16 قاراشا، 2019

جەتىسۋدان كەلگەن جەتەۋ

212 رەتكورسەتىلدى

مۇنداي كەزدەسۋلەر ءجيى-ءجيى ءوتۋى كەرەك.

 

كەشە وسكەمەندەگى سارسەن امانجولوۆ اتىنداعى شىعىس قازاقستان مەملەكەتتىك ۋنيۆەرسيتەتىندە جەتىسۋلىق جاس اقىن-جازۋشىلارمەن كەزدەسۋ ءوتتى. وبلىستىق بالالار جانە جاسوسپىرىمدەر كىتاپحاناسى ۇيىمداستىرعان شاراعا تەلەجۇرگىزۋشى، جازۋشى ەسبولات ايدابوسىن، جۋرناليست قوزىباي قۇرمان، ماۋلەن انەرباي، مۇحتار كۇمىسبەك، مەدەت جۇماباەۆ، ازامات نۇرمۇحان سىندى جاس اقىندار مەن ءداستۇرلى ءانشى، «زامان-اي» تەرمەسىنىڭ ءانىن جازعان، سازگەر ءالىبي بەكايدار قاتىسىپ، وقىرمانداردىڭ ساۋالدارىنا جاۋاپ بەرىپ، رۋحانيات، ادەبيەت توڭىرەگىندەگى ويلارىن ورتاعا سالدى.

ەس

كەزدەسۋدىڭ بەتاشارىندا ءسوز العان بەلگىلى جۋرناليست ەسبولات ايدابوسىن التى جاستى التايعا ءوزى باستاپ كەلگەنىن ايتىپ: ء«بىز نەگىزى وسىنداعى ارىپتەسىمىز، «شىعىس-اقپارات»  جشس ديرەكتورى نۇربەك بەكەن باستاعان قالام ۇستاعان جىگىتتەردىڭ ۇسىنىسىمەن فۋتبولدان جولداستىق كەزدەسۋ وتكىزۋگە كەلگەنبىز. سوسىن قۇر دوپ تەۋىپ قانا قويماي، ورايى كەلگەندە جەتىسۋلىق تالانتتى جاس اقىنداردىڭ شىعارماشىلىعىن وقىرماندارعا تانىستىرۋدىڭ ارتىعى بولماس دەپ وسى كەزدەسۋگە كەلىپ قالعان جايىمىز بار» دەي كەلە وسكەمەنگە كەلگەن بەس اقىننىڭ كىتاپتارى بيىلعى جاستار جىلى اياسىندا جارىق كورگەنىن جەتكىزدى.     

ەسبو

كەزدەسۋ بارىسىندا جەتىسۋدان كەلگەن جەتەۋدىڭ بەسەۋى، ياعني، ماۋلەن انەربايدىڭ «كۇن قىزى»، مۇحتار كۇمىسبەكتىڭ «الفاۆيتتەگى التى ءارىپ»، قوزىباي قۇرماننىڭ «جۇرەك ماۋسىمدارى»، ازامات نۇرمۇحاننىڭ «العىس»، مەدەت جۇماباەۆتىڭ «جۇمىر جەردەگى جۇماق بەل» كىتاپتارىنىڭ تۇساۋى كەسىلدى. جاس اقىنداردىڭ كىتاپتارىنىڭ لەنتاسىن سارسەن امانجولوۆ اتىنداعى شقمۋ رەكتورى مۇحتار ادىلبەك ۇلى مەن بەلگىلى اقىن قالقامان سارين قيىپ، ءسات-ساپار تىلەدى. ء«بىزدىڭ ۋنيۆەرسيتەتتە تالانتتى جاستار كوپ. ولاردى ۇنەمى قولداپ وتىرامىز. جەتىسۋدىڭ جەرى دە، ەلى دە تاماشا. ءوزىم ءبىراز جىل ەڭبەك ەتكەنمىن. تالدىقورعاننان كەلگەن تالانتتى جاستارعا تەك ساتتىلىك تىلەيمىز» دەدى رەكتور.

 ەسبول

تۋعان جەرگە تۋىن تىگىپ، وسكەمەنگە ەڭبەك ەتۋگە كەلگەن اقىن قالقامان سارين بۇگىنگى كۇن وسى ءوڭىردىڭ ادەبي-مادەني ومىرىندەگى ەرەكشە كۇن ەكەندىگىن اتاپ ءوتىپ: «وسكەمەنگە كەلگەنىمە كوپ بولماسا دا، شاھارداعى جاستاردىڭ ادەبيەتكە، ولەڭگە دەگەن قۇشتارلىعىن بايقادىم. جەتىسۋلىق اقىنداردىڭ ءبىرازىن تانيمىن. شىعىستاعى وقىرمانمەن تانىسۋعا كەلگەن قادامدارىڭ قۇتتى بولسىن! كەلەسى جولى جەتەۋىڭنىڭ ەمەس، ارقايسىڭنىڭ جەكە-جەكە كەشتەرىڭدى وتكىزەتىن كۇنگە جەتكىزسىن. مۇنداي كەزدەسۋلەر ءجيى-ءجيى ءوتۋى كەرەك. ادەبيەتتى وسىلاي ناسيحاتتاۋ كەرەك. باسقا ءوڭىردىڭ قىز-جىگىتتەرى وسىلاي كەلىپ تۇرۋى كەرەك، شىعىستىڭ تالانتتى جاستارى باسقا وبلىستاردى ارالاۋى كەرەك. بۇعان ەشقانداي دا مەملەكەتتىك باعدارلامانىڭ قاجەتى جوق. بۇل وزىمىزگە قاجەت» دەدى.

وسكەمەن    

 

 

سوڭعى جاڭالىقتار

جاڭعىرعان جامبىل ءوڭىرى

ايماقتار • بۇگىن، 06:58

باعا QR كودتار ارقىلى بەرىلەدى

مەديتسينا • بۇگىن، 06:53

رۋحاني راۋىشتەگى تارتۋ

ايماقتار • بۇگىن، 06:52

تۇرار تاعدىرىنىڭ تاعىلىمى مول

رۋحانيات • بۇگىن، 06:32

ورىنبور جانە قازاق زيالىلارى

رۋحانيات • بۇگىن، 06:30

ەل ەرتەڭى – جالىندى جاستار

پرەزيدەنت • بۇگىن، 06:16

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

ۇقساس جاڭالىقتار