ۇكىمەت • 03 جەلتوقسان، 2019

ءبىز الەۋمەتتىك ماڭىزى بار ازىق-ت ۇلىك ونىمدەرىنىڭ يمپورتىنا تاۋەلدىلىكتەن ارىلۋىمىز قاجەت - ا. مامين

27 رەتكورسەتىلدى

پرەمەر-مينيستر اسقار ءماميننىڭ توراعالىعىمەن وتكەن ۇكىمەت وتىرىسىندا اگروونەركاسىپتىك كەشەندى مەملەكەتتىك قولداۋدىڭ جاڭا تاسىلدەرى قارالدى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

اۋىل شارۋاشىلىعى ءمينيسترى س. وماروۆ، اگروبيزنەس وكىلدەرى ي.ساۋەر، ا.رافالسكي ي ا.حودجانازاروۆ، الماتى وبلىسىنىڭ اكىمى ا.باتالوۆ جانە قوستاناي وبلىسىنىڭ اكىمى ا. مۇحامبەتوۆ بايانداما جاسادى. 

اوك سالاسىندا جالپى كولەمى 4،4 ترلن تەڭگە بولاتىن 113 ينۆەستيتسيالىق جوبا پىسىقتالۋ جانە ىسكە اسىرىلۋ ۇستىندە. 2024 جىلعا قاراي ەلدىڭ قۇس ەتىنە (49%-ى يمپورتتالادى)، شۇجىق ونىمدەرىنە (39%)، ىرىمشىك پەن سىر ونىمدەرىنە (46،5%)، الما (31،5%) مەن قانتقا (57،3%) قاجەتتىلىگىن قامتاماسىز ەتۋ ماقساتىندا ونەركاسىپتىك ءسۇت-تاۋار فەرمالارىن، قۇس فابريكالارىن، الما باقتارىن اشۋ، قانت زاۋىتتارىن سالۋ جانە جاڭعىرتۋ جوسپارلانعان.

وسى ۋاقىتقا دەيىن مەملەكەت اوك-ءتى جالپى كولەمى 292 ملرد تەڭگە بولاتىن 47 سۋبسيديا تۇرىمەن قولدادى، ولار نەگىزىنەن اۋىل شارۋاشىلىعى ءوندىرىسىنىڭ تابىستىلىعىن قولداۋعا باعىتتالدى. اگرارلىق سالانىڭ ساپالى دامۋىن ىنتالاندىرۋ ماقساتىندا 2020 جىلدان باستاپ اوك-ءتىڭ ەكسپورتتىق الەۋەتىن ارتتىرۋعا جانە يمپورت الماستىرۋعا باعدارلانعان بىرقاتار ءتيىمسىز سۋبسيديالار الىنىپ تاستالادى، جاڭالارى ەنگىزىلەدى. 

جاڭاشىلدىقتار 2017-2021 جىلدارعا ارنالعان اوك دامىتۋدىڭ وسىعان دەيىن قابىلدانعان مەملەكەتتىك باعدارلاماسىنا ساي كەلەدى. سۋبسيديالار تۇقىمدارعا، تىڭايتقىشتار مەن پەستيتسيدتەرگە بولىنەدى. سونىمەن قاتار، اگرارلىق سالاداعى عىلىمي-زەرتتەۋ جانە تاجىريبەلىك-كونسترۋكتورلىق جۇمىستاردى سۋبسيديالاۋ ەنگىزىلەدى. وزگەرىستەر سونىمەن قاتار تاۋارلىق-ارنايى جانە ينۆەستيتسيالىق سۋسبيديالار توبىنا قاتىستى بولادى.

«تۇڭعىش پرەزيدەنت – ەلباسى ن. نازارباەۆ جانە مەملەكەت باسشىسى ق. توقاەۆ بىرنەشە رەت اتاپ وتكەندەي، اگروونەركاسىپ كەشەنىڭ دامىتۋ ەكونوميكانى ءارتاراپتاندىرۋدىڭ ماڭىزدى فاكتورى بولىپ تابىلادى. ءبىزدىڭ الدىمىزعا اگروونەركاسىپ كەشەنىندەگى ەڭبەك ونىمدىلىگىن 2022 جىلعا قاراي 2،5 ەسە ارتتىرۋ مىندەتى قويىلعان»، دەدى ا.مامين.

ۇكىمەت باسشىسى يمپورتقا تاۋەلدىلىكتى ازايتۋ ماقساتىندا ىشكى ءوندىرىستى ۇلعايتۋ - اۋىل شارۋاشىلىعىن دامىتۋ باسىمدىقتارىنىڭ ءبىرى بولىپ بەلگىلەنگەنىن اتاپ ءوتتى.

«جوسپارلانعان شارالاردىڭ ارقاسىندا الداعى 3-5 جىل ىشىندە رەسپۋبليكانىڭ يمپورتقا دەگەن تاۋەلدىلىگىن جويىپ، ەلىمىزدى بارلىق الەۋمەتتىك ماڭىزى بار تاۋارلارمەن تولىق قامتاماسىز ەتۋىمىز قاجەت»، دەدى ا. مامين.

پرەمەر-مينيستر اوك-ءتىڭ سۋبسيديالاۋ بويىنشا بەرەشەگىن جويۋ شارالارىن قابىلداۋدى تاپسىردى. 

سوڭعى جاڭالىقتار

ءوز قارجىسىنا كىتاپحانا سالعان

ايماقتار • بۇگىن، 10:08

ساباننان جاسالعان قالاشىق

ايماقتار • بۇگىن، 10:05

وتانعا قىزمەت – ورتاق پارىز

قوعام • بۇگىن، 09:48

اۋىلعا كەل، جاس دارىگەر

ايماقتار • بۇگىن، 09:37

تاريح. تۇلعا. تۇركىستان

رۋحانيات • بۇگىن، 09:06

ادامدىقتىڭ قاينارى

رۋحانيات • بۇگىن، 08:55

بەرىك ءۋالي: اباي مەن الاش

رۋحانيات • بۇگىن، 08:54

التى كولىك قار قۇرساۋىنان شىعارىلدى

ايماقتار • 18 قاڭتار، 2020

18 قاڭتارعا ارنالعان اۋا-رايى بولجامى

قازاقستان • 18 قاڭتار، 2020

ۇقساس جاڭالىقتار