ايماقتار • 27 قاراشا، 2019

الماتىدا بولاشاقتا كرەاتيۆتى يندۋستريا پاركى سالىنادى

22 رەتكورسەتىلدى

بۇل تۋرالى الماتى اكىمى باقىتجان ساعىنتاەۆ Almaty Investment Forum بارىسىندا ايتتى.

اكىمنىڭ ايتۋىنشا، الماتىدا كولىك، كوممۋنالدىق قىزمەتتەر، قاۋىپسىزدىك، حالىق دەنساۋلىعى، قىزمەت كورسەتۋ سالاسىندا اقىلدى تەحنولوگيالار قولدانىلاتىن بولادى.

«قالامىزدىڭ عىلىمي الەۋەتى وتە جوعارى. مۇندا عىلىمي زەرتتەۋ، تاجىريبەلىك كونسترۋكتورلىق جۇمىستاردىڭ 35%-ى شوعىرلانعان. الماتى مادەني كرەاتيۆتى قالا رەتىندە ءبىلىم ەكونوميكاسىنىڭ ورتالىعى بولۋى ءتيىس. ءبىز جاقىندا كرەاتيۆتى يندۋستريا پاركىن سالۋدى باستايمىز. بۇل پاركتە جەر تۋرالى عىلىم، وپتو جانە ميكروەلەكترونيكا، بيوتەحنولوگيا، جوعارى ەنەرگيالار فيزيكاسى، مەديتسينا سالاسىنداعى جاڭا عىلىمي جۇمىستار جاسالاتىن بولادى»، - دەدى اكىم.

سونىمەن قاتار، قالا باسشىسى مەگاپوليس ءۇشىن الەۋمەتتىك ەكونوميكا دا ۇلكەن درايۆەر بولاتىنىن جەتكىزدى. ء«بىرىنشى كەزەكتە ماسەلە ءبىلىم جانە دەنساۋلىق ساقتاۋ سالاسىندا بولىپ وتىر. بۇل سالاعا اۋقىمدى قاراجات بولىنەتىن بولادى. قالا تۇرعىندارىنىڭ ءومىر ءسۇرۋ ساپاسىن جاقسارتۋ ءۇشىن كەم دەگەندە 19 مەكتەپ، 400 بالاباقشا، 30 مەديتسينالىق مەكەمە اشۋ كەرەك. وسى سالالارعا بيزنەستىڭ قىزىعۋشىلىعى بار دەپ ويلايمىن. بالاباقشا مەن مەكتەپتەردىڭ سالىنۋىنا بارىنشا كۇش سالاتىن بولامىز»، - دەدى اكىم. ايتا كەتۋ كەرەك، بۇگىن الماتىدا ينۆەستيتسيالىق فورۋم باستالدى.

فورۋم سەسسيالارىندا بەلگىلى ساياساتكەرلەر، ەكونوميستەر، قارجىگەرلەر، الەمدىك ستارتاپ جوبالاردىڭ اۆتورلارى ءوز تاجىريبەلەرىمەن ءبولىسىپ جاتىر.

 

الماتى

سوڭعى جاڭالىقتار

تەاتردىڭ ونلاين تارتۋى

رۋحانيات • كەشە

ءۇي جانۋارىنان ۆيرۋس جۇعا ما؟

كوروناۆيرۋس • كەشە

ۇقساس جاڭالىقتار