رۋحانيات • 15 قاراشا، 2019

قوستانايدا جاستار بي-اعا شىعارماشىلىعى جونىندە وي ءبولىستى

39 رەتكورسەتىلدى

جازۋشىنىڭ تۋعانىنا 125 جىل تولۋىنا وراي «قالامى جۇيرىك بي-اعا» دەپ اتالعان بۇل شارانى ل.تولستوي اتىنداعى وبلىستىق امبەباپ كىتاپحانا ۇيىمداستىردى. جاستار نەگىزىنەن بەلگىلى اقىن، حالىقارالىق «الاش» سىيلىعىنىڭ لاۋرەاتى اقىلبەك شاياحمەتتىڭ، بەيىمبەت ءمايليننىڭ شىعارماشىلىعىنا وراي ايتقان تاعىلىمدى اڭگىمەسىن تىڭدادى. اسىرەسە ادەبيەتكە قۇشتار ستۋدەنت جاستار ءۇشىن بۇل بەرەرى مول كەزدەسۋ بولدى.

«بەيىمبەت سىرت كوزگە كەڭەس يدەولوگياسىن جىرلاعان سەكىلدى بولعانىمەن، ال شىندىعىندا بي-اعانىڭ كوپتەگەن شىعارمالارىندا استىرتىن، ەمەۋرىنمەن بەرىلگەن توسىن جايلار كوپ. ويلى وقىرمان شىعارمالارىن وقۋ ۇستىندە ونى بىردەن اڭعارا الادى. مىسالى «كۇلپاش»، «ايت كۇندەرى» اڭگىمەلەرىن قاراڭىز. «كۇلپاشتا» بۇكىل وتباسى قىرىلاتىن بولعان سوڭ، ايەل بار ۇياتتى جيىپ قويىپ، اشتىقتان قورعانۋ ءۇشىن داۋلەتتى بايعا توقالدىققا شىعادى. بىراق ول ارمانى ورىندالمايدى. وسى شىعارماسىمەن قازاق دالاسىنا كەلگەن الاپات ناۋبەتتىڭ قايعى-قاسىرەتىن ايتادى» دەدى اقىلبەك قوجا ۇلى.

ءى.وماروۆ اتىنداعى وبلىستىق قازاق دراما تەاترىنىڭ ارتىستەرى بەيىمبەت ءمايليننىڭ تاعدىرى تۋرالى اقيقاتتاردى اشىق كورسەتەتىن «قالامگەر» سپەكتاكلىنەن ۇزىندىلەر كورسەتتى. ستۋدەنت جاستار جازۋشى شىعارماشىلىعى تۋرالى كوپتەگەن سۇراقتار قويدى.

بەيىمبەت شىعارماشىلىعى تۋرالى، جالپى جازۋشىنىڭ مەرەيجاسىنا وراي وبلىستا كوپتەگەن مادەنيەت جانە ءبىلىم وشاقتارىندا كەشتەر، كەزدەسۋلەر، جاستار پىكىر الماسۋلارى ءالى وسىلاي جالعاسۋدا.

سوڭعى جاڭالىقتار

اۋىر اتلەتتەر كاتارعا اتتانادى

اۋىر اتلەتيكا • كەشە

كوپبالالىلارعا كومەك

ايماقتار • كەشە

كۇلكى كەرۋەنى № 22

رۋحانيات • كەشە

فاريزا اقىننىڭ ۇستازى

رۋحانيات • كەشە

ۇقساس جاڭالىقتار