وبلىس اكىمى ەرمەك مارجىقپاەۆ كوپىردىڭ سالتاناتتى اشىلۋ راسىمىنە قاتىسىپ, ينفراقۇرلىمدىق جەلىلەردى جاڭعىرتۋ بويىنشا الداعى جۇمىس جوسپارىمەن ءبولىستى. جاڭا كوپىر شوقان ءۋاليحانوۆ كوشەسى مەن ابىلاي حان داڭعىلىن جالعايدى. نىسان قۇرىلىسىنا 452 ميلليون تەڭگە ءبولىنىپتى. قالادا جول جوندەۋ ءىسى دە قارقىن العان. بۇل باعىتقا بولىنگەن قارجى كولەمى 20 ميلليارد تەڭگەگە جۋىق. قاراجاتتىڭ باسىم بولىگى رەسەي مەن قازاقستاننىڭ شەكارالاس وڭىرلەرىنىڭ ىنتىماقتاستىعى فورۋمىنا وراي رەسپۋبليكا قازىناسىنان قۇيىلعان. ىرگەلى شاراعا ازىرلىك اياسىندا كوكشەتاۋدىڭ كوپتەن قوردالانعان ماسەلەلەرى تۇبەگەيلى شەشىلمەك.
كەلەسى كوپىر دە تاياۋ ارادا پايدالانۋعا بەرىلمەك. ول قىلشاقتىنىڭ قوپاعا قۇيار ساعاسىندا سالىنىپ جاتىر. سونداي-اق نازارباەۆ داڭعىلى, ەلەۆاتور مەن 13-ءشى مەكتەپ ماڭىنداعى 3 ەسكى كوپىر دە قايتا جاڭعىرتىلادى. ءوڭىر باسشىلىعى نىساننىڭ قۇرىلىس ساپاسىن وڭ باعالاپ, مەردىگەرلەر مەن قۇرىلىسشىلارعا العىس ءبىلدىردى.
–بۇل كوكشەتاۋ قالاسىنداعى ەڭ ۇلكەن كوپىر. مۇنداي نىساندار قالا اۋماعىندا سوڭعى 40 جىلدا سالىنعان ەمەس. كوپىردىڭ ەنى 32 مەتر. جاياۋ جۇرگىنشىلەرگە ارنالعان جولاقتىڭ ءوزى 3 مەتر. بۇل قالا تۇرعىندارىنىڭ يگىلىگى ءۇشىن جاسالعان شارۋا. نىسان ستاندارتقا ساي. ياعني, جۇك كولىكتەرىن وتكىزۋگە مۇمكىندىگى بار,–دەيدى «سەرۆيس نس» كومپانياسىنىڭ كوپىر قۇرىلىسى بويىنشا مەڭگەرۋشىسى ۆيكتور كازەنىي.
