قازاقستان • 15 قاراشا، 2019

ەۋرازيا ۇلتتىق ۋنيۆەرسيتەتىندە «Egemen Qazaqstan» گازەتىنىڭ 100 جىلدىعىنا وراي كونفەرەنتسيا ءوتتى

96 رەتكورسەتىلدى

«Egemen Qazaqstan» گازەتىنىڭ 100 جىلدىق مەرەيتويىنا وراي ل.گۋميلەۆ اتىنداعى ەۋرازيا ۇلتتىق ۋنيۆەرسيتەتىندە «جاھاندىق مەدياسالاداعى باسىلىمنىڭ ءرولى مەن دامۋ تەندەنتسياسى» اتتى حالىقارالىق عىلىمي-پراكتيكالىق كونفەرەنتسيا ءوتىپ جاتىر. 

جيىنعا باس باسىلىمدا ەڭبەك ەتكەن ارداگەرلەر، بەلگىلى قالامگەرلەر جانە تاريحشىلار قاتىسۋدا.

ءوز كەزەگىندە ءسوز العان «Egemen Qazaqstan» گازەتىنىڭ باسقارما توراعاسى دارحان قىدىرالى بۇگىنگى شارا توي تويلاۋ ءۇشىن ەمەس، وي ويلاۋ ءۇشىن، تاعىلىم مەن تاعزىمعا تولى سيپاتتا ۇيىمداستىرىلىپ وتىرعانىن اتاپ ءوتتى.

ء«بىز «Egemen Qazaqstan» گازەتىنىڭ 100 جىلدىعىن ەل گازەتىندە ەڭبەك ەتكەن الاش قايراتكەرلەرىنىڭ مەرەيتويلارىمەن ۇشتاستىرىپ وتىرمىز. قاراعاندىداعى Egemen-ءنىڭ كەزدەسۋىن ساكەن سەيفۋلليننىڭ 125 جىلدىعىمەن ۇشتاستىردىق. قوستانايدا بەيىمبەت ءمايليننىڭ 125 جىلدىعىمەن ورايلاستىردىق. سول سياقتى ءبىزدىڭ مەرەيتويىمىز ءىلياس جانسۇگىروۆتىڭ 125 جىلدىعىمەن دە ساباقتاسا ءوتتى. وڭتۇستىكتە تۇرار رىسقۇلوۆتىڭ 125 جىلدىعىنا وراي ارنايى ءىس-شارا وتكىزدىك. باتىستاعى بوكەي ورداسىنا ارنايى ەكسپەديتسيا ۇيىمداستىرىلدى. باسقا دا ءىس-شارالارىمىزدى Egemen Qazaqstan-دا - ەڭبەكشى قازاقتا – ۇشقىندا قىزمەت ەتكەن قايراتكەرلەردىڭ ەسىمدەرىمەن بايلانىستىرۋعا تىرىستىق» دەدى د.قىدىرالى.

سونداي-اق باسىلىم باسشىسى الماتىدا جاقىندا ۇلكەن ءىس-شارا وتكىزىلىپ، وندا «Egemen Qazaqstan» گازەتىنىڭ رەداكتسياسى ورنالاسقان، ەگەمەندىكتى ەلگە سۇيىنشىلەگەن، ءابىش كەكىلباەۆ پەن شەرحان مۇرتازا قىزمەت ەتكەن ۇلكەن عيماراتقا ەسكەرتكىش تاقتا ورناتىلعانىن ءسوز ەتتى.

«كەزىندە «ەگەمەندە» قىزمەت اتقارعان، دۇنيەدەن وتكەن بارلىق اعالارىمىزعا ارناپ ۇلكەن اس بەردىك. وعان ءابدىجامىل نۇرپەيىسوۆتەن باستاپ بۇكىل وقىرماندارىمىز، تۇراقتى اۆتورلارىمىز، ارداگەرلەرىمىز قاتىستى. كورمە ۇيىمداستىرىلدى. كۇنى كەشە تاراز جەرىندە تاعىلىمدى ءىس-شارا ءوتتى. بىراق بۇگىنگى جيىننىڭ ءمان-ماعىناسى ەرەكشە. سەبەبى، بىرىنشىدەن، بۇل جەردە (ل.گۋميلەۆ اتىنداعى ەۇۋ) ءبىزدىڭ ارداگەر اعالارىمىز ەڭبەك ەتەدى. سەرىك اعامىزدىڭ (قيراباەۆ) ەل گازەتىندە قىزمەت اتقارعانىن بىلەسىزدەر. سول سەكىلدى ءبىزدىڭ باسىلىمدا قويشىعارا اعامىز ءتىلشى بولعان. ومىردەن وزىپ كەتكەن اقاڭ دا (اقسەلەۋ سەيدىمبەك) «Egemen Qazaqstan» گازەتىنىڭ ءبولىمىن باسقارعان. سول سەكىلدى كوپ اعالارىمىز گازەتتە قىزمەت ەتتى» دەدى ول.

بۇدان سوڭ، دارحان قىدىرالى «Egemen Qazaqstan» گازەتىنىڭ ل.گۋميلەۆ اتىنداعى ەۇۋ-دىڭ جۋرناليستيكا فاكۋلتەتىمەن تىكەلەي بايلانىستا ەكەنىن اتاپ ءوتتى.

«بىزدە وسى فاكۋلتەتتىڭ 13 تۇلەگى قىزمەت ەتىپ جاتىر. قازىرگى تاڭدا گازەت قىزمەتكەرلەرى ەداۋىر جاسارعان. بىزدە قازىر ورتاشا جاس – 30. سوندىقتان ستۋدەنتتەردىڭ كوبى بىزدە پراكتيكادان وتەدى. سونىمەن قاتار ءبىز وزىمىزگە كادر دايارلاۋ ماقساتىندا «ەگەمەن اكادەميا» اتتى ستۋدەنتتەرگە ارنايى ءدارىس ۇيىمداستىرعان بولاتىنبىز. ونىڭ تۇراقتى قاتىسۋشىلارى – وسى ەۋرازيا ۇلتتىق ۋنيۆەرسيتەتىنىڭ ستۋدەنتتەرى» دەدى ول.

كونفەرەنتسيا بارىسىندا دارحان قىدىرالى «Egemen Qazaqstan» گازەتىنىڭ 100 جىلدىعىنا وراي عالىم سەرىك قيراباەۆقا جانە جازۋشى، تاريحشى قويشىعارا سالعارا ۇلىنا ارنايى مەرەكەلىك مەدال تابىستادى.

1

2

3

6

9

 

سوڭعى جاڭالىقتار

ەل ەرتەڭى – جالىندى جاستار

پرەزيدەنت • بۇگىن، 06:16

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

كۇلكى كەرۋەنى № 22

رۋحانيات • كەشە

فاريزا اقىننىڭ ۇستازى

رۋحانيات • كەشە

ۇقساس جاڭالىقتار