• 27 ماۋسىم, 2013

قازاقستان رەسپۋبليكاسى ۇكىمەتىنىڭ قاۋلىسى №328

318 رەت

كورسەتىلدى

8 مين

وقۋ ءۇشىن

Egemen Qazaqstan

قازاقستان رەسپۋبليكاسى ۇكىمەتىنىڭ قاۋلىسى №328

بەيسەنبى, 27 ماۋسىم 2013 1:00

2013 جىلعى 10 ءساۋىر, استانا, ۇكىمەت ءۇيى

«ءبىلىم الۋشىلاردى ءبىلىم بەرۋ ۇيىمدارىنىڭ ۇلگىلەرى بويىنشا
اۋىستىرۋ جانە قايتا قابىلداۋ قاعيدالارىن بەكىتۋ تۋرالى»
قازاقستان رەسپۋبليكاسى ۇكىمەتىنىڭ 2012 جىلعى 19 قاڭتارداعى
№ 110 قاۋلىسىنا وزگەرىستەر مەن تولىقتىرۋ ەنگىزۋ تۋرالى

بەيسەنبى, 27 ماۋسىم 2013 1:00

2013 جىلعى 10 ءساۋىر, استانا, ۇكىمەت ءۇيى

قازاقستان رەسپۋبليكاسىنىڭ ۇكىمەتى قاۋلى ەتەدى:
1. «ءبىلىم الۋشىلاردى ءبىلىم بەرۋ ۇيىمدارىنىڭ ۇلگىلەرى بويىنشا اۋىستىرۋ جانە قايتا قابىلداۋ قاعيدالارىن بەكىتۋ تۋرالى» قازاقستان رەسپۋبليكاسى ۇكىمەتىنىڭ 2012 جىلعى 19 قاڭتارداعى № 110 قاۋلىسىنا (قازاقستان رەسپۋبليكاسىنىڭ ءپۇاج-ى, 2012 ج., № 26, 362-قۇجات) مىناداي وزگەرىستەر مەن تولىقتىرۋ ەنگىزىلسىن:
كورسەتىلگەن قاۋلىمەن بەكىتىلگەن ءبىلىم الۋشىلاردى ءبىلىم بەرۋ ۇيىمدارىنىڭ ۇلگىلەرى بويىنشا اۋىستىرۋ جانە قايتا قابىلداۋ قاعيدالارىندا:
5, 6, 7 جانە 8-تارماقتار مىناداي رەداكتسيادا جازىلسىن:
«5. ءبىلىم الۋشىلاردى اۋىستىرۋ نەمەسە قايتا قابىلداۋ كەزىندە ولاردىڭ وتكەن اكادەميالىق كەزەڭدەردە وقىعان جۇمىس وقۋ جوسپارلارىنداعى پاندەردىڭ اكادەميالىق ايىرماشىلىعى ايقىندالادى.
6. جۇمىس وقۋ جوسپارلارىنىڭ پاندەرىندەگى اكادەميالىق ايىرماشىلىقتى قابىلداۋشى ءبىلىم بەرۋ ۇيىمى ترانسكريپتتە نەمەسە ءبىلىم الۋدى اياقتاماعان تۇلعالارعا بەرىلەتىن انىقتامادا (بۇدان ءارى – انىقتاما) كورسەتىلگەن وقىعان پاندەرىنىڭ تىزبەسى, ولاردىڭ باعدارلامالارى مەن اكادەميالىق ساعاتتارداعى نەمەسە كرەديتتەردەگى كولەمى نەگىزىندە ايقىندايدى.
7. ءبىلىم الۋشى شەتەلدىك ءبىلىم بەرۋ ۇيىمىنان اۋىستىرىلعان نەمەسە قايتا قابىلدانگان كەزدە مەڭگەرىلگەن وقۋ باعدارلامالارى تۋرالى (اكادەميالىق انىقتاما, ترانسكريپت), سونداي-اق بەلگىلەنگەن تارتىپپەن قازاقستان رەسپۋبليكاسىندا نوستريفيكاتسيالاۋ راسىمىنەن ءوتۋى ءتيىس ءبىلىم بەرۋدىڭ الدىڭگى دەڭگەيىن اياقتاعانى تۋرالى قۇجات ۇسىنىلادى.
