ەكونوميكا • 20 قاراشا، 2019

تەرىستىكتىڭ ءوندىرىسى جاندانا باستادى

33 رەتكورسەتىلدى

سولتۇستىك قازاقستان وبلىسىنىڭ اكىمدىگىندە ءوڭىر باسشىسى قۇمار اقساقالوۆتىڭ توراعالىق ەتۋىمەن Qyzyljar ارنايى ەكونوميكالىق ايماعىنا ينۆەستورلار تارتۋعا ارنالعان وڭىرلىك كەڭەس بولىپ ءوتتى. كەڭەستە ۇسىنىلعان پەرسپەكتيۆالى جوبالار تۋرالى ايتىلىپ، ينۆەستيتسيالىق كليماتتى جاقسارتۋ ماسەلەلەرى تالقىلاندى.

كەزىندە، ءوز تاۋەلسىزدىگىن العان قازاقستانعا تۇرىك بيزنەسمەندەرى العاشقى ينۆەستور بولىپ كەلگەنى سياقتى بۇل جولى دا كوشتى تۇرىك اعايىنداردىڭ وكىلى باستاپ وتىر. تۇرىكتىڭ YDA Holding اتتى كومپانياسى Qyzyljar اە ايماعىنداعى «شىعىس» شاعىن اۋدانىنا كوپ سالالى اۋرۋحانانىڭ قۇرىلىسىن سالۋدى باستادى. ونىڭ ىرگەتاسىنا قىزىلجارعا كەلگەن ساپارىندا پرەمەر-مينيستر اسقار ءماميننىڭ قاتىسۋىمەن كاپسۋلا كومىلگەن ەدى.

ايتا كەتەتىن جايت، وسى كومپانيا تۇركىستان وبلىسىندا دا وسى تارىزدەس كوپ سالالى اۋرۋحانا سالماقشى. بۇل تۋرالى YDA Holding كومپانياسىنىڭ باسقارما توراعاسى ارسلان حۋسەين مەن تۇركىستان وبلىسىنىڭ اكىمى ومىرزاق شوكەەۆ جاز ايىندا كەلىسىمگە قول قويعان ەدى. سولتۇستىك پەن وڭتۇستىككە سالىناتىن مەديتسينالىق نىساندارعا كومپانيا جالپى كولەمى 50 ملرد تەڭگەنى قۇرايتىن ينۆەستيتسيا قۇيماق. ايتا كەتەتىن بولساق، بۇل جوبالار دەنساۋلىق ساقتاۋ ينفراقۇرىلىمىن دامىتۋدىڭ وڭىرلىك پەرسپەكتيۆالى جوسپارلارى شەڭبەرىندە ىسكە اسىرىلادى.

كەڭەستەگى سوزىندە ءوڭىر باسشىسى قۇمار اقساقالوۆ: ء«بىزدىڭ ماقسات قازىرگى جانە بولاشاق ينۆەستورلارعا مەيلىنشە دۇرىس جاعداي جاساپ، كومەك كورسەتۋ. سوندا ولاردىڭ جۇمىسقا دەگەن ىنتاسىن ارتتىراتىن بولامىز. قازىر ەكونوميكالىق ايماققا كىرۋ تۋرالى گەرمانيانىڭ Claas جانە Alageum Electric كومپانيالارى دا قالاۋىن ءبىلدىرىپ وتىر. ءبىز ولارمەن دە ترانسفورماتور زاۋىتىنىڭ قۇرىلىسىن سالۋ بويىنشا كەلىسىمگە كەلدىك»، - دەدى.

سونىمەن قاتار وتكەن اپتادا تۇرمىستىق حيميا ونىمدەرىن جاسايتىن فابريكانىڭ ءوندىرىسى دە ءوز جۇمىسىنا كىرىستى. بۇل جوبا «قاراپايىم زاتتار ەكونوميكاسى» باعدارلاماسىنىڭ شەڭبەرىندە ىسكە قوسىلدى. سونىمەن بىرگە «كيروۆ اتىنداعى زاۋىتتىڭ» نەگىزىندە تۇرمىستىق تەحنيكاعا ارنالعان كوپ قاباتتى پلات ءوندىرۋ دە ىسكە قوسىلعانىن بۇرىن جازعان بولاتىنبىز.

ءسويتىپ، تەرىستىكتىڭ ءوندىرىسى جاندانا باستادى. ونەركاسىپتىڭ بارلىق سالاسىنا دا كادرلىق الەۋەتى كەزىندە زور بولعان ءوڭىر وسىلايشا قايتادان باس كوتەرۋدە. تەك ىستەرىنە اللا ساتتىلىك بەرسىن.

 

سولتۇستىك قازاقستان وبلىسى

 

 

سوڭعى جاڭالىقتار

قوبىز بىزگە قاي داۋىردەن جەتكەن؟

رۋحانيات • بۇگىن، 11:09

الماتىدا كىتاپ كورمەسى اشىلدى

رۋحانيات • بۇگىن، 10:56

كۇلكى كەرۋەنى № 23

رۋحانيات • بۇگىن، 09:32

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

ۇقساس جاڭالىقتار