قازاقستان • 03 جەلتوقسان، 2019

جاڭا جوبا – جاستارعا جاقسى قولداۋ

42 رەتكورسەتىلدى

ەل پرەزيدەنتى قاسىم-جومارت توقاەۆتىڭ قازاقستان حالقىنا ارناعان «سىندارلى قوعامدىق ديالوگ – قازاقستاننىڭ تۇراقتىلىعى مەن وركەندەۋىنىڭ نەگىزى» اتتى جولداۋىندا ءتيىمدى شاعىن جانە ورتا بيزنەس قالا مەن اۋىلدى دامىتۋدىڭ بەرىك نەگىزى ەكەندىگىن ەرەكشە اتاپ ءوتتى.

بۇل ەڭ الدىمەن تۇرعىندارعا تۇراقتى جۇمىس ورنىن اشىپ، جۇمىسسىزدىق دەڭگەيىن تومەندەتەدى. سونىمەن قاتار، سالىق بازاسىن قۇراپ، جەرگىلىكتى بيۋدجەتتى تولىقتىرادى. سوندىقتان، بۇل ماقساتقا پرەزيدەنت ۇلتتىق قوردان 100 ميلليارد تەڭگەگە جۋىق قاراجات ءبولۋ تۋرالى تاپسىرما بەرگەن بولاتىن. 

پرەزيدەنت شاعىن جانە ورتا بيزنەسكە مەملەكەت تاراپىنان قارجىلاي قولداۋ كورسەتۋ جۇيەسىن جاڭا جوبالارعا باسىمدىق بەرە وتىرىپ، قايتا قۇرۋ تۋرالى تاپسىرما بەرگەن ەدى. سونداي-اق، ۇكىمەتكە «بيزنەستىڭ جاڭا جول كارتاسى»  اياسىندا وسى ماقساتقا سايكەس الداعى ءۇش جىل ىشىندە قوسىمشا 250 ميلليارد تەڭگە بولۋ قاجەتتىگىن اتاپ وتكەن-ءدى. بيىلعى جىلى ەكى بىردەي كاسىپكەرلىك سالاسىنداعى جوبا قولعا الىندى. ونىڭ ءبىرى 29 جاسقا دەيىنگى جاستارعا ارنالعان ەكى اپتالىق «جاس كاسىپكەر» باعدارلاماسى.  ناتيجەسىندە جاستار جىلدىق ۇستەمەسى 6 پروتسەنت بولاتىن جەڭىلدەتىلگەن نەسيە الۋعا مۇمكىندىك الادى. سونداي-اق وزدەرىنىڭ شاعىن كاسىبىن دامىتۋعا 505 مىڭ تەڭگە قوسىمشا گرانت بەرىلەدى. ەكىنشىسى جۇمىسسىز، جاعدايى تومەن جانە كوپبالالى انالار مەن مۇمكىندىگى شەكتەۋلى ازاماتتارعا ارنالعان 20 كۇندىك «باستاۋ» باعدارلاماسى.  

–بيىلعى جىلى 350-دەن استام ازامات وقۋلارىن اياقتادى. ولاردىڭ ىشىندە 75 ادام گرانت يەگەرى اتاندى. 20-دان استام ازامات جەڭىلدەتىلگەن نەسيە راسىمدەدى. سالالارى دا ءارتۇرلى. مال شارۋاشىلىعى، حالىققا قىزمەت كورسەتۋ، تىگىنشىلىك پەن شاشتاراز دا بار،–دەيدى وبلىستىق كاسىپكەرلەر پالاتاسىنىڭ بيزنەس-ترەنەرى ايناگۇل ءابدىراحمانوۆا.  

حالىق اراسىندا كاسىپكەرلىك نەگىزدەرىنىڭ الىپپەسىن وقىتۋعا ارنالعان «باستاۋ» باعدارلاماسىنىڭ يىگىلىگىن كورگەندەردىڭ ءبىرى – ءلاززات دوسماعامبەتوۆا.    

–بۇل وتە جاقسى جوبا. بىزگە وتە پايدالى. بۇگىندە مەن سەرتيفيكات الدىم. 252 مىڭ تەڭگە گرانت الدىم. نوۋتبۋك، پرينتەر، وزگە دە قاجەتتى زاتتار ساتىپ الدىم. گرانت بويىنشا وزىمە فيرما اشىپ، «جاڭا ءومىر» دەگەن جىلجىمايتىن م ۇلىك اگەنتتىگىن اشتىم، دەيدى جەكە كاسىپكەر ءلاززات دوسماعامبەتوۆا. 

سوڭعى جاڭالىقتار

قىس قىسىمىن ادام كۇشى جەڭۋدە

ايماقتار • بۇگىن، 16:56

تارازدا «اntikor ortalygy» اشىلدى

ايماقتار • بۇگىن، 16:10

200 تەڭگەلىك مونەتا اينالىمعا شىقتى

قازاقستان • بۇگىن، 10:39

ۇقساس جاڭالىقتار