ءىس-شاراعا قازاقستان سىرتقى ىستەر ءمينيسترىنىڭ ورىنباسارى رومان ۆاسيلەنكو, وزبەكستان سىرتقى ىستەر ءمينيسترى ابدۋلازيز كاميلوۆ, اۋعانستاننىڭ ەو جانىنداعى ەلشىسى نازيفۋللا سالارزاي, ەۋروپا سىرتقى ءىس-ارەكەتتەر قىزمەتىنىڭ باسشىلىعى, حالىقارالىق دامۋ جانە ىنتىماقتاستىق جونىندەگى ەۋروكوميسسيانىڭ باس ديرەكتورى, سونداي-اق بۇۇ دب مەن بۇۇ ايەلدەر ۇيىمى وكىلدەرى قاتىستى.
ر.ۆاسيلەنكو ءوز سوزىندە اۋعانستانداعى تۇراقتىلىقتى نىعايتۋعا جاردەمدەسۋ جانە ورتالىق ازياداعى وڭىرلىك بەيبىتشىلىك ايماعىن قالىپتاستىرۋ قازاقستاننىڭ سىرتقى ساياساتىنىڭ ماڭىزدى باسىمدىقتارىنىڭ ءبىرى بولىپ تابىلاتىنىن تاعى دا راستادى.
ەو, قازاقستان جانە وزبەكستاننىڭ ۇشجاقتى ءبىلىم بەرۋ باعدارلاماسى اۋعان ايەلدەرىنىڭ قۇقىقتارى مەن مۇمكىندىكتەرىن كەڭەيتۋدى قولداۋ ارقىلى وسى ماقساتقا قول جەتكىزۋگە ىقپال ەتۋى ءتيىس.
وسى باستاما اياسىندا 2025 جىلعا دەيىن قازاقستاننىڭ جوعارى وقۋ ورىندارىندا اۋعانستاننىڭ 40 ستۋدەنتىن وقىتۋ جوسپارلانۋدا. وقىتۋ اۋىل شارۋاشىلىعى, قولدانبالى ستاتيستيكا جانە تاۋ-كەن ءىسى سياقتى ماماندىقتار بويىنشا جۇزەگە اسىرىلادى. تاعى 10 قىز وزبەكستاندا اۋىل شارۋاشىلىعىن مەڭگەرەتىن بولادى.
ر.ۆاسيلەنكو ەو-عا وسى باعدارلامانى ىسكە قوسۋ جونىندەگى قازاقستاندىق ۇسىنىستى قولداعانى ءۇشىن, اتاپ ايتقاندا ونى قارجىلاندىرۋعا 2 ملن ەۋرو بولگەنى ءۇشىن العىسىن ءبىلدىردى. ول سونداي-اق بۇۇ دب مەن بۇۇ ايەلدەر ۇيىمىنا باعدارلامانىڭ پراكتيكالىق يمپلەمەنتاتسياسىن ءوز موينىنا العانى ءۇشىن ريزاشىلىعىن جەتكىزدى.
ونىڭ ايتۋىنشا, «باعدارلاما ورتالىق ازيا ەلدەرىنىڭ ىنتىماقتاستىق پەن ءوزارا تۇسىنىستىكتىڭ جاڭا كورىنىسى اياسىندا ءوڭىردىڭ ورتاق دامۋى ءۇشىن ءتيىمدى شەشىمدەردى بىرلەسىپ ۇسىنىپ جانە ونى جۇزەگە اسىرا الاتىنىنىڭ تاماشا ۇلگىسى بولىپ تابىلادى». سونىمەن قاتار بۇل باستاما بريۋسسەل مەن ورتالىق ازيا استانالارىنىڭ ورتالىق ازيا بويىنشا ەۋرووداقتىڭ جاڭا ستراتەگياسىن ءىس جۇزىندە ىسكە اسىرۋ بويىنشا ءتيىمدى شەشىمدەر ۇسىنۋعا دايىندىعىن كورسەتەدى.
