جەرلەسىمىز ازامات نۇرپەيىسوۆ – قويان-قولتىق ۇرىستان حالىقارالىق دارەجەدەگى سپورت شەبەرى, ازيا چەمپيونى, كيكبوكستان الەم چەمپيوناتىنىڭ ەكى دۇركىن كۇمىس جۇلدەگەرى. 2010 جىلى پەتروپاۆل اسكەري ينستيتۋتىن بىتىرگەننەن كەيىن “بۇركىت” ارنايى جاساعىندا قىزمەت ەتتى. ناعىز ازاماتتىق شاعىندا جازىلماس دەرتكە شالدىعىپ, 28 جاسىندا كوز جۇمدى.
ءدۇبىرلى دوداعا ەلىمىزدىڭ ءار قيىرىنان 80-گە جۋىق سارباز قاتىسىپ, 8 سالماق بويىنشا بەلدەستى. جالپىكوماندالىق ەسەپتە پەتروپاۆل اسكەري ينستيتۋتىنىڭ جاۋىنگەرلەرى جەڭىمپاز اتاندى. ەكىنشى ورىندى قاراعاندى اكادەمياسىنىڭ كۋرسانتتارى, ءۇشىنشى ورىندى پاۆلودار وقۋ ورتالىعىنىڭ سپورتشىلارى يەلەندى. جەڭىستىڭ بيىك تۇعىرىنا كوتەرىلگەندەر نۇر-سۇلتان قالاسىندا وتەتىن حالىقارالىق جارىسقا جولداما الدى.
كەلەسى جىلى كۋرسانتتار اراسىنداعى جەكپە-جەك حالىقارالىق دەڭگەيدە ۇيىمداستىرىلىپ, قىرعىزستان, رەسەي, وزبەكستان سپورتشىلارى دا كۇش سىناساتىن بولادى.
سولتۇستىك قازاقستان وبلىسى
