ۇكىمەت • 03 جەلتوقسان، 2019

اسكەري مەديتسينانى دامىتۋعا ارنالعان جاڭا باعدارلاما ۇسىنىلدى

36 رەتكورسەتىلدى

قازاقستان قارۋلى كۇشتەرىنىڭ باس اسكەري-مەديتسينالىق باسقارماسى اسكەري مەديتسينانى دامىتۋ باعدارلاماسىن ازىرلەدى. قورعانىس مينيسترىنە وسى سالانى دامىتۋدىڭ نەگىزگى باعىتتارىن باياندادى. بۇل تۋرالى قورعانىس مينيسترلىگىنىڭ ءباسپاسوز قىزمەتى حابارلادى.


باعدارلاما قازاقستاننىڭ اسكەري مەديتسيناسىنىڭ بىرقاتار ماڭىزدى باعىتتارىن قامتيدى: اسكەري-مەديتسينالىق قامتاماسىز ەتۋدى باسقارۋ، كادرلىق رەسۋرستار، ماتەريالدىق بازا جانە ۇيىمدىق-شتاتتىق قۇرىلىم، سونداي-اق مەديتسينالىق كومەك كورسەتۋدى ۇيىمداستىرۋ. بۇل رەتتە اعىمداعى جاعداي، پروبلەمالىق ماسەلەلەر جانە ولاردى شەشۋدىڭ ۇسىنىلاتىن جولدارى ەگجەي-تەگجەيلى كورسەتىلگەن.

باس اسكەري-مەديتسينالىق باسقارما باستىعى پولكوۆنيك تيمۋر وشاقباەۆتىڭ ايتۋىنشا، اتالمىش باعدارلامانى جۇزەگە اسىرۋ قازاقستانعا بەيبىت جانە باسقا دا ۋاقىتتا مىندەتتەردى ءوز بەتىنشە شەشۋگە قابىلەتتى، مەديتسينالىق قامتاماسىز ەتۋ مەن ساقتاندىرۋدىڭ جالپى جۇيەسىندە باسەكەگە قابىلەتتى اسكەري-مەديتسينالىق بولىمشەلەر مەن مەكەمەلەر قۇرۋعا مۇمكىندىك بەرەدى.

باياندامادا ايتىلعانداي، جوسپارلانىپ وتىرعان باستى ناتيجەلەر – اسكەرلەردى ساپالى، زاماناۋي مەديتسينالىق م ۇلىكپەن جانە تەحنيكامەن ۇزدىكسىز قامتاماسىز ەتۋ، اسكەري دارىگەردىڭ مارتەبەسىن جانە اسكەري مەديتسينانىڭ بەدەلىن ارتتىرۋ بولىپ تابىلادى. بۇل شارالاردىڭ بارلىعى اتالمىش قۇرىلىم مەن مەديتسينالىق قىزمەت جۇيەسىن جاقسارتۋعا مۇمكىندىك بەرەدى.

باعدارلامانىڭ ماڭىزدى اسپەكتىسى ساناتوريالىق ۇيىمداردىڭ كليماتوگەوگرافيالىق ورنالاسۋى بويىنشا ورىنداردى بولە وتىرىپ، ساناتوريالىق-كۋرورتتىق ەمدەۋگە سايكەس قىزمەتتەردى ساتىپ الۋ بولىپ تابىلادى. قىزمەتتى قازىرگى اسكەري قىزمەتشىلەر مەن زاپاستاعى ادامدار پايدالانا الادى.

سونداي-اق قازاقستاندىق اسكەري قىزمەتشىلەردىڭ بۇۇ بىتىمگەرشىلىك ميسسيالارىنا قاتىسۋىن كەڭەيتۋ شەڭبەرىندە اسكەري-دالالىق گوسپيتالدى دايىنداۋ جانە ونى جىبەرۋ جوسپارلانىپ وتىر.

بۇگىندە قازاقستاننىڭ قارۋلى كۇشتەرىندە 21 اسكەري-مەديتسينالىق مەكەمە جۇمىس ىستەيدى. اتاپ ايتقاندا، ورتالىقتار، گوسپيتالدار، لازارەتتەر جانە 131 مەديتسينالىق بولىمشە-مەديتسينالىق روتالار، پۋنكتتەر، ۆزۆودتار، بولىمشەلەر.

اسكەري مەديكتەردىڭ نەگىزگى بولىگى زاپاستاعى وفيتسەرلەردى جانە شەت مەملەكەتتەردىڭ اسكەري وقۋ ورىندارىنىڭ تۇلەكتەرىن شاقىراتىن قازاقستاننىڭ مەديتسينالىق جوعارى وقۋ ورىندارىنان قۇرالادى. قوسىمشا ءبىلىم بەرۋدى قم اسكەري مەديتسينا ورتالىعى قامتاماسىز ەتەدى. جىل سايىن 400-گە دەيىن ادام ءبىلىم الادى. اسكەري مەديتسينا جۇيەسىن دامىتۋ مەن جەتىلدىرۋ اسكەردىڭ جوعارى جاۋىنگەرلىك دايارلىعىن قولداۋ جونىندەگى شارالار كەشەنىندە باسىم باعىتتاردىڭ ءبىرى بولىپ تابىلادى جانە مەملەكەتتىڭ قورعانىس قابىلەتىنە تىكەلەي اسەر ەتەدى.


سوڭعى جاڭالىقتار

ءوز قارجىسىنا كىتاپحانا سالعان

ايماقتار • بۇگىن، 10:08

ساباننان جاسالعان قالاشىق

ايماقتار • بۇگىن، 10:05

وتانعا قىزمەت – ورتاق پارىز

قوعام • بۇگىن، 09:48

اۋىلعا كەل، جاس دارىگەر

ايماقتار • بۇگىن، 09:37

تاريح. تۇلعا. تۇركىستان

رۋحانيات • بۇگىن، 09:06

ادامدىقتىڭ قاينارى

رۋحانيات • بۇگىن، 08:55

بەرىك ءۋالي: اباي مەن الاش

رۋحانيات • بۇگىن، 08:54

التى كولىك قار قۇرساۋىنان شىعارىلدى

ايماقتار • 18 قاڭتار، 2020

ۇقساس جاڭالىقتار