ۇكىمەت • 14 قاراشا، 2019

ەلوردادا قازاقستان-يتاليان بيزنەس-فورۋمى ءوتتى

18 رەتكورسەتىلدى

نۇر-سۇلتان قالاسىندا يتاليا رەسپۋبليكاسى سىرتقى ىستەر ءمينيسترىنىڭ ورىنباسارى مانليو دي ستەفانونىڭ قازاقستانعا جۇمىس ساپارى اياسىندا العاشقى قازاقستان-يتاليان بيزنەس-فورۋمى ءوتتى. بۇل تۋرالى سىرتقى ىستەر مينيسترلىگىنىڭ ءباسپاسوز قىزمەتى حابارلادى.

«يتاليا رەسپۋبليكاسى سىرتقى ىستەر ءمينيسترىنىڭ ورىنباسارى مانليو دي ستەفانونىڭ قازاقستانعا جۇمىس ساپارى اياسىندا ۇيىمداستىرىلعان ءىس-شاراعا ەكى ەلدىڭ ىسكەر توپتارى، ۇلتتىق كومپانيالارى مەن مەملەكەتتىك ورگاندارىنىڭ 200-دەن استام وكىلدەرى قاتىستى.

فورۋم بارىسىندا ەنەرگەتيكا، جەك، مۇناي-حيميا، وڭدەۋ ونەركاسىبى جانە اوك سالاسىنداعى جوبالاردى دامىتۋ پەرسپەكتيۆالارى تالقىلاندى. قازاقستاندا قىزمەتىن جۇزەگە اسىراتىن يتالياندىق بيزنەسمەندەر ءبىزدىڭ ەلىمىزدەگى قىزمەتتەن العان اسەرلەرىمەن ءبولىسىپ، ينۆەستورلار ءۇشىن جاسالعان قولايلى جاعدايلاردى ەسكەرە وتىرىپ، يتاليانىڭ ىسكەرلىك قاۋىمداستىعىنىڭ وكىلدەرىنە قازاقستان رەسپۋبليكاسىنداعى ىسكەرلىك مۇمكىندىكتەردى زەردەلەۋدى ۇسىندى.

ءوز سوزىندە يتاليانىڭ سىرتقى ساياسي ۆەدومستۆوسى باسشىسىنىڭ ورىنباسارى مانليو دي ستەفانو تاۋەلسىزدىك جانە نارىقتىق ەكونوميكاعا ءوتۋ جىلدارى قازاقستان ەكونوميكانىڭ تۇراقتى دامۋى مەن قولايلى ينۆەستيتسيالىق احۋالدى قامتاماسىز ەتە وتىرىپ، ايتارلىقتاي تابىستارعا قول جەتكىزگەنىن، قازاقستان مەن يتاليا اراسىنداعى تابىستى جانە ءتيىمدى قارىم-قاتىناستاردىڭ جوعارى دەڭگەيىنە قول جەتكىزگەنىن اتاپ ءوتتى. 

«بۇگىنگى بيزنەس-فورۋم ەكى ەل اراسىنداعى ەكونوميكالار مەن ىسكەرلىك بايلانىستاردى دامىتۋعا سەرپىن بەرەتىنىنە سەنىمدىمىن. بىزدە ساۋدا-ەكونوميكالىق جانە ينۆەستيتسيالىق ىنتىماقتاستىقتى كەڭەيتۋ ءۇشىن ۇلكەن مۇمكىندىكتەر بار»، دەدى م. دي ستەفانو مىرزا.

ءوز كەزەگىندە، ءسىم ەرەكشە تاپسىرمالار جونىندەگى ەلشىسى ەرلان حايروۆ ەكى ەلدىڭ بيزنەسمەندەرىن ىسكەرلىك بايلانىستاردى بەلسەندى جولعا قويۋعا جانە ينۆەستيتسيالىق جوبالاردى جۇزەگە اسىرۋعا شاقىرا وتىرىپ، قازاقستان مەن يتاليا ينۆەستيتسيالىق ىنتىماقتاستىقتى ارتتىرۋ ءۇشىن ۇلكەن الەۋەتكە يە ەكەنىن اتاپ ءوتتى. 

ء«بىزدىڭ ەلدەرىمىز اراسىندا ەكونوميكالىق سالادا، اسىرەسە بالامالى ەنەرگەتيكا، اۋىل شارۋاشىلىعى جانە تسيفرلاندىرۋ سياقتى ءۇش باسىم سەكتورلاردا ەكىجاقتى ارىپتەستىكتى كەڭەيتۋ مەن تەرەڭدەتۋ ءۇشىن ايتارلىقتاي الەۋەت بار. ءبىزدىڭ ەلىمىزدە «KAZAKH INVEST» ۇلتتىق كومپانياسى جۇمىس ىستەيدى، ول اعىمداعى جانە الەۋەتتى شەتەلدىك ينۆەستورلار ءۇشىن ء«بىر تەرەزە» قاعيداتى بويىنشا جۇمىس ىستەيدى، ينۆەستيتسيالىق جوبالاردى يدەيادان ونى ىسكە اسىرۋعا دەيىن سۇيەمەلدەۋدى قامتاماسىز ەتەدى. جالپى، شەتەلدىك جانە ۇلتتىق ينۆەستورلارعا جان-جاقتى قولداۋ كورسەتۋگە دايىن ەكەنىمدى بىلدىرەمىن»، - دەدى سپيكەر.

