قوعام • 15 قاراشا، 2019

قىزىلجاردا ەكى ءجاسوسپىرىمدى كولىك قاعىپ كەتتى

25 رەتكورسەتىلدى

بيىل قىزىلجارعا قار كەش ءتۇستى. ءتىپتى وزىنەن 500 شاقىرىم وڭتۇستىككە قاراي ورنالاسقان نۇر-سۇلتاندا اق بوران بولىپ جاتقاندا تەرىستىكتىڭ تورىندەگى، ءسىبىردىڭ شەتىندەگى قىزىلجار مىزعىماي، قوڭىرجاي قالىپتا تۇردى. كەش جاۋعان قاردىڭ ءبىر ەرەكشەلىگى – ول قۇرعاق جەرگە ءتۇستى. سونىڭ وزىندە ەرتەرەكتە جاۋعان جاڭبىردان كەيىن تولىق كەپپەگەن بولماشى شالشىقتار قاتىپ، شاعىن كولەمدى بولسا دا كوكتايعاقتار پايدا بولعان. مىنە، سوندايلاردىڭ كەسىرى ءتيىپ، قالادا ەكى بىردەي جول-كولىك وقيعاسى بولىپ ۇلگەردى.  

الدىمەن باتىر بايان مەن ينتەرناتسيونال كوشەلەرىنىڭ قيىلىسىندا ءتورتىنشى سىنىپ وقۋشىسىن كوكتايعاقتان توقتاي الماي قالعان اۆتوبۋس قاعىپ كەتتى. قازىر بالا ورتا دارەجەدەگى جاراقاتپەن اۋرۋحاناعا جاتقىزىلدى. ال شۋحوۆ پەن نابەرەجنىي كوشەلەرىنىڭ قيىلىسىندا «نيۆا Chevrolet» اۆتوماشيناسىمەن كەلە جاتقان 18 جاسار قالا تۇرعىنى جاياۋ جۇرگىنشىلەر وتەتىن جەردە توقتاي الماي قالىپ، 16 جاسار قىز بالانى قاعىپ كەتتى. ونىڭ جاراقاتى جەڭىل دارەجەدە دەپ تانىلىپ، العاشقى مەديتسينالىق كومەك كورسەتىلگەن سوڭ اۋرۋحاناعا جاتقىزىلماي، ۇيىنە جىبەرىلدى.

جول-كولىك وقيعاسىن جاساعان كولىك قۇرالدارى ارنايى تۇراققا قويىلدى. ال جۇرگىزۋشىلەرگە قاتىستى اكىمشىلىك قۇقىق بۇزۋشىلىقتار تۋرالى كودەكستىڭ 610 بابى بويىنشا ءىس قوزعالدى.

وبلىستىڭ پد جەرگىلىكتى پوليتسيا قىزمەتى باسقارماسىنىڭ باستىعى پوليتسيا پودپولكوۆنيگى ايدىن بايماتوۆ: «جولداردا، اسىرەسە قار جاۋعاندا، مۇزداقتا اباي بولعان ءجون»، - دەپ بارلىق جول قوزعالىسىنا قاتىسۋشىلاردى ەسكەرتىپ تەلەديداردان سويلەدى. ونىڭ ايتۋىنا قاراعاندا العاشقى قار جاۋعان جولداردا ساعاتىنا 40-45 كم جىلدامدىقپەن جۇرگەن دۇرىس. جاياۋ جۇرگىنشىلەر قىستا ماشينانىڭ تەجەلۋى قيىنعا سوعاتىنىن ەستەن شىعارماعاندارى ءجون.

سونىمەن بىرگە جەرگىلىكتى پوليتسيا قىزمەتى ءبولىمىنىڭ قىزمەتكەرلەرى كوشەدە بالالار كوپ جۇرگەن كەزدە ءبىلىم بەرۋ مەكەمەلەرىنە جاقىن ماڭدا پاترۋلدىك باقىلاۋدى كۇشەيتۋدە. ال قالالىق تۇرعىن ءۇي - كوممۋنالدىق شارۋاشىلىعى تاڭەرتەڭنەن باستاپ وبلىس ورتالىعىنىڭ جولدارىن قاردان تازارتىپ، كۇردەلى بولىكتەرگە قۇم-تۇز شاشىلىپ وتىراتىنىن جەتكىزدى.

سوڭعى جاڭالىقتار

سىياقى قورى – بەس ميلليارد تەڭگە

ايماقتار • بۇگىن، 16:18

ەلىمىزدىڭ ءوسۋ جولى دەپ ءبىلدىم

قازاقستان • بۇگىن، 15:41

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

ۇقساس جاڭالىقتار