رۋحانيات • 15 قاراشا، 2019

رەسەيدە قازاق سۇلتانى وراز-مۇحاممەدكە ەسكەرتكىش تاقتا ورناتىلدى

1601 رەتكورسەتىلدى

رەسەي فەدەراتسياسىنىڭ ريازان وبلىسى قاسىموۆ قالاسىندا جوشى ۇلىسىنان شىققان وراز-مۇحاممەد سۇلتانعا مەموريالدى تاقتا ورناتىلدى. بۇل تۋرالى رەسەيدەگى قازاقستان ەلشىلىگىنىڭ ءباسپاسوز قىزمەتى حابارلادى.

سالتاناتتى شارا رەسەيدىڭ مادەني مۇرالار نىسانىنا ەنگەن اۋعان-مۇحاممەد سۇلتاننىڭ كەسەنەسىنە جاقىن جەردەگى ەسكى تاتار زيراتىندا ءوتتى.

«قادىرمەندى حالايىق، وسىناۋ قاسيەتتى قاسىموۆ جەرىندە قاسيەتتى بابامىز وراز-مۇحاممەد وندان ۇلىنا قويىلعان تاقتانى اشىپ تۇرمىز. ارۋاعى قابىل ەتسىن. ءسوز جوق ءبىر تۇلعاعا عانا ەمەس تۇتاس ءبىر داۋىرگە، سوناۋ الاساپىران داۋىردەگى قازاق سۇلتاندىعىنىڭ رەسەيدەگى تاريحي ىزىنە عانا ەمەس، ەكى حالىقتىڭ اراسىنداعى دوستىق پەن ىنتىماقتىڭ بىرلىك پەن تىرلىكتىڭ وزىنە قويىلعان ەسكەرتكىش دەپ بىلەمىن. سول سەبەپتى بۇگىنگى وراز-مۇحاممەدتىڭ ەسىمى بۇگىنگى ۇرپاق ساناسىندا ورىس قازاق دوستىعىنىڭ سيمۆولى ءارى ەكى ەل اراسىنداعى ديپلوماتيالىق الىس-بەرىستىڭ قارلىعاشى رەتىندە ماڭگى ساقتالادى»، دەگەن ەلشى يمانعالي تاسماعامبەتوۆ باستاماعا قولداۋ كورسەتكەن ريازان وبلىسى اكىمشىلىگى مەن ديپلوماتيالىق وكىلدىگىنە العىس ءبىلدىردى.

مەموريالدىق تاقتانى جاساۋ ءۇشىن تابيعي قوڭىر ءتۇستى گرانيت پايدالانىلعان. ەسكەرتكىشتىڭ بيىكتىگى ءۇش مەتر. توبەسىنە دوعال كۇمبەز ورناتىلعان. ەستەلىك تاقتاعا «وراز-مۇحاممەد وندان ۇلى، 1573-1610. قازاق سۇلتانى، قاسىم حاندىعىن بيلەۋشى» دەپ جازىلعان.

9

ەسكە سالا كەتەيىك، 2019 جىلدىڭ قازان ايىندا قازاقستان جۇرتشىلىعى وراز-مۇحاممەد سۇلتاننىڭ تۋعانىنا 447 جىل تولۋىن اتاپ وتكەن بولاتىن. وراز-مۇحاممەد سۇلتان قازاق حاندىعىنىڭ نەگىزىن قالاعان جانىبەك حاننىڭ تىكەلەي ۇرپاعى، تاۋەكەل حاننىڭ ءىنىسى وندان سۇلتاننىڭ ۇلى. ول ءوز زامانىندا ورىس پاتشاسىنا باعىنىشتى ايماقتا حاندىقتى بيلەپ، قازاق سۇلتاندارىنىڭ اراسىندا شەت ەلدە ۇلكەن ابىرويعا يە بولعان ايگىلى تاريحي تۇلعانىڭ ءبىرى.

وراز-مۇحاممەدتىڭ ەرلىگى مەن ءومىرى تۋرالى كوپتەگەن دەرەكتەردى جات جەردە سۇلتاننىڭ سەنىمدى سەرىگىنە اينالعان شەجىرەسى قادىرعالي جالايري جازىپ قالدىرعان. جازۋشى مۇحتار ماعاۋيننىڭ «الاساپىران» اتتى تاريحي رومانىندا قازاق سۇلتانىنىڭ قايراتكەرلىگى، پاراساتتىلىعى مەن قاھارماندىق كەلبەتى شەبەر سۋرەتتەلەدى.

سوڭعى جاڭالىقتار

سىياقى قورى – بەس ميلليارد تەڭگە

ايماقتار • بۇگىن، 16:18

ەلىمىزدىڭ ءوسۋ جولى دەپ ءبىلدىم

قازاقستان • بۇگىن، 15:41

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۇقساس جاڭالىقتار