«ەلوردادا كۇن سۋىتىپ, قاردىڭ ءتۇسۋى ارتقالى بەرى iKOMEK109 قالالىق ورتالىعىنا بەلگىلەنبەگەن جەردە قاردىڭ جينالۋى جونىندە 2112 ءوتىنىش, سونىمەن قاتار قالانىڭ ءتۇرلى اۋداندارىندا مۇز سۇڭگىلەرىنىڭ قۇلاۋ قاۋپى بويىنشا 93 ءوتىنىش كەلىپ ءتۇستى.
سونداي-اق iKOMEK109 قالالىق ورتالىعىنىڭ وپەراتورلارى ورتالىققا ينتەگراتسيالانعان بەينەكامەرالاردىڭ كومەگىمەن قار جينالعان نەمەسە مۇز سۇڭگىلەرىنىڭ قۇلاۋ قاۋپى بار جەرلەردى جەدەل تابادى. ولار قار جينالىپ قالعان جەرلەردى تىركەپ, جاۋعان قار مەن تازارتىلماعان قار جانە مۇز سۇڭگىلەرىنىڭ سالدارىن شۇعىل جويۋ ءۇشىن قالالىق قىزمەتتەردى جۇمىلدىرادى.
قالالىق بەينەباقىلاۋ جۇيەسى تەك قاۋىپسىزدىكتى قامتاماسىز ەتۋ ءۇشىن عانا ەمەس, سونداي-اق قاردى تازالاۋ نەمەسە مۇز سۇڭگىلەرىنىڭ قۇلاۋ قاۋپىن جويۋ سياقتى كوممۋنالدىق ماسەلەلەردى شەشۋ ءۇشىن دە پايدالانىلادى.
استانالىقتاردى قىراعى بولۋعا جانە iKOMEK109 قالالىق ورتالىعىنا قار جينالۋى تۋرالى نەمەسە سۇڭگىلەردىڭ قۇلاۋ قاۋپى تۋرالى جانە تىرشىلىكتى قامتاماسىز ەتۋگە قاتىستى باسقا دا ماسەلەلەر تۋرالى حابارلاۋعا جانە ساندىق سەرۆيستەردىڭ كەڭ اۋقىمى: اكىمدىكتىڭ رەسمي سايتى www.astana.gov.kz; Whatsapp - بوت: +7-747-109-0-109 (https://wa.me/+77471090109); Telegram - بوت: https://t.me/nursultanikomek109_bot ارقىلى ونىڭ اتقارىلۋىن قاداعالاپ وتىرۋعا بولادى», دەلىنگەن حابارلامادا.
