بۇل قىزمەت حالىقارالىق تولەم جۇيەسى Visa پلاتفورماسىندا جۇزەگە اسىرىلعان. جوبانى «ۇلتتىق اقپاراتتىق تەحنولوگيالار» اق مەن Halyk Bank بىرلەسىپ جاساپتى.
تولەم جۇيەسىنىڭ بۇل ءتۇرىن قولدانۋ ءۇشىن ەلەكتروندى ۇكىمەت پورتالىندا قىزمەتكە تاپسىرىس بەرىپ, تولەم شليۋزىندا «QR-code» HomeBank-تى تاڭداپ, قۇراستىرىلعان كودتى Homebank ءموبيلدى قوسىمشاسى ارقىلى سكانەرلەۋدەن وتكىزسەڭىز بولعانى.
ەسكەرە كەتەرلىك جايت, ەلەكتروندى ۇكىمەتتىڭ تولەم شليۋزى ارقىلى تولەم كارتاسىمەن, ەلەكتروندى اميانمەن, ۇيالى تەلەفون بالانسىمەن جانە تاپسىرىس-شوتىمەن قارجى وپەراتسيالارىن ورىنداۋعا بولادى.