8. جۇمىس وقۋ جوسپارى پاندەرىندەگى اكادەميالىق ايىرماشىلىقتى جويۋ ءۇشىن ءبىلىم الۋشى وسى پاندەرگە جازىلادى, اكادەميالىق كەزەڭ ىشىندە وقۋ ساباقتارىنىڭ بارلىق تۇرىنە قاتىسادى, اعىمداعى باقىلاۋدىڭ بارلىق ءتۇرىن تاپسىرادى, قورىتىندى باقىلاۋعا جىبەرىلگەندىگى تۋرالى رۇقسات الادى.
ەگەر اكادەميالىق ايىرماشىلىق پاندەرى اعىمداعى اكادەميالىق كەزەڭنىڭ وقۋ ساباقتارىنىڭ كەستەسىنە ەنگىزىلمەگەن جاعدايدا, ءبىلىم الۋشى ولارعا جازعى سەمەسترگە جازىلادى.»;
24-تارماق مىناداي رەداكتسيادا جازىلسىن:
«24. ءبىلىم الۋشىنىڭ جوعارى وقۋ ورنىندا (بۇدان ءارى – جوو) بەلگىلەنگەن اۋىسۋ بالىنان تومەن ەمەس ۇلگەرىمنىڭ ورتاشا بالىنا (ورا) قول جەتكىزۋى ءبىلىم الۋشىنى كۋرستان كۋرسقا اۋىستىرۋدىڭ مىندەتتى شارتى بولىپ تابىلادى.»;
25-تارماقتىڭ ءبىرىنشى بولىگى مىناداي رەداكتسيادا جازىلسىن:
«25. ەگەر ءبىلىم الۋشىلار جەكە وقۋ جوسپارىنا سايكەس مەڭگەرىپ جاتقان باعدارلاماسىنىڭ ءبىرىنشى اكادەميالىق كەزەڭىن تولىق اياقتاسا, ولار وقۋدان شىعارىلعاننان كەيىن اۋىسا الادى نەمەسە قايتا قابىلدانا الادى.»;
26, 28, 30 جانە 32-تارماقتار مىناداي رەداكتسيادا جازىلسىن:
«26. ءبىلىم الۋشىنى اۋىستىرۋ نەمەسە قايتا قابىلداۋ كەزىندە وقۋ كۋرسى پرەرەكۆيزيتتەردى ەسەپكە الا وتىرىپ ايقىندالادى. مەڭگەرىلگەن كرەديتتەردى قايتا ەسەپتەۋ ءتيىستى ءبىلىم بەرۋ باعدارلاماسىن مەڭگەرۋ ءۇشىن قاجەتتى ءبىلىم بەرۋ تراەكتورياسىنا سايكەس جۇرگىزىلەدى.»;
«28. ءبىلىم الۋشىنى كۋرستان كۋرسقا اۋىستىرۋ جازعى ەمتيحان سەسسياسىنىڭ قورىتىندىسى (ارالىق اتتەستاتتاۋ) بويىنشا جازعى سەمەستردىڭ ناتيجەلەرىن جانە قول جەتكىزگەن اۋىسۋ بالدارىن ەسكەرە وتىرىپ جۇزەگە اسىرىلادى.»;
«30. بەلگىلەنگەن اۋىسۋ بالىنا قول جەتكىزگەن جانە اكادەميالىق قارىزى بار بولعان جاعدايدا كەلەسى كۋرسقا اۋىستىرىلعان ءبىلىم بەرۋ گرانتى بويىنشا ءبىلىم الۋشى ءبىلىم بەرۋ گرانتىن ساقتاي وتىرىپ, ونى اقىلى نەگىزدە جويادى.»;
