قازاقستان • 19 قاراشا، 2019

ءاليحان سمايىلوۆ ەۋرازيالىق ەكونوميكالىق كوميسسيا كەڭەسىنىڭ وتىرىسىنا قاتىستى

19 رەتكورسەتىلدى

پرەمەر-ءمينيستردىڭ ءبىرىنشى ورىنباسارى – قارجى ءمينيسترى ءاليحان سمايىلوۆ ەۋرازيالىق ەكونوميكالىق كوميسسيا كەڭەسىنىڭ كەزەكتى وتىرىسىنا قاتىستى. بۇل تۋرالى پرەمەر-ءمينيستردىڭ ءباسپاسوز قىزمەتى حابارلادى.

ەەك كەڭەسىندە ىشكى نارىقتاردىڭ جۇمىس ىستەۋى، حالىقارالىق ىنتىماقتاستىق، كەدەندىك جانە تەحنيكالىق رەتتەۋ، ەاەو ساندىق كۇن ءتارتىبى، سانيتارلىق جانە فيتوسانيتارلىق شارالار ماسەلەلەرى قارالدى.

ەۋرازيالىق ەكونوميكالىق كوميسسيانىڭ ەاەو ىشكى نارىعىنداعى الىپ تاستاۋلاردى، شەكتەۋلەر مەن كەدەرگىلەردى جويۋ بويىنشا جۇمىستاردىڭ بارىسى تۋرالى اقپاراتى تىڭدالدى.

ەەك كەڭەسى جۇمىسقا ورنالاستىرۋشى مەملەكەتتىڭ ازاماتتارى سياقتى شارتتار مەن تارتىپتە ەڭبەكشىلەردىڭ زەينەتاقى قۇقىقتارىن قالىپتاستىرۋعا، ساقتاۋعا جانە ىسكە اسىرۋعا باعىتتالعان ەاەو مۇشە-مەملەكەتتەرىنىڭ ەڭبەككەرلەرىن زەينەتاقىمەن قامتاماسىز ەتۋ تۋرالى كەلىسىمنىڭ جوباسىن ماقۇلدادى.

ەەو يندۋستريالاندىرۋ كارتاسىن قالىپتاستىرۋ ماسەلەسىن پىسىقتاۋ تۋرالى ۇسىنىس ماقۇلداندى، ول ءبىر-ءبىرىنىڭ ءوزارا جوسپارلارىن كورۋگە جانە ولاردى ۋاقىتىلى تۇزەتۋگە جانە ەەو شەڭبەرىندە وندىرىستىك تىزبەكتەردى قالىپتاستىرۋعا ىقپال ەتۋگە مۇمكىندىك بەرەدى.

قازاقستان تاراپىنىڭ باستاماسى بويىنشا رەسەي تاراپىنىڭ «رەسەي فەدەراتسياسى تۇتىنۋشىلاردىڭ قۇقىقتارىن قورعاۋ تۋرالى «زاڭىنىڭ 4-بابىنا وزگەرىس ەنگىزۋ تۋرالى» فەدەرالدىق زاڭعا وزگەرىستەر ەنگىزۋ تۋرالى ماسەلەسى قارالىپ، «تۇتىنۋشىلاردىڭ قۇقىقتارىن قورعاۋ تۋرالى» 1992 جىلعى 7 اقپانداعى № 2300-I رەسەي فەدەراتسياسىنىڭ زاڭىن تەحنيكالىق كۇردەلى تاۋارلاردىڭ جەكەلەگەن تۇرلەرىن ساتۋ كەزىندە مۇنداي قۇرىلعىلاردا رەسەيلىك باعدارلامالىق قامتاماسىز ەتۋدى ورناتۋدى قامتاماسىز ەتۋ قاجەتتىلىگى تۋرالى ەرەجەمەن تولىقتىرۋ ۇسىنىلادى.

اعىمداعى جىلدىڭ 20 جەلتوقسانىندا سانكت-پەتەربۋرگ قالاسىندا وتەتىن جوعارى ەۋرازيالىق ەكونوميكالىق كەڭەستىڭ كەزەكتى وتىرىسىنىڭ كۇن ءتارتىبى بەكىتىلدى.

سوڭعى جاڭالىقتار

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

كۇلكى كەرۋەنى № 22

رۋحانيات • كەشە

ۇقساس جاڭالىقتار