23 جاستاعى پوليتسيا سەرجانتى نۇرسۇلتان قانعوجين سقو پوليتسيا دەپارتامەنتى كوشى-قون قىزمەتى باسقارماسىندا قىزمەت ەتەدى. نۇرسۇلتان بالا كەزىندە قانداي ماماندىق يەسى بولاتىنىن بىلمەسە دە ەسەيە كەلە مارقۇم اكەسىنىڭ جولىن قۋدى. اكەسى سەرىك قابيدوللا ۇلى پەتروپاۆل قالالىق ىشكى ىستەر بولىمىندە كەزەكشى بولىپ قىزمەت اتقارعان ەدى.
نۇرسۇلتاننىڭ وتباسى ەلباسىن ەرەكشە قۇرمەتتەيدى, ال اجەسى نەمەرەسى تۋعاندا ەلباسىداي ازامات بولسىن دەگەن تىلەكپەن ونىڭ ەسىمىن نۇرسۇلتان دەپ قويىپتى. نۇرسۇلتاننىڭ اتاسى اقىن ءمۇتاللءاپ قانعوجين نۇرسۇلتان نازارباەۆتىڭ قولىن الىپ, كىتابىن سىيعا تارتقان. اقساقال نەمەرەسىنە ۇنەمى: «نۇرسۇلتان سياقتى ادال, دانا, مەيىرىمدى بول» - دەيدى ەكەن.
اقساقالدىڭ وسيەتى جاس پوليتسەي ءۇشىن ومىرلىك ۇستانىمعا اينالدى. «باسىما بۇلت ۇيىرىلگەن كەزدە جاقىندارىم ەسىمە تۇسەدى. مارقۇم اكەم, ءالى كۇنگە دەيىن جانىنان جىرىن تاستامايتىن اتام, 1942 جىلى تۆەر وبلىسىنداعى قان مايداندا ءىز-ءتۇسسىز جوعالعان ارعى اتام جانىما دەمەۋ بولادى», دەيدى ول.
سولتۇستىك قازاقستان پوليتسيا دەپارتامەنتىءنىڭكوشى-قون قىزمەتى باسقارماسىنىڭ باستىعى پوليتسيا پودپولكوۆنيگى تالعات ءابىلوۆ نۇرسۇلتاننىڭ بويىنداعى كاسىبيلىگىن ەرەكشە اتاپ ءوتتى: «نۇرسۇلتان قانعوجين كوشى-قون قىزمەتى ورتالىعىنا جۇگىنگەن ازاماتتارعا قىزمەت كورسەتەدى. ول كەز-كەلگەن اداممەن ءتىل تابىسىپ, پروبلەمانىڭ ءمان-جايىن انىقتاي الادى», دەدى.
پوليتسيا سەرجانتى ن.قانعوجيننەن باسقا وبلىستىڭ ىشكى ىستەر ورگاندارى قاتارىندا ن.نازارباەۆتىڭ تاعى دا 18 اتتاسى قىزمەت ەتەدى. قويىلعان ەسىمنىڭ جۇگى ولاردى زاڭعا جانە حالىققا ادال قىزمەت ەتۋگە مىندەتتەيدى, دەيدى سقو پوليتسيا دەپارتامەنتىنىڭ ءباسپاسوز قىزمەتى.