«32. ءبىلىم بەرۋ گرانتى بويىنشا ءبىلىم الاتىن ستۋدەنت ءبىلىم بەرۋ گرانتىن ساقتاي وتىرىپ باسقا جوو-عا اۋىسا الادى.
جەكەلەگەن جوو-لار ءۇشىن بەكىتىلگەن ءبىلىم بەرۋ گرانتى بويىنشا نىسانالى ورىندارعا, سونداي-اق بولىنگەن كۆوتا شەگىندە پەداگوگيكالىق ماماندىقتارعا تۇسكەن ستۋدەنتتەر باسقا جوو-عا تەك اقىلى نەگىزدە عانا اۋىسا الادى.
ستۋدەنتتەر مەن ماگيسترانتتاردى باسقا جوو-دان ۇلتتىق جوو-عا اۋىستىرۋ تەك اقىلى نەگىزدە عانا جۇزەگە اسىرىلادى. بۇل رەتتە ستۋدەنتتىڭ ۇلگەرىمى وتە جاقسى جانە جاقسى بولۋى, سونداي-اق ۇلتتىق ءبىرىڭعاي تەستىلەۋدىڭ نەمەسە كەشەندى تەستىلەۋدىڭ سەرتيفيكاتىنداعى بالل سانى 60-تان تومەن بولماۋى ءتيىس.
شەتەلدىك جوو-دان اۋىستىرۋ نەمەسە قايتا قابىلداۋ كەزىندە قازاقستان رەسپۋبليكاسىندا جالپى ورتا (ورتا جالپى) نەمەسە تەحنيكالىق جانە كاسىپتىك ءبىلىم العان تۇلعالار مەڭگەرىلگەن وقۋ باعدارلامالارى تۋرالى قۇجاتتى (اكادەميالىق انىقتامانى, ترانسكريپتتى), بادەت بەلگىلەنگەن ءوتۋ
بالىنان تومەن ەمەس ۇلتتىق بىرىڭعاي تەستىلەۋدىڭ نەمەسە كەشەندى تەستىلەۋدىڭ سەرتيفيكاتىن ۇسىنادى.
ۇلتتىق بىرىڭعاي تەستىلەۋدىڭ نەمەسە كەشەندى تەستىلەۋدىڭ سەرتيفيكاتى بولماعان جاعدايدا, ستۋدەنت اۋىسۋ تۋرالى بۇيرىق شىققانعا دەيىن كەشەندى تەستىلەۋ تاپسىرادى.»;
34-تارماقتا:
2) جانە 3) تارماقشالار مىناداي رەداكتسيادا جازىلسىن:
«2) قابىلداۋشى جوو باسشىسىنىڭ اتىنا جازىلعان اۋىسۋ تۋرالى وتىنىشكە وقۋ ءىسى جونىندەگى پرورەكتور مەن وفيس-تىركەۋشى قول قويعان, مورمەن بەكىتىلگەن ترانسكريپتتىڭ, ۇلتتىق بىرىڭعاي تەستىلەۋدى نەمەسە كەشەندى تەستىلەۋدى (باكالاۆريات ءۇشىن) تاپسىرعانى تۋرالى سەرتيفيكاتتىڭ, ءتۇسۋ ەمتيحاندارىن تاپسىرعانى تۋرالى سەرتيفيكاتتىڭ (ماگيستراتۋرا جانە دوكتورانتۋرا ءۇشىن), ءبىلىم بەرۋ گرانتى يەگەرى كۋالىگىنىڭ (ەگەر گرانت يەگەرى بولسا), وقىعان جوو باسشىسىنىڭ اتىنا جازىلعان ءوتىنىشتىڭ (باسشىنىڭ قولى قويىلىپ, ءمور باسىلعان) كوشىرمەلەرى قوسا بەرىلۋگە ءتيىس;
