ەكونوميكا • 01 جەلتوقسان، 2019

مۇحتار تىلەۋبەردى «سارىارقا» ارنايى ەكونوميكالىق ايماعىنا باردى

16 رەتكورسەتىلدى

سىرتقى ىستەر ءمينيسترى مۇحتار تىلەۋبەردى قاراعاندى وبلىسىنداعى «سارىارقا» ارنايى ەكونوميكالىق ايماعىندا بولىپ، شەتەلدىك كاپيتالدىڭ قاتىسۋىمەن جۇمىس ىستەپ جاتقان بىرقاتار كاسىپورىنداردىڭ قىزمەتىمەن تانىستى. ساپار اياسىندا ەكونوميكالىق ايماق قىزمەتىنىڭ ەرەكشەلىكتەرى مەن شەتەلدىك ينۆەستيتسيالاردى تارتۋ مۇمكىندىكتەرى تالقىلاندى. بۇل تۋرالى ءسىم ءباسپاسوز قىزمەتى حابارلادى.

ء«بىز ءسىزدىڭ ارنايى ەكونوميكالىق ايماقتى جانە شەتەلدىك ينۆەستورلارعا نە ۇسىنا الاتىنىمىزدى كورۋ ءۇشىن كەلدىك. بۇل جەردە ينۆەستيتسيا تارتۋ ءۇشىن قولايلى جاعداي جاسالعان، جۇمىس ىستەپ تۇرعان كاسىپورىنداردى ۇلگى رەتىندە تارتا الامىز. ءبىز وسى ەكونوميكالىق ايماقتا ماشينا جاساۋدى دامىتۋ ءۇشىن وسىنداي ترەندتى بەلگىلەگىمىز كەلەدى»، - دەپ اتاپ ءوتتى ءسىم باسشىسى.

ءىس-شارانىڭ قورىتىندىسى بويىنشا ايماقتىڭ دامۋى تۋرالى ءتورت جاقتى قۇجاتقا قول قويىلدى، وعان سىرتقى ىستەر، يندۋستريا جانە ينفراقۇرىلىمدىق دامۋ مينيسترلىكتەرى، قاراعاندى وبلىسىنىڭ اكىمدىگى جانە قازاقستان ماشينا جاساۋشىلار وداعى قول قويدى.

«سارىارقا» اەا 2011 جىلدىڭ قاراشا ايىندا قۇرىلدى. 600 گا الاڭدا 15 قاتىسۋشى تىركەلىپ، 7 جوبا ىسكە اسىرىلدى، ال تاعى 8 جوبا ىسكە اسىرىلۋ ساتىسىندا. سالىنعان ينۆەستيتسيا كولەمى 90 ملرد تەڭگەدەن استى.

سوڭعى جاڭالىقتار

كوروناۆيرۋسسىز قوستاناي

ايماقتار • كەشە

ۇقساس جاڭالىقتار