ايماقتار • 14 قاراشا، 2019

ەرجان جىلقىباەۆ جامبىل وبلىسىنا ءىس-ساپارمەن باردى

34 رەتكورسەتىلدى

قازاقستان رەسپۋبليكاسى پرەمەر-ءمينيسترىنىڭ ورىنباسارى بەردىبەك ساپارباەۆتىڭ جامبىل وبلىسىنا جۇمىس ساپارى اياسىندا قازاقستان رەسپۋبليكاسى ەڭبەك جانە حالىقتى الەۋمەتتىك قورعاۋ ءبىرىنشى ۆيتسە-ءمينيسترى ەرجان جىلقىباەۆ ناتيجەلى جۇمىسپەن قامتۋدى جانە جاپپاي كاسىپكەرلىكتى دامىتۋدىڭ «ەڭبەك» مەملەكەتتىك باعدارلاماسىنىڭ قاتىسۋشىلارىمەن كەزدەستى، ارنايى الەۋمەتتىك قىزمەت كورسەتۋ ورتالىعىنا، حالىقتى جۇمىسپەن قامتۋ ورتالىعىنا جانە مۇگەدەكتەردى وڭالتۋ جانە بەيىمدەۋ ورتالىعىنا باردى. كەزدەسۋلەر بارىسىندا ەرجان جىلقىباەۆ پرەزيدەنت قاسىم-جومارت توقاەۆتىڭ قازاقستان حالقىنا جولداۋىنىڭ نەگىزگى باعىتتارىن ءتۇسىندىرىپ، مۇگەدەكتەر مەن جۇمىسسىزدارعا مەملەكەتتىك قولداۋ شارالارى تۋرالى ەگجەي-تەگجەيلى ايتىپ بەردى. بۇل تۋرالى ەڭبەك جانە حالىقتى الەۋمەتتىك قورعاۋ مينيسترلىگىنىڭ ءباسپاسوز قىزمەتى حابارلادى.

«ەرجان جىلقىباەۆتىڭ باعدارلاماسى تاراز قالاسىنداعى №5 ارنايى الەۋمەتتىك قىزمەت كورسەتۋ ورتالىعىنىڭ جۇمىسىمەن تانىسۋدان باستالدى. ۇيىم قىزمەتكەرلەرىمەن جانە مۇگەدەكتەرمەن سويلەسۋ بارىسىندا، ۆيتسە-مينيستر ارناۋلى الەۋمەتتىك قىزمەتتەردى ۇسىنۋ مۇگەدەكتىگى بار ازاماتتاردى قوعام ومىرىنە تارتۋ جونىندەگى جۇمىستىڭ نەگىزگى باعىتتارىنىڭ ءبىرى بولىپ تابىلاتىنىن اتاپ ءوتتى.

«قازاقستاندا مۇگەدەكتىگى بار ادامداردى الەۋمەتتىك قولداۋدىڭ بەلسەندى شارالارى مەملەكەتتىك دەڭگەيدە قابىلدانۋدا. بيىل مۇگەدەكتەرگە بەرىلەتىن جاردەماقىعا 315 ملرد تەڭگە ءبولىندى، بۇل 2018 جىلعا قاراعاندا 10% – عا ارتىق، وڭالتۋ قۇرالدارىمەن جانە قىزمەتتەرىمەن قامتاماسىز ەتۋگە-85،5 ملرد تەڭگە ول وتكەن جىلعا قاراعاندا 6% - عا ارتىق. ارنايى الەۋمەتتىك قىزمەتتەردى ۇسىنۋ مۇگەدەكتەردى قوعام ومىرىنە تارتۋ بويىنشا جۇمىستىڭ ماڭىزدى باعىتتارىنىڭ ءبىرى بولىپ تابىلادى»، دەدى ەرجان جىلقىباەۆ.

ول، سونداي-اق، الەۋمەتتىك قىزمەت كورسەتۋ جۇيەسىن جاڭعىرتۋ، قىزمەتتەر مەن وڭالتۋ قۇرالدارىنىڭ ساپاسى مەن قولجەتىمدىلىگىن ارتتىرۋ ماقساتىندا 2020 جىلعى 1 قاڭتاردان باستاپ قازاقستاندا الەۋمەتتىك قىزمەت كورسەتۋ پورتالى ەنگىزىلەتىنىن حابارلادى.