3) فاكۋلتەت دەكانى (ينستيتۋت ديرەكتورى) ۇسىنىلعان قۇجاتتاردىڭ نەگىزىندە وقۋ جوسپارلارىنداعى پاندەر ايىرماشىلىقتارىن ايقىندايدى جانە مەڭگەرىلگەن پرەرەكۆيزيتتەرگە سايكەس وقۋ كۋرسىن بەلگىلەيدى, ءبىلىم بەرۋ باعدارلاماسىنا سايكەس مەڭگەرىلگەن كرەديتتەردى قايتا ەسەپتەيدى جانە تىركەۋ بولىمىمەن كەلىسىم بويىنشا ءبىلىم الۋشىنىڭ جەكە وقۋ جوسپارىن بەكىتەدى;»;
مىناداي مازمۇنداعى 5) تارماقشامەن تولىقتىرىلسىن:
«5) مەملەكەتتىك ءبىلىم بەرۋ تاپسىرىسى بويىنشا ءبىلىم الاتىن ماگيسترانتتار مەن دوكتورانتتار اۋىسقان جاعدايدا, وسى قاعيدالاردىڭ 33-تارماعىنا سايكەس ءبىلىم بەرۋ سالاسىنداعى ۋاكىلەتتى ورگان شەشىم قابىلداعاننان كەيىن جوو باسشىسى بۇيرىق شىعارادى.»;
35-تارماق مىناداي رەداكتسيادا جازىلسىن:
«35. ءبىلىم الۋشى اۋىساتىن جوو-نىڭ باسشىسى بۇيرىق شىققان كۇننەن باستاپ ءۇش جۇمىس كۇنى ىشىندە ءبىلىم الۋشى بۇرىن وقىعان جوو-عا ونىڭ جەكە ءىس قاعازدارىن جىبەرۋ تۋرالى جازباشا سۇراۋ جولدايدى. سۇراۋعا ءبىلىم الۋشىنى اۋىسۋ تارتىبىمەن قابىلداۋ تۋرالى بۇيرىقتىڭ كوشىرمەسى قوسا بەرىلەدى.»;
39-تارماق مىناداي رەداكتسيادا جازىلسىن:
«39. اقىلى نەگىزدە وقيتىن ءبىلىم الۋشىنى ءبىر جوو-دان ەكىنشىسىنە اۋىستىرۋ كەزىندە ونىمەن قابىلداۋشى جوو اراسىندا شارت جاسالادى.»;
42-تارماق مىناداي رەداكتسيادا جازىلسىن:
«42. وقۋ جوسپارلارىنىڭ پاندەرىندەگى اكادەميالىق ايىرماشىلىقتى جويۋدىڭ ءتارتىبى مەن مەرزىمى فاكۋلتەت دەكانىنىڭ (ينستيتۋت ديرەكتورىنىڭ) وكىمىمەن اعىمداعى وقۋ جىلىنا رەسىمدەلەدى جانە ءبىلىم الۋشىنىڭ جەكە وقۋ جوسپارىنا ەنگىزىلەدى.»;
45-تارماقتىڭ 2) تارماقشاسى مىناداي رەداكتسيادا جازىلسىن:
«2) فاكۋلتەت دەكانى (ينستيتۋت ديرەكتورى) ۇسىنىلعان انىقتامانىڭ نەگىزىندە وقۋ جوسپارلارىنىڭ ءپاندەرىندەگى ايىرماشىلىقتاردى ايقىندايدى ءجانە مەڭگەرىلگەن پرەرەكۆيزيتتەرگە سايكەس وقۋ كۋرسىن بەلگىلەيدى, ءبىلىم بەرۋ باعدارلاماسىنا سايكەس مەڭگەرىلگەن كرەديتتەردى قايتا ەسەپتەيدى جانە تىركەۋ ءبولىمىمەن كەلىسىم بويىنشا ءبىلىم الۋشىنىڭ جەكە وقۋ جوسپارىن بەكىتەدى;».
2. وسى قاۋلى العاشقى رەسمي جاريالانعان كۇنىنەن باستاپ كۇنتىزبەلىك ون كۇن وتكەن سوڭ قولدانىسقا ەنگىزىلەدى.