ەمحاناعا تىركەۋ ناۋقانى 15 قىركۇيەك پەن 15 قاراشا ارالىعىندا وتكەن بولاتىن.
سونىمەن, بيىلعى تىركەۋ ناۋقانى كەزىندە 9 مىڭ تۇرعىن ەمحانا تاڭداۋ قۇقىعىن پايدالانعان. بۇل تۋرالى بۇگىن ارنايى بريفينگ بارىسىندا «الەۋمەتتىك مەديتسينالىق ساقتاندىرۋ قورى» كەاق الماتى قالالىق فيليالىنىڭ ديرەكتورى تىلەۋحان ابىلداەۆ مالىمدەدى.
تىلەۋحان ابىلداەۆتىڭ سوزىنە سۇيەنسەك, تىركەۋ ناۋقانىنا قاتىسقان ازاماتتار سانى بىلتىرعى جىلمەن سالىستىرعاندا ەداۋىر قىسقارعان. بۇعان اتالعان كامپانيانىڭ ەلەكتروندى تسيفرلىق قولتاڭبانىڭ كومەگىمەن, Egov ەلەكتروندى ۇكىمەت پورتالى ارقىلى جۇرگىزىلۋى سەبەپ, دەيدى. ونىڭ ۇستىنە, سوڭعى كەزدە تۇرعىلىقتى جەرىندەگى ەمدەۋ مەكەمەسىنىڭ قىزمەتىن پايدالاناتىن تۇرعىندار سانى جىل ساناپ ارتىپ كەلەدى.
«سوڭعى جىلدارى حالىق پەن مەديتسينا ۇيىمدارى اراسىندا اقپاراتتىق-ءتۇسىندىرۋ جۇمىستارى كوپ جۇرگىزىلدى. بۇعان ەمحانا اۋىستىرۋشىلار سانىنىڭ كۇرت تومەندەۋى دالەل بولسا كەرەك. مىسالى, جاقىن ماڭداعى ەمحانا ارقىلى ۇيگە دارىگەر شاقىرتۋعا ىڭعايلى. وعان قوسا, قازىر جەدەل بولماسا, 4 ساناتتاعى شاقىرتۋلاردىڭ بارىنە جەرگىلىكتى ەمحانا بريگادالارى قىزمەت كورسەتەدى», – دەدى فيليال ديرەكتورى.
بيىلعى تىركەۋ ناۋقانىنا الماتى قالاسىنان 77 مەديتسينا ۇيىمى قاتىستى. ونىڭ 38-ءى – جەكە مەنشىك ەمحانالار. بۇل جەكە بيزنەستىڭ مەملەكەتتىك تاپسىرىستى ورىنداۋعا دەگەن قۇلشىنىسىنىڭ ارتىپ وتىرعانىن بىلدىرەدى.
ەستەرىڭىزگە سالا كەتسەك, تىركەۋ ناۋقانى قىركۇيەكتىڭ 15-ىندە باستالىپ, 15 قاراشادا اياقتالعان بولاتىن. بىراق تاڭداۋ جاساپ ۇلگەرمەگەن ازاماتتار ەمحانانى باسقا ۋاقىتتا دا اۋىستىرا الادى. اتاپ ايتقاندا, باسقا جەرگە قونىس اۋدارعاندا, ەمحانا قايتا ۇيىمداستىرىلعاندا نەمەسە مەديتسينالىق ساقتاندىرۋ قورىمەن كەلىسىمشارتتى بۇزعان جاعدايدا دا باسقا ەمحاناعا تىركەلۋگە بولادى. سونىمەن قاتار, ءار تۇرعىننىڭ ەمحانانى جىلىنا ءبىر رەت ەركىن تاڭداۋ قۇقىعى بار.
الماتى
