ء«ىس-شاراعا تمد اتقارۋشى كوميتەتىنىڭ مەن ۋاكىلەتتى جانە قۇزىرەتتى ورگاندارىنىڭ, ەڭبەك جانە حالىقتى الەۋمەتتىك قورعاۋ مينيسترلىگىنىڭ, مۇددەلى مەملەكەتتىك ورگاندار مەن ۇيىمداردىڭ, جۇمىس بەرۋشىلەر مەن الەۋمەتتىك سەرىكتەستەردىڭ وكىلدەرى قاتىستى.
كونفەرەنتسيانى اشقان ەڭبەك جانە حالىقتى الەۋمەتتىك قورعاۋ ۆيتسە-ءمينيسترى اكمادي سارباسوۆ تمد-عا مۇشە مەملەكەتتەردىڭ اراسىندا ەڭبەك ستاندارتتارى سالاسىنداعى تاجىريبە الماسۋ ەڭبەك قاتىناستارى مەن ادامي كاپيتالدى ودان ءارى دامىتۋعا ىقپال ەتەتىندىگىن اتاپ ءوتتى.
«تاۋەلسىز مەملەكەتتەر دوستاستىعى اتقارۋشى كوميتەتىنىڭ ۇيلەسىمدى جۇمىسىنىڭ ناتيجەسىندە ءار 5 جىل سايىن ىنتىماقتاستىقتىڭ پەرسپەكتيۆالىق باعىتتارى انىقتالىپ, ەڭبەك نورمالارى بويىنشا بىرىڭعاي نورماتيۆتىك قۇجاتتار جاسالادى. بۇل باعىتتاعى جۇمىس جالعاسۋدا جانە تمد-عا مۇشە مەملەكەتتەردىڭ قارقىندى دامۋ جولىنا كوشۋ جاعدايىندا ماڭىزدى ماسەلە. ءبىزدىڭ ەلدەر اراسىنداعى ىنتىماقتاستىق ناتيجەسى جان-جاقتى ءارى جەمىستى بولاتىنىنا سەنىمدىمىن», دەدى ول.
ءىس-شارا بارىسىندا تمد-عا مۇشە مەملەكەتتەردىڭ ەڭبەك, جۇمىسپەن قامتۋ جانە حالىقتى الەۋمەتتىك قورعاۋ جونىندەگى كونسۋلتاتيۆتىك كەڭەس حاتشىلىعى باسشىسىنىڭ ورىنباسارى ولگا كرەمسكايا دوستاستىق ەلدەرىنىڭ الەۋمەتتىك-ەڭبەك سالاسىنداعى ىنتىماقتاستىعىنىڭ ناتيجەلەرى مەن الداعى مىندەتتەرى تۋرالى ءسوز قوزعادى.
كونفەرەنتسيادا رەسەيدەگى, بەلارۋسياداعى, وزبەكستانداعى, تۇركىمەنستانداعى جانە قازاقستانداعى ەڭبەك ستاندارتتارىنىڭ تاجىريبەسى مەن وسى باعىتتا قابىلدانعان شارالاردىڭ تيىمدىلىگى قارالدى. سونداي-اق تمد ەلدەرىنەن كەلگەن دەلەگاتتار ەڭبەك نورمالارى مەن ەڭبەك ستاندارتتارىن ازىرلەۋ قۇرالدارىنا جاڭا كوزقاراستاردى تالقىلادى.
وتىرىسقا قاتىسۋشىلار وقىتۋ ماسەلەلەرى مەن بىلىكتىلىك جۇيەسىن دامىتۋعا ەرەكشە نازار اۋداردى. وسىلايشا, اقمادي سارباسوۆ قازاقستاندا ۇلتتىق بىلىكتىلىك جۇيەسىن ەنگىزۋ, كاسىبي ستاندارتتار مەن ولارعا نەگىزدەلگەن ءبىلىم بەرۋ باعدارلامالارىن, سەرتيفيكاتتاۋ جۇيەسىن جانە مامانداردىڭ بىلىكتىلىگىن باعالاۋدى ازىرلەۋ جانە ەنگىزۋ بويىنشا جۇمىس جۇرگىزىلىپ جاتقانىن ايتتى.
«بۇگىندە ءبىز ەكونوميكانىڭ سۇرانىسقا يە 12 سالاسى بويىنشا 550 كاسىبي ستاندارت ازىرلەدىك, ولاردىڭ 70-ءى بەكىتىلدى, ال تاعى 480 وسى جىلدىڭ سوڭىنا دەيىن بەكىتۋ جوسپارلانىپ وتىر. كاسىبي ستاندارتتار جۇمىسشىلاردان باستاپ, توپ-مەنەدجەرلەرگە دەيىن وسى سالاداعى جۇمىسشىلارعا قويىلاتىن قازىرگى زامانعى بىلىكتىلىك تالاپتارىن قالىپتاستىرادى», دەدى ۆيتسە-مينيستر.
كونفەرەنتسيانى قورىتىندىلاي كەلە, ونىڭ قاتىسۋشىلارى تمد ەلدەرىندە ەڭبەكتى نورمالاۋ ينستيتۋتىن ودان ءارى دامىتۋ بويىنشا ۇسىنىستار جاسادى.
ەسكە سالا كەتەيىك, رەسەي فەدەراتسياسى, بەلارۋس رەسپۋبليكاسى مينيسترلىكتەرى مەن بيزنەس وكىلدەرىنىڭ جانە تاجىكستان رەسپۋبليكاسى ەلشىلىگىنىڭ كەڭەسشىسىنىڭ قاتىسۋىمەن تمد-عا مۇشە مەملەكەتتەردىڭ ۇيىمدارىندا ەڭبەك نورمالارىن ۇيىمداستىرۋ جانە ەڭبەك ونىمدىلىگىن ارتتىرۋ ماسەلەلەرى بويىنشا قازاقستان 2014 جىلى پوستكەڭەستىك كەڭىستىكتە العاش رەت حالىقارالىق سەمينار وتكىزگەن بولاتىن.
بۇل كونفەرەنتسيانى وتكىزۋ تۋرالى شەشىمدى تمد ەكونوميكالىق كەڭەسى 2016-2020 جىلدارعا ارنالعان تمد-عا قاتىسۋشى مەملەكەتتەردىڭ ەڭبەك نورمالارى سالاسىنداعى ىنتىماقتاستىقتىڭ تۇجىرىمدامالىق شەڭبەرىن ىسكە اسىرۋدىڭ نەگىزگى شارالار جوسپارىن بەكىتە وتىرىپ, 2016 جىلعى 9 جەلتوقساندا ماسكەۋ قالاسىندا قابىلدادى», دەلىنگەن حابارلامادا.
