«سپورتتىڭ, ونىڭ ىشىندە جەڭىل اتلەتيكانىڭ تانىمالدىلىعىن ارتتىرۋ ءبىزدىڭ ساياساتىمىزدىڭ ماڭىزدى باعىتى. قازاقستاندا 7 وزىق جەڭىل اتلەتيكا ورتالىعىنىڭ قۇرىلىسى ءجۇرىپ جاتىر - نۇر-سۇلتاندا, الماتىدا, پاۆلوداردا, اقتوبەدە, تالدىقورعاندا, اتىراۋدا جانە وسكەمەندە. بۇل وسى سپورت ءتۇرىنىڭ ودان ءارى تارالۋىنا ىقپال ەتەتىن بولادى», دەدى ا. مامين.
بۇگىندە 20 مىڭنان استام قازاقستاندىق جەڭىل اتلەتيكامەن اينالىسادى, ونىڭ ىشىندە 11 مىڭى بالالار مەن جاسوسپىرىمدەرگە ارنالعان سپورت مەكتەپتەرىندە وقيدى, 600-دەن استامى كاسىبي سپورتپەن شۇعىلدانادى. قازاقستان 1993 جىلدان بەرى حالىقارالىق جەڭىل اتلەتيكا فەدەراتسيالارى قاۋىمداستىعىنىڭ (IAAF) مۇشەسى. قازاقستاندىق سپورتشىلار 20-دان اسا ماراپات يەلەندى, ونىڭ ىشىندە 2000 جىلى سيدنەيدە التىن مەدالعا (ولگا شيشيگينا) جانە 2012 جىلى لوندوندا التىن مەدالعا (ولگا رىپاكوۆا) يە بولدى.
تاراپتار بىلىكتى جاتتىقتىرۋشىلار پەرسونالىن دايارلاۋدا, جەڭىل اتلەتيكانى بۇقارالىق سپورت ءتۇرى رەتىندە تانىتۋعا جانە بالالار اراسىندا جەڭىل اتلەتيكادان جارىستار وتكىزۋدە ىنتىماقتاستىق پەرسپەكتيۆالارىن تالقىلادى.
كەزدەسۋگە قازاقستاننىڭ ۇلتتىق وليمپيادا كوميتەتىنىڭ پرەزيدەنتى ت. ق ۇلىباەۆ, مادەنيەت جانە سپورت ءمينيسترى ا. رايىمقۇلوۆا, جەڭىل اتلەتيكا فەدەراتسياسىنىڭ پرەزيدەنتى د. احمەتوۆ, جەڭىل اتلەتيكادان وليمپيادا چەمپيوندارى و. شيشيگينا جانە و. رىپاكوۆا قاتىستى.
