ايماقتار • 14 قاراشا، 2019

قازاقستاندا 400 مىڭعا جۋىق ادام سۋسامىرعا شالدىققان

44 رەتكورسەتىلدى

بۇگىن الماتىداعى قازاقستان ءباسپاسوز كلۋبىندا دۇنيەجۇزىلىك قانت ديابەتىنە قارسى كۇرەس كۇنىنە وراي قازاقستان رەسپۋبليكاسىنىڭ ديابەت قاۋىمداستىعىنىڭ ءباسپاسوز ءماجىلىسى ءوتتتى. 

جۋرناليستەرمەن كەزدەسۋگە مەديتسينا عىلىمىنىڭ كانديداتى، وفتالمولوگ-دارىگەر راليا سابيروۆا، ديابەت قاۋىمداستىعىنىڭ پرەزيدەنتى، مەديتسينا عىلىمىنىڭ كانديداتى لەيلا امينقىزى، ديابەت جايلى اعارتۋ قورىنىڭ اتقارۋشى ديرەكتورى ناتاليا تۋكالەۆسكايا، مەديتسينا عىلىمىنىڭ كانديداتى لاۋرا دانياروۆالار قاتىستى.

قازىرگى تاڭدا الەمدە 425 ميلليونعا جۋىق ادام ديابەتپەن ءومىر سۇرەدى، ونىڭ 400 مىڭعا جۋىعى قازاقستاندا تۇرادى. الايدا بۇل كورسەتكىش انىقتالماعان جانە دياگنوستيكادان وتپەگەندەر مەن قاۋىپتى توپقا جاتاتىن ناۋقاستار (سەمىزدىك، گەپەرتونيالىق اۋرۋ، تۇقىمقۋالاۋشىلىق، 45 جاستان اسقاندار، دۇرىس ءومىر سالتىن ۇستانباۋ) سانىنىڭ كوپتىگىنە بايلانىستى بىرنەشە ەسەگە جوعارى دا بولۋى مۇمكىن.

بۇل ماسەلە ەرەكشە مانگە يە، ويتكەنى قانت ديابەتىنە شالدىققان كەز كەلگەن ادام سوقىر بولىپ قالۋى مۇمكىن. سۋسامىرى بار ادامداردىڭ ۇشتەن بىرىندە كوز اقاۋى داميدى. ماسەلەن، 145 ميلليون ادامدا وسى اۋرۋدىڭ كەسىرىنەن كوزىندە پاتولوگيا انىقتالسا، 45 ميلليون ناۋقاستىڭ كوزى مۇلدەم كورمەيدى. بولجام بويىنشا 2040 جىلعا قاراي بۇل كورسەتكىش 224 ميلليون ادامعا دەيىن ارتىپ، 70 ميلليون ادامنىڭ سوقىر بولىپ قالۋ قاۋپى ءتونىپ تۇر.

وسىعان وراي ءبىز ۇكىمەتتى، مەملەكەتتىك قۇرىلىمداردى جانە مەديتسينالىق ۇيىمداردى، مەديتسينالىق قىزمەتتەردى كورسەتەتىن مەكەمەلەردى قانت سۋسامىرىنا بايلانىستى كوزدەن ايىرىلۋ قاۋپىنىڭ ارتۋىن الدىن الۋ ءۇشىن دەرەۋ شارا قابىلداۋعا شاقىرامىز، دەيدى ماماندار.

ءوز كەزەگىندە سۋسامىر جانە كوز دەنساۋلىعىنا ماماندانعان جەتەكشى ءتورت ۇيىم – حالىقارالىق ديابەت فەدەراتسياسى، حالىقارالىق وفتالمولوگيا كەڭەسى، دۇنيەجۇزىلىك وپتومەتريا كەڭەسى جانە سوقىرلىقتى الدىن الۋ جونىندەگى حالىقارالىق اگەنتتىكتىڭ شىعارعان «كوزدىڭ ديابەتتىك اۋرۋلارىن ەمدەۋ ءۇشىن دەنساۋلىق ساقتاۋ جۇيەسىن نىعايتۋ» اتتى بىرلەسكەن دەكلاراتسياسىن باسشىلىققا العالى وتىر. دەكلاراتسيا كەلەسىلەرگە ۇندەيدى:

  1. قانت سۋسامىرىنا شالدىققان تۇلعالاردىڭ كوز كورۋىن ساقتاۋ ماسەلەسىن باستاپقى مەديتسينالىق كومەك دەڭگەيىندە ىقپالداستىرۋدى مىندەتتى ەتۋ.
  2. باستاپقى مەديتسينالىق-سانيتارلىق كومەك دەڭگەيىندە ديابەتتىك جانە وفتالمولوگيالىق قىزمەتتەر اراسىنداعى ىنتىماقتاستىقتى جونگە سالۋ.
  3. ناۋقاسقا باعدارلانعان ەمدەۋ تۇعىرلارىن دايىنداۋ.

قانت ديابەتىنە شالدىققان ادامداردىڭ بۇكىل الەمدە كوبەيىپ كەلە جاتقانىنا بايلانىستى، سۋسامىرمەن بايلانىستى كوزدىڭ ناشارلارۋى مەن ونىڭ باسقا دا زياندى سالدارلارى جاھاندىق دەڭگەيدە ارتا بەرمەك. ءتيىمدى جەدەل ءىس-قيمىلسىز ونسىز دا كوپ سالماق ارتىلعان دەنساۋلىق ساقتاۋ جۇيەلەرىنە ورنى تولماس زاردابىن تيگىزۋى مۇمكىن.

سوندىقتان ديابەت قاۋىمداستىعى مەن حالىقارالىق ديابەت فەدەراتسياسى (IDF) ديابەتكە جانە ونىمەن بايلانىستى اۋىر اسقىنۋلارعا قارسى كۇرەستە كۇش بىرىكتىرۋگە ۇندەيدى.

سوڭعى جاڭالىقتار

عارىشتاعى قوقىس (ۆيدەو)

ۆيدەو • بۇگىن، 13:08

جارقىن جوبالار

ايماقتار • بۇگىن، 10:00

ءسوز سويىل №88

رۋحانيات • بۇگىن، 09:42

تراكتورمەن كەلگەن فەلدشەر

ايماقتار • بۇگىن، 07:00

ساباق توقتادى، جولدار جابىلدى

ايماقتار • بۇگىن، 06:53

قار قالىڭ، قاۋىپ كوپ

ايماقتار • بۇگىن، 06:51

ۇقساس جاڭالىقتار