قازاقستاندىق ديپلومات قىركۇيەكتە نيۋ-يوركتەگى بۇۇ با-نىڭ 74-ءشى سەسسياسىندا سويلەگەن سوزىندە پرەزيدەنت قاسىم-جومارت توقاەۆ الماتىدا ءوز قىزمەتىمەن ورتالىق ازيانى دا, سونداي-اق اۋعانستاندى دا قامتيتىن تۇراقتى دامۋ ماقساتتارى بويىنشا وڭىرلىك ورتالىق قۇرۋدى ۇسىندى. بۇگىندە ىسكە قوسىلعان باعدارلاما ون جەتى ماقساتتىڭ التاۋىن – ساپالى ءبىلىم (4-ماقسات), گەندەرلىك تەڭدىك (5-ماقسات), لايىقتى جۇمىس جانە ەكونوميكالىق ءوسۋ (8-ماقسات), تەڭسىزدىكتى ازايتۋ (10-ماقسات), بەيبىتشىلىك, ءادىل سوت جانە ءتيىمدى ينستيتۋتتار (16-ماقسات) جانە تۇراقتى دامۋ مۇددەسىندەگى ارىپتەستىكتى (17-ماقسات) قامتيدى.
ء«بىز الداعى ۋاقىتتا بۇل باعدارلاما ءوزىنىڭ قۇندىلىعى مەن تابىستىلىعىن دالەلدەيدى دەپ ۇمىتتەنەمىز, بۇل, بۇرىن جوسپارلانعانداي, ونى كەڭەيتۋگە باعىتتالعان جۇمىستى جۇرگىزۋگە مۇمكىندىك بەرەدى. ول ەۋرازياداعى, ورتالىق ازياداعى, ەۋروپالىق وداقپەن, اسىرەسە اۋعانستانمەن ىقپالداسا وتىرىپ وعان قاتىستى ىنتىماقتاستىقتىڭ جاڭا تەتىكتەرىنىڭ پروتوتيپىنە اينالادى دەپ سەنەمىز», دەپ مالىمدەدى ءمينيستردىڭ ورىنباسارى.
ا.كاميلوۆ تا, ر.ۆاسيلەنكو دا ءوز باياندامالارىندا حالىقارالىق قوعامداستىقتى اۋعانستاندى پروبلەما رەتىندە ەمەس, جاڭا مۇمكىندىكتەر كوزى رەتىندە قاراستىرۋعا شاقىرعانىن اتاپ وتكەن ءجون.
ءىس-شارا اياسىندا ەۋروپالىق سىرتقى ءىس-ارەكەتتەر قىزمەتى, بۇۇ دب جانە باسقا دا قۇرىلىمدار اتىنان, سونداي-اق اۋعانستاننىڭ ەو جانىنداعى ەلشىسى اتىنان سويلەگەن سوزدەرىندە وسى باعدارلامانىڭ باستاۋشىسى بولىپ, ىسكە اسىرعانى ءۇشىن قازاقستان مەن وزبەكستان تاراپىنا جوعارى باعا مەن العىس سوزدەر ايتىلدى. قازاقستاننىڭ 2017-2018 جىلدارى بۇۇ قاۋىپسىزدىك كەڭەسىنە مۇشە بولعان كەزىندە, اسىرەسە 2018 جىلعى قاڭتاردا قك-دەگى توراعالىعى شەڭبەرىندە اۋعانستاندى تۇراقتاندىرۋعا قوسقان ۇلەسى ەرەكشە اتاپ ءوتىلدى.
سالتاناتتى شارا اياسىندا بۇۇ دامۋ باعدارلاماسى اۋعان قىزدارىنىڭ تاريحىن باياندايتىن, سونداي-اق ولاردىڭ قازاقستاندا الاتىن ءبىلىمىنىڭ الداعى ۋاقىتتا ۇلكەن مۇمكىندىكتەر اشاتىنى تۋرالى سۇحباتتارىن كورسەتەتىن بەينە-روليك ۇسىندى.
