قوعام • 15 قاراشا، 2019

جاڭا ۇلگىدەگى كولىكتەر

24 رەتكورسەتىلدى

الماتى قالاسىنداعى جولاۋشىلار تاسىمالىن جەتىلدىرۋ ماقساتىندا كەشەندى شارالار قولعا الىنىپ كەلەدى. وسى باعىتتا Falcon EuroBus كومپانياسىنىڭ قازاق-نەمىس ارىپتەستەرىمەن بىرلەسە قولدانىسقا ەنگىزگەن ەلەكترواۆتوبۋستار تىزبەگىن اتاپ وتۋگە بولادى.

الماتى قالاسى قالالىق موبيلدىلىك باسقارماسى باسشىسىنىڭ ورىنباسارى ەرلان ءادىلوۆ «№1 اlmaty ەlektroavtobys parki» جشس كاسىپورنىن قۇتتىقتاپ، جولاۋشى تاسىمالداۋ جۇيەسىندە باسەكەلەستىككە لايىقتى ەۋروپالىق ونىمدەردى پايدالانۋدىڭ الەۋەتىنە توقتالىپ ءوتتى. ەرلان ءادىلوۆتىڭ ايتۋىنشا، جاڭا تەحنولوگيالاردى جولاۋشى تاسىمالى جۇيەسىنە ەنگىزۋدە الماتىلىقتاردىڭ دىتتەگەن جەرىنە جايلى ءارى ۋاقىتىندا جەتۋى ەسكەرىلگەن. سونىمەن قاتار قالانىڭ ينفراقۇرىلىمىن جاڭا دەڭگەيگە كوتەرۋگە،  «اقىلدى قالالار» قاتارىنا قوسىلۋعا مۇمكىندىك بەرەدى.

 «№1 اlmaty ەlektroavtobys parki» جشس باس ديرەكتورى پەتر سمەحوۆيچ جاڭا ۇلگىدەگى ەلەكترواۆتوبۋستاردىڭ جۇمىسىن ۇيىمداستىرۋدا ارنايى اۆتوپارك قۇرىلعاندىعىن جەتكىزدى. زاماناۋي تەحنيكالىق مۇمكىندىگى بار اۆتوپاركتىڭ ديسپەتچەرلىك ورتالىعى اۆتوكولىكتەردىڭ جۇمىسىن تاۋلىك بويى قاداعالاپ وتىرادى. جاڭا باعىتقا بىلىكتى ماماندار تارتىلىپ،  اۆتوبۋس جۇرگىزۋشىلەرى ارنايى وقۋ تاجىريبەسىنەن وتكەن. اۆتوبۋستاردى قۇراستىرۋ بارىسىندا ەكولوگيالىق قاۋىپسىزدىك ستاندارتتارى باسشىلىققا الىنعان. FALCON M.ADI ماركالى ەلەكتروكولىكتەردىڭ ەرەكشەلىگى ەدەنى تومەن ورنالاسقان. جولاۋشىلاردىڭ، اسىرەسە بالالار مەن  مۇمكىندىگى شەكتەۋلى جانداردىڭ ءتۇسىپ-شىعۋىنا قولايلى. سالون زاماناۋي ناۆيگاتسيالىق قوندىرعىلارمەن جابدىقتالعان. كولىككە ءتان قۇرىلعىلاردان بولەك سمارتفوندار مەن گادجەتتەردى زاريادتاۋعا ارنالعان USB نۇكتەلەرى، باقىلاۋ كامەرالارى بار. بۇل كولىكتەر قورشاعان ورتا ءۇشىن دە زالالسىز بولىپ تابىلادى ءارى دىبىسسىز قوزعالادى. زاماناۋي كولىكتەر ينۆەستورلار مەن اۆتوپارك قاراجاتى ەسەبىنەن جۇزەگە اسىپ وتىر.

ەكواۆتوبۋستار №206 باعىتىمەن تولە بي كوشەسىنىڭ بويىمەن ءجۇرىپ ءوتىپ، ياسساۋي كوشەسىنە، ودان كەيىن شىعىس اينالما جولعا دەيىن بارادى. ۇزىندىعى 10 شاقىرىمنان اساتىن كوشە قالاداعى جولاۋشىلار كوپ جۇرەتىن ەڭ ءىرى باعىتتىڭ ءبىرى سانالادى. باعىتتى ەنگىزۋدە كوشەنىڭ ستاندارتقا ساي ولشەمدەرى دە ەسكەرىلگەن.

سوڭعى جاڭالىقتار

سىياقى قورى – بەس ميلليارد تەڭگە

ايماقتار • بۇگىن، 16:18

ەلىمىزدىڭ ءوسۋ جولى دەپ ءبىلدىم

قازاقستان • بۇگىن، 15:41

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۇقساس جاڭالىقتار