فورۋم بارىسىندا ماشينا جاساۋ جانە تاماق ونىمدەرى جوبالارىن جۇزەگە اسىرۋداعى ىنتىماقتاستىق ماسەلەلەرى تالقىلاندى. سونىمەن قاتار قازاقستاندىق تاراپ فورۋم الاڭىندا وزدەرىنىڭ مۇمكىندىكتەرىن تانىستىرۋمەن قاتار، B2B فورماتىندا يتالياندىق سەرىكتەستەرمەن بىرقاتار جۇمىس كەزدەسۋلەرىن وتكىزدى.

مىسالى، «پاۆلودار «الەۋمەتتىك-كاسىپكەرلىك كورپوراتسياسى» اق وكىلدەرى «Naba Carni» كومپانياسىنىڭ باسشىلىعىمەن پاۆلودار ءوڭىرى اۋماعىندا جىلقى ەتىن قايتا وڭدەۋ بويىنشا بىرلەسكەن جوبانى جۇزەگە اسىرۋ تۋرالى كەلىسسوزدەر جۇرگىزدى. سونداي-اق، پاۆلودار اكك دەلەگاتسياسى مەن «Rota Guido» كومپانياسى اراسىندا اگرو-ونەركاسىپتىك كەشەندى دامىتۋ سالاسىنداعى ينۆەستيتسيالىق جوبانى قاراۋ تۋرالى كەلىسىمگە قول جەتكىزىلدى.

ءبىرىنشى قازاقستاندىق-يتالياندىق بيزنەس فورۋمدى قازاقستان رەسپۋبليكاسىنداعى يتاليا رەسپۋبليكاسىنىڭ ەلشىلىگى، «KAZAKH INVEST» ۇك» اق، «سامۇرىق-قازىنا ۇاق» اق جانە «ITA italian trade agency» كومپانياسى. ۇيىمداستىردى.

ەستەرىڭىزگە سالا كەتەيىك، يتاليا ەۋروپا وداعى ەلدەرى اراسىندا قازاقستاننىڭ ءىرى ساۋدا ارىپتەسى جانە ەلىمىزدىڭ ەكونوميكاسىنا جەتەكشى ينۆەستورلاردىڭ ءبىرى بولىپ تابىلادى.

بۇگىندە قازاقستان ەكونوميكاسىنا قۇيىلعان يتالياندىق ينۆەستيتسيالاردىڭ كولەمى 6،6 ملرد. اقش دوللارىن قۇرادى.

قازاقستاننىڭ يتاليامەن سىرتقى ساۋدا اينالىمى 2019 جىلدىڭ 8 ايىندا 6،7 ملرد اقش دوللارىن قۇرادى. جالپى، قازاقستاندا يتالياندىق كاپيتالدىڭ قاتىسۋىمەن 270-كە جۋىق كومپانيا جۇمىس ىستەيدى.

فورۋم بارىسىندا تاراپتار قول جەتكىزىلگەن كەلىسىمدەر مەن قابىلدانعان شەشىمدەر ەكىجاقتى ەكونوميكالىق ىنتىماقتاستىقتى جانداندىرۋ ءۇشىن سەرپىن بەرگەنىن، سونداي-اق ەكى مەملەكەتتىڭ ىسكەر توپتارىنىڭ ارىپتەستىگىنىڭ جاڭا مۇمكىندىكتەرى مەن پەرسپەكتيۆالارىن بەلگىلەگەنىن اتاپ ءوتتى»، دەلىنگەن حابارلامادا.

سوڭعى جاڭالىقتار

كۇلكى كەرۋەنى № 24

رۋحانيات • بۇگىن، 11:08

رەيتينگتە جوعارىلادى

كاسىپقوي بوكس • بۇگىن، 07:22

«التىن ساقا» ۇزدىكتەرى انىقتالدى

ۇلتتىق سپورت • بۇگىن، 07:15

قازاق ءانى نيۋ-يوركتە شىرقالدى

رۋحانيات • بۇگىن، 07:09

جاقسىلىققا تولى جاستار جىلى

قوعام • بۇگىن، 07:04

شاپاعاتتى جول

رۋحانيات • بۇگىن، 06:59

«قايىربولاتتى قايتارىڭدار!»

ايماقتار • بۇگىن، 06:56

ۆولونتەرلەر باس قوستى

قوعام • بۇگىن، 06:47

ستيپەنديا كوتەرىلەدى

قوعام • بۇگىن، 06:43

ناقتى تاپسىرمالار بەردى

پرەزيدەنت • بۇگىن، 06:27

التىن وردانىڭ اق تاڭى

رۋحانيات • كەشە

ۇقساس جاڭالىقتار