قازاقستاندىق كەن ءوندىرۋشى ءىرى كاسىپورىندار جەتكىزۋ قىزمەتىنە شەتەلدىكتەردى تاڭدايدى. سەبەبى وتاندىق تاۋارلاردىڭ قاجەتتى سەرتيفيكاتتارى جوق. ويتكەنى شاعىن جانە ورتا بيزنەس ءۇشىن شەتەلدىك سەرتيفيكات الۋعا قالتا كوتەرمەيدى. بۇل پروبلەمانى شەشۋ ءۇشىن ۇلتتىق ەكونوميكا مينيسترلىگى جەتكىزۋشىلەردى دامىتۋ باعدارلاماسىن جاساۋعا باستاما كوتەرگەن ەدى. ونىڭ باستى ماقساتى – شاعىن جانە ورتا بيزنەس سۋبەكتىلەرىنە مۇنايگاز, مەتاللۋرگيا جانە كەن ءوندىرۋ سالالارىندا ىستەيتىن شەتەلدىك جانە وتاندىق كورپوراتسيالار ءۇشىن سەرتيفيكاتتالۋعا جانە اككرەديتاتسيالانۋعا كومەك بەرۋ بولىپ تابىلادى.
«جەتكىزۋشىلەردى دامىتۋ باعدارلاماسى شارتىنا جاۋاپ بەرە الاتىن كومپانيالاردى ساراپشىلار تاڭدايدى جانە حالىقارالىق دارەجەدە مويىندالعان سەرتيفيكات الۋى ءۇشىن ولارعا قارجىلىق قولداۋ كورسەتىلەدى. شىعىننىڭ 70 پايىزى باعدارلاما قارجىسى ەسەبىنەن وتەلەدى. سونىمەن قاتار وسى باعدارلاما اياسىندا الەۋەتتى كونتراگەنتتەرمەن كەزدەسۋلەر ۇيىمداستىرىلادى» دەپ ءتۇسىندىردى وبلىستىق كاسىپكەرلەر پالاتاسىنىڭ ءبولىم باسشىسى روبەرت يۋسۋپوۆ.
حالىقارالىق سارپشىلار وبلىستاعى «اۆەنتا پليۋس», «ۆاگون جاساۋ زاۋىتى», «مەحليتكوم», «S.M.F.-SYSTEM» توقىماسىز ماتەريالدار فابريكاسى», «ازۋريت» «بولشەۆيچكا», «رۋدنىي تسەمەنت زاۋىتى», «ەۆراز كاسپيان ستال» جاۋاپكەرشىلىگى شەكتەۋلى سەرىكتەستىكتەرىندە بولىپ, ينسپەكتسيالىق تەكسەرۋلەر وتكىزدى. كاسىپورىنداردى باعالاۋ جەلتوقسان ايىنىڭ اياعىنا دەيىن جۇرگىزىلەدى.
قوستاناي
