«كەشە قالا اكىمدىگىندە وتكەن قوعامدىق قابىلداۋدا 80-نەن استام تۇرعىندى جەكە ماسەلەلەرى بويىنشا تىڭدادىم. الداعى ۋاقىتتا حالىقتىڭ كوكەيىندە جۇرگەن تۇيىتكىلدەردى ساراپتاپ, پرەزيدەنتىمىزگە جەتكىزەتىن بولامىن. ءارى وسى كەزەك كۇتتىرمەيتىن شارۋالاردى ۇكىمەتپەن بىرلەسە وتىرىپ, حالىقتىڭ پايداسىنا شەشىلۋىنە ىقپال ەتەتىن بولامىز. جەرگىلىكتى جەردەگى قوعامدىق كەڭەس مۇشەلەرى ەلدىڭ ىشىندە كوپ جۇرەتىندىكتەن, بيلىكتىڭ نازارىنا ىلىكپەي قالىپ جاتقان كەيبىر شارۋالارعا قانىعىپ, بىرلىكتە كەڭەس قۇرۋ ءۇشىن وزدەرىڭىزبەن كەزدەسۋ وتكىزىپ وتىرمىن» دەدى پرەزيدەنت كومەكشىسى ايدا بالاەۆا.
كەزدەسۋدى شىمكەنت قالاسى قوعامدىق كەڭەسىنىڭ توراعاسى نۇرعازى بۇحارباي اشىپ, جۇرگىزىپ وتىردى.
باسقوسۋدا شىمكەنت قالاسىنىڭ «اتامەكەن» كاسىپكەرلىك پالاتاسىنىڭ ديرەكتورى نۇرلان قابىشتاەۆ, م.اۋەزوۆ اتىنداعى وقمۋ-ءدىڭ رەكتورى, تاريح عىلىمدارىنىڭ دوكتورى, پروفەسسور دارياكۇل قوجامجاروۆا جانە شىمكەنت ورىس دراما تەاترىنىڭ ديرەكتورى يگور ۆەربيتسكي بايانداما جاسادى.
مەملەكەت باسشىسى قاسىم-جومارت كەمەل ۇلى توقاەۆ «سىندارلى قوعامدىق ديولوگ - قازاقستاننىڭ تۇراقتىلىعى مەن وركەندەۋىنىڭ نەگىزى» اتتى قازاقستان حالقىنا جولداۋىندا «ازاماتتاردىڭ بارلىق سىندارلى ءوتىنىش-تىلەكتەرىن جەدەل ءارى ءتيىمدى قاراستىراتىن «حالىق ۇنىنە قۇلاق اساتىن مەملەكەت» تۇجىرىمداماسىن ىسكە اسىرۋ – بارىمىزگە ورتاق مىندەت» دەگەن بولاتىن.
وسى كەزدەسۋدە بيلىك پەن قوعام اراسىندا تۇراقتى ديولوگ ورناتۋ ارقىلى عانا قازىرگى گەوساياسي احۋالعا بەيىمدەلگەن ۇيلەسىمدى مەملەكەت قالىپتاستىرۋ جانە ازاماتتىق قوعامعا قولداۋ كورسەتىپ, ونىڭ الەۋەتىن نىعايتۋ ماسەلەلەرى قارالدى.
شىمكەنت
