پرەزيدەنت • 19 قاراشا، 2019

پرەزيدەنت ەلورداداعى تراۆماتولوگيا جانە ورتوپەديا عزي جۇمىسىمەن تانىستى

37 رەتكورسەتىلدى

قاسىم-جومارت توقاەۆ وتا جاسايتىن جانە رەانيماتسيا بولىمدەرىن ارالاپ كورىپ، مەديتسينالىق مەكەمەنىڭ ۇجىمىمەن اڭگىمەلەستى. بۇل تۋرالى اقوردانىڭ ءباسپاسوز قىزمەتى حابارلادى.

پرەزيدەنتكە ينستيتۋت جۇمىسىنىڭ نەگىزگى كورسەتكىشتەرى، سونداي-اق، مەديتسينا مەكەمەسىنىڭ عىلىمي-زەرتتەۋ جوبالارى تانىستىرىلدى.

تراۆماتولوگيا جانە ورتوپەديا عىلىمي-زەرتتەۋ ينستيتۋتى – مەديتسينانىڭ اتالعان سالاسى بويىنشا وزىق تەحنولوگيالاردى ازىرلەۋمەن، جەتىلدىرۋمەن جانە ەنگىزۋمەن اينالىساتىن قازاقستانداعى بىردەن-ءبىر عىلىمي-كلينيكالىق جانە ءبىلىم بەرۋ ورتالىعى. مۇندا كۇن سايىن 50-دەن استام، ال ءبىر جىلدا 8 مىڭنان اسا وتا جاسالادى. بۇگىندە مەديتسينالىق ورتالىقتا 385 ەمدەلۋشىگە ارنالعان 14 كلينيكالىق بولىمشە جۇمىس ىستەيدى. وسى بولىمشەلەردىڭ نەگىزىندە بۋىندارعا ەندوپروتەز جاساۋ، ارتروسكوپيا جانە سپورتتىق جاراقاتتاردى ەمدەۋ، ومىرتقا پاتولوگياسىن تۇزەتۋ سياقتى 3 رەسپۋبليكالىق ورتالىق اشىلعان.

مەكەمە قىزمەتكەرلەرىمەن كەزدەسۋ بارىسىندا مەملەكەت باسشىسى عىلىمي-زەرتتەۋ ينستيتۋتى جانىنان قوسىمشا 23،2 مىڭ شارشى مەترلىك مەديتسينالىق كورپۋس سالۋعا شەشىم قابىلداعانىن ايتتى. پرەزيدەنتتىڭ پىكىرىنشە، عىلىمي-زەرتتەۋ ينستيتۋتىنىڭ ەسكىرگەن عيماراتتارى زامان تالابىنا ساي كەلمەيدى.

– 2021 جىلى بۇل جەردە جاڭا عيمارات بوي كوتەرەدى. ءتيىستى قاراجات بولىنەدى. قۇرىلىس جۇمىستارىنا 26 ميلليارد تەڭگە قاجەت. مۇنىڭ قوماقتى سوما بولعانىنا قاراماستان، ۇكىمەتكە ءتيىستى تاپسىرما بەرەمىن، – دەدى قاسىم-جومارت توقاەۆ.

جاڭا كورپۋستا 6 وتا جاسايتىن زال، 300 ورىندىق وڭالتۋ ورتالىعى، وقۋ بولىمدەرى، سونداي-اق، مەديتسينالىق بۇيىمدار شىعاراتىن شاعىن زاۋىت بولادى. عيمارات پايدالانۋعا بەرىلگەننەن كەيىن جوعارى تەحنولوگيالىق مەديتسينالىق قىزمەت كورسەتۋ كولەمى 45 پايىزعا ارتادى.

ينستيتۋت ۇجىمى پرەزيدەنتكە مەملەكەت تاراپىنان كورسەتىلىپ جاتقان قولداۋ ءۇشىن العىس ايتتى. مەملەكەت باسشىسى مەديتسينا قىزمەتكەرلەرىنىڭ يگىلىكتى ەڭبەگىن جوعارى باعالاپ، ولارعا تابىس تىلەدى.

سوڭعى جاڭالىقتار

كۇلكى كەرۋەنى № 21

رۋحانيات • كەشە

شاعامان باتىر

تاريح • كەشە

361 ليفت اۋىستىرىلادى

ايماقتار • كەشە

«ءتسۋناميدى» سۇلاتىپ سالدى

كاسىپقوي بوكس • كەشە

استىڭ ءدامىن كەلتىرگەن

ايماقتار • كەشە

سايرايدى بۇلبۇل...

رۋحانيات • كەشە

باعا QR كودتار ارقىلى بەرىلەدى

ايماقتار • 08 جەلتوقسان، 2019

«جەلتوقسانشى» جەتكىنشەك ەسكە الىندى

رۋحانيات • 08 جەلتوقسان، 2019

ۇقساس جاڭالىقتار