«بۇل تەحنيكالىق وڭالتۋ قۇرالدارىن ۇسىنۋ مەن ارنايى الەۋمەتتىك قىزمەتتەردى كورسەتۋدىڭ بيزنەس-پروتسەستەرىنىڭ مەرزىمدەرىن 8 ايدان 1-2 اپتاعا دەيىن قىسقارتۋعا مۇمكىندىك بەرەدى. سونىمەن قاتار، پورتال ولاردى الۋشىلاردىڭ جەكە قاجەتتىلىكتەرىنە وڭالتۋ قۇرالدارى مەن قىزمەتتەرىنىڭ سايكەسسىزدىگى ماسەلەسىن شەشەدى، سەبەبى مۇگەدەكتىگى بار ادامدار قاجەتتى تاۋار مەن قىزمەتتىڭ ءتۇرىن ءوز بەتىنشە تاڭداي الادى»، – دەپ ءتۇسىندىردى ۆيتسە-مينيستر.

جىلقىباەۆ باعدارلاماسىنىڭ كەلەسى نىسانى قالالىق حالىقتى جۇمىسپەن قامتۋ ورتالىعى بولدى. ونىڭ قىزمەتكەرلەرىمەن اڭگىمەلەسۋ بارىسىندا، ۆيتسە-مينيستر «ەڭبەك» مەملەكەتتىك باعدارلاماسى اياسىندا گرانتتار مەن ميكروكرەديتتەر بەرۋ بويىنشا جۇمىستى جانداندىرۋدى ۇسىندى.

«مەملەكەت باسشىسى قازاقستان حالقىنا جولداۋىندا كوپبالالى جانە تابىسى از وتباسىلارىن كاسىپكەرلىككە بەلسەندى تۇردە تارتۋدى تاپسىردى. ول ءۇشىن «ەڭبەك» مەملەكەتتىك باعدارلاماسىندا «باستاۋ بيزنەس» جوباسى اياسىندا كاسىپكەرلىك نەگىزدەرىنە وقىتۋدان باستاپ گرانتتار مەن ميكروكرەديتتەر بەرۋگە دەيىنگى بارلىق قاجەتتى قۇرالدار بار. جامبىل وبلىسىندا ءوز بيزنەس-جوبالارىن قورعاعان 2 934 ادامنىڭ 1 046-ى ميكروكرەديت الدى. جوسپارلانعان 1 783 گرانتتىڭ تەك 1 314 نەمەسە 73،7%-ى عانا بەرىلدى. جوسپارلانعان كورسەتكىشتەرگە جەتۋ ءۇشىن ولاردى ميكروكرەديتتەر مەن گرانتتار بەرۋ بويىنشا جۇمىستى جانداندىرۋ قاجەت دەپ سانايمىن»، – دەدى جىلقىباەۆ.

جۇمىس ساپارى بارىسىندا ۆيتسە-مينيستر «ەڭبەك» مەملەكەتتىك باعدارلاماسىن جۇزەگە اسىرۋ اياسىندا ميكروكرەديت العاننان كەيىن ءوز بيزنەسىن تابىستى دامىتىپ وتىرعان تارازدىقتارمەن كەزدەستى.

«تارازدا مەملەكەت ۇسىناتىن مۇمكىندىكتەردى پايدالانۋدىڭ وڭتايلى مىسالدارى بار. مەن ايەلدەردىڭ بەلسەندىلىگىن اتاپ وتكىم كەلەدى، «ەڭبەك» باعدارلاماسىنا قاتىسۋشىلاردىڭ ءبىرى سۇلۋلىق سالونىن، ەكىنشىسى – ويىن كلۋبىن، ال ءۇشىنشىسى – تروتۋار تاقتالارىن، قابىرعا بلوكتارىن، جول جيەكتەرىن، قاپتاۋ ماتەريالدارى ءوندىرىسىن اشقان. ەڭ باستىسى، بۇل ايەلدەر ءوز وتباسىلارىنىڭ ماتەريالدىق جاعدايىن جاقسارتىپ قانا قويماي، باسقا ادامدارعا جۇمىس جاساۋ مۇمكىندىگىن بەرەدى. بۇل جاپپاي كاسىپكەرلىكتى دامىتۋ قۇرالدارىن قولدانۋدىڭ وڭ اسەرى بار»، دەپ اتاپ ءوتتى جىلقىباەۆ، «ەڭبەك» مەملەكەتتىك باعدارلاماسىنا قاتىسۋشىلارمەن كەزدەسۋدەن كەيىن.

جۇمىس ساپارى بارىسىندا ۆيتسە-مينيستر مۇگەدەكتەردى وڭالتۋ جانە بەيىمدەۋ ورتالىعىنىڭ جۇمىسىمەن تانىستى»، دەلىنگەن حابارلامادا.

سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار