ەكونوميكا • 20 قاراشا، 2019

وزبەكستانعا ەلەكتر ەنەرگياسىن شىعارادى

11 رەتكورسەتىلدى

جىل باسىنان بەرى پاۆلودار وبلىسىنىڭ ونەركاسىپ سالاسىندا 1،5 ترلن تەڭگەنىڭ ءونىمى ءوندىرىلدى. ءسويتىپ بىلتىرعى كورسەتكىش 21 ملرد تەڭگەگە نەمەسە 1،8%-عا اسىرا ورىندالدى. بۇل تۋرالى پرەزيدەنت جانىن­داعى ورتالىق كوممۋنيكاتسيالار قىزمەتىندە وتكەن ءباس­پاسوز ءماسليحاتىندا ءوڭىر اكىمى بولات باقاۋوۆ ايتتى.

وبلىس اكىمى بىلتىر ءوڭىر ەكونوميكاسى 6،2%-عا ارتقانىن، بيىل وسى دەڭگەيدى ۇستاپ قالۋدى جوسپارلاپ وتىرعاندارىن جەتكىزدى. 9 ايدا مۇناي ونىمدەرىن وڭدەۋ – 3،8%-عا، مەتاللۋرگيا – 2،4%-عا، حيميا – 9،8%-عا، سونداي-اق ماشينا جاساۋ ونەركاسىبى – 5،6%-عا ۇلعايدى. يندۋستريالاندىرۋ كارتاسى اياسىندا ىسكە قوسىلعان «بوزشاكول» تاۋ-كەن بايىتۋ كومبيناتى ءوندىرىس كولەمىن ارتتىرىپ كەلەدى. كاسىپورىنداعى مەتالل رۋدالارى مەن كونتسەنترات ءوندىرۋ 1،2 ەسەگە كوبەيدى.

ب.باقاۋوۆتىڭ ايتۋىنشا، ەكى ءىرى ينۆەستيتسيالىق جوبا بويىنشا جۇمىس اياقتالدى. ناقتى ايتقاندا، اقسۋ فەرروقورىتپا زاۋىتىنداعى فەرروحروم ءوندىرىسىن 11%-عا ارتتىرۋعا مۇمكىندىك بەرەتىن №64 پەش جاڭعىرتىلىپ، «ەۋرازيالىق ەنەرگەتيكالىق كورپوراتسيا» اق-تىڭ №5 ەنەرگوبلوگى قايتا قۇرىلدى. اتالعان جوبالار بويىنشا ينۆەستيتسيانىڭ جالپى كولەمى 80 ملرد تەڭگەدەن استى.

– وتكەن جىلى شيكىزاتتىق ەمەس تاۋارلاردىڭ ەكسپورت كولەمى وبلىستا 2 ملرد دوللارعا جەتتى. بۇل 2016 جىلداعى كورسەتكىشتەن 3 ەسە ارتىق. جىل باسىنان بەرى ەكسپورت كولەمى 1،2 ملرد دوللاردى قۇرادى. وتاندىق ونىمدەردىڭ ەكسپورتىن ارتتىرۋ ماقساتىندا جاڭا نارىقتار زەرتتەلىپ جاتىر. ەكىباستۇزداعى №1 ماەس بيىل وزبەكستان نارىعىنا ەلەكتر ەنەرگياسىن ساتا باستادى. «ۆەكتور پاۆلودار» جشس رەسەي فەدەراتسياسىنا جەڭىل قۇيمالى اۆتوموبيل ديسكىلەرىن ەكسپورتتايدى، – دەدى وبلىس اكىمى.

سپيكەر وسى جىلى ءوڭىر ەكونوميكاسىنا 347 ملرد تەڭگە ينۆەستيتسيا تارتىلعانىن، بۇل 2018 جىلداعى كورسەتكىشپەن سالىستىرعاندا 112،7%-عا ارتىق ەكەنىن ايتتى. سونىڭ 75%-ىن جەكە ينۆەستيتسيالار قۇرايدى. وبلىستىڭ اگرارلىق سەكتورىنا قۇيىلاتىن قاراجات تا جىل ساناپ ءوسىپ كەلەدى.

 

سوڭعى جاڭالىقتار

ماڭعىستاۋدا «جىل ادامى - 2019» انىقتالدى

ايماقتار • 14 جەلتوقسان، 2019

اقتاۋدا تۇرعىن ءۇي پايدالانۋعا بەرىلدى

ايماقتار • 14 جەلتوقسان، 2019

اتىراۋلىقتار تاعى دا ۇزدىكتەر قاتارىندا

ايماقتار • 13 جەلتوقسان، 2019

ۇقساس جاڭالىقتار