كەزدەسۋ بارىسىندا, ەكىجاقتى ىنتىماقتاستىقتىڭ جاعدايى مەن بولاشاعى تالقىلاندى. تاراپتار ەكى ەل اراسىندا قالىپتاسقان قارىم-قاتىناستاردىڭ دوستىق جانە سىندارلى سيپاتىن اتاپ ءوتىپ, ساۋدا-ەكونوميكالىق جانە ينۆەستيتسيالىق ىنتىماقتاستىقتى كەڭەيتۋگە ءوزارا مۇددەلىلىكت تانىتتى.
ەلشى ب. سادىقوۆ سۇحباتتاسۋشىنى مەملەكەت باسشىسى قاسىم-جومارت توقاەۆتىڭ جولداۋىنىڭ نەگىزگى مازمۇنىمەن, ەلدىڭ ىشكى جانە سىرتقى ساياساتىنىڭ باسىم باعىتتارىمەن, ەكىجاقتى ساياسي جانە ەكونوميكالىق ىنتىماقتاستىقتى كەڭەيتۋ جونىندەگى ۇسىنىستارمەن تانىستىردى.
ءوز كەزەگىندە, ەفيوپيا پرەزيدەنتى س. زەۆدە قازاقستاندى تۇڭعىش پرەزيدەنت – ەلباسى نۇرسۇلتان نازارباەۆتىڭ باسشىلىعىمەن جۇزەگە اسىرىلعان تابىستى ساياسي جانە ەكونوميكالىق وزگەرىستەرمەن قۇتتىقتادى. بۇۇ-دا بىرلەسكەن جۇمىس بويىنشا جەكە ءوزى بىلەتىن جاڭا پرەزيدەنت ق. توقاەۆپەن بەلگىلەنگەن ماقساتتار مەن مىندەتتەردىڭ تابىستى جۇزەگە اسىرىلۋىنا سەنىم ءبىلدىردى. س. زەۆدە سونداي-اق ءوزارا ءىس-قيمىلدىڭ بارلىق سالالارىندا ەفيوپيالىق تاراپىنىڭ قازاقستانمەن ەكىجاقتى قارىم-قاتىناستاردى دامىتۋعا دەگەن ىقىلاسىن ءبىلدىردى جانە وسى قىزمەتكە تۇراقتى قولداۋ كورسەتەتىنىنە سەندىردى.
ەسكە سالا كەتەيىك, قازاقستان رەسپۋبليكاسى مەن ەفيوپيا فەدەراتيۆتىك دەموكراتيالىق رەسپۋبليكاسى اراسىنداعى ديپلوماتيالىق قاتىناستار 2011 جىلعى 5 قىركۇيەكتە نوتالار الماسۋ جولىمەن بەلگىلەنگەن. بۇگىنگى تاڭدا ەفيوپيامەن ساياسي جانە ەكونوميكالىق بايلانىستار ودان ءارى دامىپ كەلەدى. قارىم-قاتىناس باعىتتارى پىسىقتالۋدا, ىنتىماقتاستىقتىڭ ءتۇرلى سالالارىنداعى ورتاق مۇددەلەردى ىزدەۋ جۇمىسى وتە تابىستى جانە قارقىندى ءجۇرىپ جاتىر.
2018 جىلدىڭ قورىتىندىسى بويىنشا ءوزارا ساۋدا كولەمى 86,4 مىڭ اقش دوللارىن قۇرادى (ەكسپورت – 0,4مىڭ اقش دولل), يمپورت – 86 مىڭ اقش دولل). ەفيوپياعا تەگىس تەمىر, لەگىرلەنگەن جانە لەگىرلەنبەگەن, توت باسپايتىن بولات يمپورتتالادى. قازاقستانعا گۇلدەر, كوفە, تەرى جانە باسقادا تاۋارلار يمپورتتالادى.
