ەكونوميكا • 29 قاراشا، 2019

كومىردى الىپساتارسىز الادى

7 رەتكورسەتىلدى

وسكەمەننىڭ ىرگەسىندەگى 60 مىڭنان استام حالقى بار گلۋبوكوە اۋدانىنىڭ تۇرعىندارى ەندى كومىر الۋ ءۇشىن وبلىس ورتالىعىنا سابىلمايتىن، سارسىلىپ كەزەككە تۇرمايتىن بولدى. ويتكەنى اۋدان ورتالىعى – گلۋبوكوە كەنتىندە قىركۇيەك ايىنان باستاپ كومىر ساتۋ بازاسى اشىلىپ، جۇمىس ىستەپ جاتىر.

ەرەكشە اتاپ وتەرلىگى، تۇرعىندارعا اسا قاجەت كومىر بازاسىن جەكە كاسىپكەر ۆيكتور لەونتەۆ ءوز قاراجاتىنا سالىپتى. 70 ميلليون تەڭگەدەن استام قارجىسىن جۇمساپ، 250 مەترگە جۋىق جەرگە تەمىرجول تارتتىرىپتى. «بۇدان بولەك مۇندا ورتالىقتاندىرىلعان سۋ جۇيەسىن تارتىپ، ەلەكتر جەلىلەرىن ورناتتىق. وبلىس اكىمدىگى تاراپىنان بولىنگەن 3 ميلليون تەڭگەنىڭ گرانتىنا تسيفرلاندىرىلعان ەلەكتروندى تارازى قويدىق. كومىر بازاسىنىڭ اشىلعانىنا بۇعان دەيىن وسكەمەننەن كومىردى قىمبات باعاعا الىپ كەلگەن جەرگىلىكتى حالىق ەرەكشە قۋانىپ جاتىر. ارينە، كومىردىڭ ءبىر تونناسىن 18 مىڭ تەڭگەگە العان جاقسى ما، 12 مىڭ تەڭگەگە العان ءتيىمدى مە؟ قازىر كومىردىڭ كوممەرتسيالىق باعاسى 9800 تەڭگە بولسا (الەۋمەتتىك باعا – 9200)، ءبىز جەتكىزگەنىمىز ءۇشىن 2500 تەڭگە عانا قوسامىز. تۇرعىندار وزدەرى دە كەلىپ، تيەپ الىپ كەتەدى.  مۇگەدەك جاندارعا، كوپ بالالى انالارعا تەگىن جەتكىزىپ بەرەمىز. تەحنيكانىڭ بارلىعى وزىمىزدىكى. ءوزىمىز تيەيمىز، ءوزىمىز تۇسىرەمىز. كورىپ تۇرسىزدار، ەشقانداي دا الىپساتار، ەشقانداي دا كەزەك جوق» دەگەن كاسىپكەر كومىر بازاسىن سالۋعا ءۇش جىلداي ۋاقىت كەتكەنىن جەتكىزدى.

جاقىندا گازەتىمىزدە وسى اۋداننىڭ پرەد­گورنوە اۋىلىندا سالىنعان فۋتبول الاڭى جايىندا جازعان ەدىك. اۋىلعا بارعانىمىزدا الاڭنىڭ كەڭدىگىن ءارى وتە ساپالى سالىنعانىن كورگەنىمىز راس. سويتسەك بۇل الاڭدى دا ۆيكتور لەونتەۆ سالعان ەكەن. «ساپالى جاساماۋعا مەنىڭ قاقىم جوق. ويتكەنى وسى جەردە تۇرامىن. مۇنداي الاڭدار اۋداننىڭ بىرنەشە اۋىلىندا سالىندى. 200 شارشى مەتردەن 600-گە دەيىن بارادى. ءبىزدىڭ اۋىلداعى الاڭ كەلىسىمشارت بويىنشا 1200 شارشى مەتر بولۋ كەرەك ەدى، 350 شارشى مەتردى ءوزىم قوستىم» دەگەن ول قازىر جەرلەستەرىنىڭ سۇراۋى بويىنشا بەلوۋسوۆكا اۋىلىندا ءبىر ۋاقىتتا 35 ادامدى قابىلدايتىن قوعامدىق مونشا سالىپ جاتقانىن ايتتى.

 

شىعىس قازاقستان وبلىسى،

گلۋبوكوە اۋدانى

سوڭعى جاڭالىقتار

باسىلىم باسشىلارى - ەركىن قىدىر (1962)

باسىلىم باسشىلارى • كەشە

ۇقساس جاڭالىقتار