قازاقستاننىڭ تۇڭعىش پرەزيدەنتى – ەلباسى ن.ءا. نازارباەۆ 2018 جىلعى 5 ناۋرىزداعى «پرەزيدەنتتىڭ بەس الەۋمەتتىك باستاماسى» اتتى قازاقستان حالقىنا ۇندەۋىندە ەلىمىزدى ودان ءارى گازبەن قامتاماسىز ەتۋ مىندەتىن قويعان بولاتىن.
سەناتورلار اتالعان جوبانى ىسكە قوسۋ مەرزىمدەرى, ونى قارجىلاندىرۋ جانە تۇرعىن ۇيلەردە ەسەپتەۋىش قۇرالداردى ورنالاستىرۋ جونىندە بىرقاتار سۇراقتار قويدى. قالا اكىمىنىڭ ايتۋىنشا, گازداندىرۋ ءۇش كەزەڭمەن جۇرگىزىلەتىن بولدى. قالانى گازبەن قامتاماسىز ەتۋ كەلەسى جىلۋ ماۋسىمىنىڭ باسىنا جوسپارلانىپ وتىر.
سەناتورلارعا سونداي-اق ۇيلەردە ارنايى ەسەپتەۋىش قۇرالدارىن ورناتۋ جوبالىق-سمەتالىق قۇجاتتا كورسەتىلگەندەي مەردىگەر كومپانيالاردىڭ ەسەبىنەن جۇرگىزىلەتىنى ايتىلدى. گازبەن قامتۋ قالانى لاستايتىن زياندى زاتتاردىڭ كولەمىن 6 ەسەگە ازايتۋعا مۇمكىندىك بەرەدى.
