ايماقتار • 21 قاراشا، 2019

ينۆەستيتسيا – دامۋ داڭعىلى

9 رەتكورسەتىلدى

پرەزيدەنت جانىنداعى ورتالىق كوممۋنيكاتسيالار قىزمەتىندە الماتى وبلىسىنىڭ اكىمى اماندىق باتالوۆتىڭ قاتىسۋىمەن ايماقتىڭ الەۋمەتتىك-ەكونوميكالىق دامۋى ماسەلەسىنە قاتىستى ءباسپاسوز ءماسليحاتى ءوتتى.

وبلىس اكىمى پرەزيدەنت قاسىم-جو­مارت توقاەۆتىڭ قازاقستان حالقىنا جول­داۋىن جۇزەگە اسىرۋ اياسىندا اتالعان اي­ماق­تاعى باستى جەتىستىكتەرگە توقتا­لىپ، وسى جىلدىڭ كەيىنگى 10 ايىن قورىتىن­دى­لادى.

– جالپى، وتكەن 10 ايدا ەكونوميكانىڭ بارلىق سالاسىندا ءوسىم بار. اسىرەسە ين­ۆەس­تيتسيا تارتۋداعى جەتىستىكتەردى اتاپ وتۋگە بولادى. وبلىستا وتكەن «جەتىسۋ ينۆەست – 2019: «قارجى قۇي. ءومىر ءسۇر. ساياحاتتا» اتتى حالىقارالىق  ينۆەس­تيتسيالىق فورۋم نəتيجەسىندە جالپى قۇنى 860 ملن دوللاردى قۇرايتىن 13 مەموراندۋمعا قول قويىلدى. وعان قوسا فورۋمنان كەيىن «KUSTO GROUP» كومپانيالار توبىنىڭ جوبالارى دايىندالا باستادى. قازىر ولار وبلىستىڭ باسىم باعىتتارىنىڭ ءبىرى بولىپ بەلگىلەنگەن كەشەندى ەكوجۇيە مەن پروتەيندىك ستراتەگيا تۇجىرىمداماسى  نەگىزىندە جۇمىس ىستەۋدە، – دەدى اماندىق باتالوۆ.

ءوڭىر باسشىسىنىڭ ايتۋىنشا، «KUSTO GROUP» ەكوجۇيەسىنىڭ تاعى ءبىر مەجەسى – بورداقىلاۋ الاڭدارىن سالۋ بولماق. وبلىستا ءبىر مەزگىلدە 100 مىڭ باس ءىرى قارانى بورداقىلاي الاتىن 10 مال بورداقىلاۋ الاڭىن اشۋ جوسپارلانعان.

وبلىس باسشىسى رەسپۋبليكاداعى 19 ترانسۇلتتىق كومپانيانىڭ توعىزى وبلىسقا تارتىلعانىن تىلگە تيەك ەتتى. سونىڭ ىشىندە، وتكەن جىلى «WILO» اتتى نەمىس كومپانياسىنىڭ سورعى قۇرالدارىن ءوندىرۋ زاۋىتى مەن قازاقستاندىق ۇننان ەكسپورتقا باعىتتالعان ازىق-ت ۇلىكتىڭ 30 ءتۇرىن وندىرەتىن «مارەۆەن فۋد» زاۋىتى ىسكە قوسىلدى. قىركۇيەكتە قۋاتى 100 مىڭ توننالىق رەسەيلىك «لۋكويل» كومپانياسىنىڭ مايلاۋ ماتەريالدارىن شىعاراتىن زاۋىتى ىسكە قوسىلدى. 36 ملرد تەڭگە ينۆەستيتسيا تارتىلىپ، 225 جۇمىس ورنى اشىلدى.

سپيكەر ءوز بايانداماسىندا اگروونەر­كاسىپتىك كەشەننىڭ ايماقتى دامىتۋداعى رولىنە دە توقتالدى. ماسەلەن، ەڭبەك ونىم­دىلىگى بيىل وتكەن جىلمەن سالىستىرعاندا 4% وسىممەن 2 ملن 150 مىڭ تەڭگەگە، ال وڭ­دەلگەن ءونىم ەكسپورتىنىڭ كولەمى 5،5% وسىم­مەن 85 ملن دوللارعا جەتەدى دەپ جوس­پار­لانۋدا. وبلىستىڭ اۋىل شارۋا­شىلىعى ءونىمىنىڭ ۇلەسى 17%-دى قۇراپ، رەسپۋبليكا اۋماعى بويىنشا ءبىرىنشى ورىنعا تۇراقتادى. اۋىل شارۋاشىلىعى داقىلدا­رى­نىڭ ەگىستىگى 7 مىڭ گەكتارعا كەڭەي­تىلىپ، 961 مىڭ گەكتاردان استى. ونىڭ 465 مىڭ گەكتارى – سۋارمالى جەر. قانت قىزىلشاسىنىڭ القابى 14 مىڭ گەك­تارعا، جۇگەرى 82 مىڭ گەكتارعا جەتكىزىلدى.

