رەسپۋبليكاسىنىڭ ۇكىمەتىنىڭ شەشىمى بويىنشا ينۆەستيتسيالىق سۋبسيدياعا قاجەت 28،5 ملرد تەڭگە سوماسىنداعى بەرەشەك جابىلعان بولاتىن.

ۇكىمەت باسشىسى جاقىن ارادا مال شارۋاشىلىعىن سۋبسيديالاۋعا قاجەت 36،8 ملرد تەڭگە، سونداي-اق ينۆەستيتسيالىق سۋبسيديالار بويىنشا 11،7 ملرد تەڭگە سوماسىنداعى قارىز قالدىعىن جابۋ جونىندە تاپسىرما بەردى.

اۋىل شارۋاشىلىعىنا كورسەتىلىپ جاتقان مەملەكەتتىك قولداۋدىڭ ارقاسىندا سالانىڭ ينۆەستيتسيالىق تيىمدىلىگى ارتىپ، نەگىزگى كاپيتالعا ينۆەستيتسيالار تارتۋ بويىنشا نىسانالى ينديكاتورلاردىڭ ورىندالۋىن قامتاماسىز ەتۋگە مۇمكىندىك بەرۋدە. قازىرگى ۋاقىتتا جالپى سوماسى 4،4 ترلن تەڭگەنى قۇرايتىن 113 ينۆەستيتسيالىق جوبا ازىرلەنىپ، جۇزەگە اسىرۋ پروتسەسىندە تۇر»، دەلىنگەن حابارلامادا.
سوڭعى جاڭالىقتار

ەسىك نەگە «تەسىك»؟

قوعام • كەشە

ۇقساس جاڭالىقتار