الەم • 03 جەلتوقسان، 2019

ەۋروپا كەڭەسىنىڭ جاڭا باسشىسى انىقتالدى

21 رەت كورسەتىلدى

وتكەن جۇمادا بريۋسسەلدە ەۋروپا كەڭەسىنىڭ توراعاسى اۋىس­تى. بۇدان بىلاي بەلگيالىق شارل ميشەل كەڭەستىڭ جيىنىن باسقارىپ، حالىقارالىق ارەنادا ۇيىم اتىنان ءسوز سويلەيتىن بولادى.

43 جاستاعى شارل ميشەل – ەۋروپا كەڭەسى تاريحىنداعى ەڭ جاس باسشى. ونىڭ اكەسى دە بەلگىلى ساياساتكەر. لۋي ميشەل بەلگيانىڭ سىرتقى ىستەر ءم­ي­نيسترى قىزمەتىن اتقارعان، سونى­مەن قاتار ەۋروپا كەڭەسىنىڭ دا­مۋ جانە گۋمانيتارلىق كومەك ما­سە­­لەلەرى بويىنشا كوميسسارى بولعان. 

ميشەل اكەسى سياقتى بەل­­­گيا­نىڭ «رەفورماتورلار قوز­عالىسى» ليبەرالدار پارتياسىنان. بۇعان دەيىن اتال­عان پارتيانىڭ توراعاسى، بەل­گيا­نىڭ پرەمەر-ءمينيسترى قىزمەتتەرىن اتقارعان.

دونالد تۋسكتىڭ ورنىنا كەلگەن جاڭا باسشى «ەۋروپانىڭ «جاسىل» ەكونوميكا سالاسىندا ۇزدىك بولعانىن قالاي­مىن. سونىمەن بىرگە ايماقتا جۇ­مىسسىزدىق ماسە­لەسى شەشىمىن تاۋىپ، يننوۆاتسيالار مەن ءومىر ءسۇرۋ ساپاسى دەڭگەيىنىڭ جو­عارى بولۋى ءۇشىن جۇمىس ىستەي­مىن. ءبىز وداققا مۇشە مەملەكەتتەر مەن ازاماتتارىمىز ءۇشىن قىز­مەت ەتۋى­مىز كەرەك. وعان جەتۋ ءۇشىن اقى­لىمىز بەن تالانتىمىزدى، تاجى­ري­بە­مىزدى قولدانۋىمىز شارت»، دەدى.

بەلگىلى جۋرناليست ۆيللام ۆان مۋللەم ميشەلدىڭ جاقسى ديپلومات ەكەنىن، بەلگيا ىشكى ساياساتىندا ءوزىن جاقسى كورسەتە العانىن ايتادى. «ول شيەلەنىستى جاقسى شەشە الاتىن ساياساتكەر»، دەيدى جۋرناليست. بۇل ءسوزدىڭ انىق-قانىعى مىندەتىنە كەلگەن العاشقى ايدا-اق انىقتالماق. ويتكەنى جەلتوقساندا ەۋروپا كەڭەسىنىڭ جۇ­مىسى قىزا تۇسپەك. جەلتوقسان سامميتىمەن قاتار ۇلىبريتانيادا پارلامەنت سايلاۋى وتەدى. ال سايلاۋدان كەيىن ۇلىبريتانيانىڭ ەۋروپا وداعىندا قالىپ نە وداق­تان شىعۋى بەلگىلى بولادى. قان­داي شەشىم قابىلدانباسىن، وداق­تاعى 27 مەملەكەتتىڭ بىرلىگى شارل ميشەلدىڭ موينىندا.  

ەۋروپا كەڭەسىنىڭ توراعاسى – ەۋروپا وداعىنداعى ەڭ جوعارعى لاۋا­زىمداردىڭ ءبىرى. توراعا ەۋروپا كەڭەسىنىڭ بارلىق جيىنىن باس­قا­رىپ، حالىقارالىق ارەنادا وداق­تىڭ اتىنان ءسوز سوي­لەيدى. 2009 جىل­عا دەيىن كەڭەس باسشىلىعى قىز­مەتىن كەڭەس­كە توراعالىق ەتەتىن مەم­لەكەت­تىڭ پرەزيدەنتى اتقارعان. ياعني، جارتى جىل سايىن جاڭا مەم­­لە­كەت، سايكەسىنشە جاڭا باسشى تا­عا­يىندالىپ وتىرعان. 2009 جىل­دان باستاپ باسشىسىن تاڭ­داۋ داس­تۇر­گە ەنگىزىلدى. ال شار­ل مي­شەل 2،5 جىلعا تاعايىن­دالىپ وتىر.

جاڭا باسشىنىڭ ساياسي كوز­قاراسىنا توقتالاتىن بول­ساق، ونىڭ حريستياندىق دەمو­كرات، وڭ­شىل­­دىقتى جاقتاي­تى­نى تۋ­رالى اقپارات بار. ەۋروپا كو­ميس­سياسىنىڭ باسشىسى ۋر­سۋلا فون دەر ليايەن دە بۇل باعىت­تى ۇس­تاناتىنى بەلگىلى. اق­پا­رات قۇرالدارى شارل مي­شەل­دىڭ فران­تسيا پرەزيدەنتى ە.ما­كرون­مەن تەز ءتىل تابىسىپ كەتكەنىن جازۋدا.

1 جەلتوقسان تەك ميشەل ءۇشىن ەمەس، ەۋروپا كوميسسياسىنىڭ بىرقاتار قىزمەتكەرى ءۇشىن دە ال­عاشقى جۇمىس كۇنى بولماق. ويتكەنى ۋرسۋلا فون دەر ليايەن باس­قارعان كوميسسيا جاڭا مۇ­شەلەرى­مەن تولىقتى. جاڭا قۇ­رام 5 جىلعا بەكىتىلدى. بيىلعى قۇرامعا ۇلى­بريتانيا ۇمىتكەر ۇسىنبادى. ولار بۇل ارەكەتىن ەلدەگى جالپى سايلاۋلارمەن ءتۇسىندىردى.

 

سوڭعى جاڭالىقتار

ۆيرۋس مۋتاتسياعا ۇشىرادى

كوروناۆيرۋس • كەشە

ۇقساس جاڭالىقتار