وبلىستا مال شارۋاشىلىعى دا وركەندەپ كەلەدى. جىل وتكەن سايىن شاعىن جانە ورتا بيزنەس نىساندارىنىڭ سانى ارتۋدا. بۇگىندە شاعىن جانە ورتا بيزنەستە 252 مىڭ ادام جۇمىس ىستەيدى. ولار شىعاراتىن ونىمدەر مەن كورسەتەتىن قىزمەتتەر كولەمى بيىل 1،4 ترلن-عا جەتەدى دەپ كۇتىلۋدە.

وبلىس باسشىسى ايماقتىڭ باسىم باعىتتارىنىڭ ءبىرى – ءتۋريزمدى دامىتۋ ىسىنە دە ايرىقشا توقتالدى.

– جەتىسۋ اۋماعىندا تۋريستىك تۇرعىدا قىزىعۋشىلىق تۋدىراتىن 162 ورىن بار. ولارعا بيىل ەكى ميلليوننان استام تۋريست كەلدى. ءبىزدىڭ «ينفراقۇرىلىم-ينۆەستيتسيالار-ماركەتينگ» اتتى تابىس فورمۋلامىز سوڭعى بەس جىلدا تۋريستەر لەگى ءوسىمىن 2،5 ەسەگە، اقىلى قىزمەتتەر كولەمىن 3،5 ەسەگە، ورنالاستىرۋ نىساندارىن 1،5 ەسەگە ءوسىرۋدى قامتاماسىز ەتتى.
40 ملرد تەڭگە كولەمىندە جەكە ينۆەستيتسيا تارتىلدى، – دەدى اماندىق باتالوۆ.

ناتيجەسىندە، الداعى التى جىلدا جەتىسۋ وڭىرىنە تابان تىرەيتىن تۋريستەر سانى 4 ملن-عا جەتەدى دەگەن بولجام بار. جوسپارلانعان ينۆەستيتسيا كولەمى شاما­مەن 1 ملرد دوللاردى قۇراپ، ءوز كەزە­گىندە 22 مىڭ جاڭا جۇمىس ورنىن قۇرۋعا مۇمكىندىك بەرەدى.

وبلىستا تۇرمىسى تومەن جانە كوپ بالالى وتباسىلاردى قولداۋعا كوپ كوڭىل بولىنۋدە. وسى ماقساتتا الەۋمەتتىك كارتا ازىرلەنىپ، ونى ىسكە اسىرۋعا جەرگىلىكتى بيۋدجەتتەن 3،4 ملرد تەڭگە ءبولىندى. از قامتىلعان وتباسىدان شىققان 58 مىڭ بالا الەۋمەتتىك كارتا شەڭبەرىندە بالاباقشالار مەن مەكتەپتەردە تەگىن ىستىق تاماقپەن قامتىلدى. تالدىقورعان قالاسىندا 42 مىڭ وقۋشى مەن ستۋدەنتكە جانە ءۇش قالادا 8 مىڭ كوپ بالالى اناعا تەگىن جول ءجۇرۋ قۇقىعى بەرىلگەن. از قامتىلعان وتباسىنان شىققان بالالارعا جوعارى وقۋ ورىندارىنا ءتۇسۋ ءۇشىن 100 گرانت ءبولىندى. 2277 وتباسى گازعا تەگىن قوسىلدى.

تۇرعىن ءۇي ماسەلەسى دە شەشىمىن تابۋدا. جىل باسىنان بەرى 743 مىڭ شارشى مەتر تۇرعىن ءۇي پايدالانۋعا بەرىلىپ، جىلدىق جوسپار 95%-عا ورىندالدى. بۇگىندە تۇرعىن ءۇي الۋ كەزەگىندە 51 مىڭ ادام تۇر. ونىڭ 6039-ى – كوپ بالالى وتباسىلار. وسى جىلى 1447 كوپ بالالى وتباسىن تۇرعىن ۇيمەن قامتۋ جوسپارلانىپ وتىر. ولاردىڭ 1093-ىنە باسپانا بەرىلدى.

بايانداما سوڭىندا وبلىس اكىمى ايماقتاعى ينفراقۇرىلىم، بالالاردى مەكتەپكە دەيىنگى بىلىممەن قامتۋ، مەديتسينالىق كومەكتىڭ ساپاسى مەن ونىڭ قولجەتىمدىلىگىن ارتتىرۋ، مىندەتتى مەديتسينالىق ساقتاندىرۋ ماسەلەلەرىنە توقتالىپ، باق وكىلدەرىنىڭ ساۋالدارىنا جاۋاپ بەردى.

 

سوڭعى جاڭالىقتار

كۇلكى كەرۋەنى № 21

رۋحانيات • بۇگىن، 10:41

شاعامان باتىر

تاريح • بۇگىن، 07:28

361 ليفت اۋىستىرىلادى

ايماقتار • بۇگىن، 07:18

وڭىردەگى ونەگەلى ءىس

قوعام • بۇگىن، 07:17

ءىرى ەسەپپەن باسىم ءتۇستى

سپورت • بۇگىن، 07:00

«ءتسۋناميدى» سۇلاتىپ سالدى

كاسىپقوي بوكس • بۇگىن، 06:56

استىڭ ءدامىن كەلتىرگەن

ايماقتار • بۇگىن، 06:53

سايرايدى بۇلبۇل...

رۋحانيات • بۇگىن، 06:51

ءىزى ايقىن، ءىسى مىعىم

قوعام • بۇگىن، 06:49

ۇقساس جاڭالىقتار