ايماقتار • 14 قاراشا، 2019

مرت الۋعا جارتى ميلليارد جۇمسالعان

21 رەتكورسەتىلدى

وبلىس اكىمدىگىنىڭ دەنساۋلىق ماسەلەسىن قاراعان وتىرىسىندا سوڭعى ۋاقىتتاردا وڭ كورسەتكىشتەردىڭ تىركەلگەنى بەلگىلى بولدى. وعان نەگىزگى سەبەپ - سىرقاتتى الدىن الا انىقتايتىن جوعارى تەحنولوگيالىق قۇرال-جابدىقتاردىڭ ساتىپ الىنۋى بولىپ وتىر.  

سونىڭ ىشىندە جاڭادان 3،8 ملرد تەڭگەگە مەديتسينالىق قوندىرعىلار الىنباقشى. جىل سوڭىنا دەيىن وبلىستىق اۋرۋحاناعا 549 ملن تەڭگە  تۇراتىن جاڭا ماگنيتتى-رەزونانستى توموگراف (مرت) كەلەدى. سونىمەن بىرگە جاڭا انگيوگراف تا الىنادى. بۇنىڭ بارلىعى ءينسۋلتتىڭ الدىن الۋعا جانە ەمدەۋگە مۇمكىندىك بەرمەك. «اۋداندىق اۋرۋحانالارعا 4 مامموگراف الىنادى. بيىل ونكوورتالىقتا تسيفرلى مامموگراف قويىلدى، ول وبىردى باستاپقى كەزەڭدە انىقتايدى. جىل سوڭىنا دەيىن 13 رەانيموبيل كەلەدى» دەدى وبلىس اكىمى قۇمار اقساقالوۆ. 

بيىلعى 10 ايدا انا ءولىمى تىركەلمەگەن. ال بالا ءولىمى 20 پايىزعا قىسقارعان. قان اينالىمى دەرتتەرىنەن كوز جۇمعاندار سانى 11 پايىزعا ازايعان.

قازىر وبلىستا مەديتسينالىق كادرلاردىڭ تاپشىلىعى ماسەلەسى دە شەشىلۋدە. بيىل وبلىس 98 دارىگەردى قابىلدادى. ال بىلتىر 56 مامان كەلگەن ەدى. وبلىستىق بيۋدجەتتەن العاش رەت 77 دوكتوردى رەزيدەنتۋرادا وقىتۋعا اقشا بولىنگەن. ال جاڭادان كەلگەن دارىگەر-ماماندار باسپانامەن قامتاماسىز ەتىلگەن جانە كوتەرمە وتەماقى تولەنۋدە ەكەن. وسىنداي وڭ ۇردىستەر جالعاستىرا بەرەتىن بولسا، وبلىس دەنساۋلىق ساقتاۋ جونىنەن رەسپۋبليكاداعى الدىڭعى ورىنداردىڭ قاتارىنان كورىنۋگە ءتيىس.

سوڭعى جاڭالىقتار

التىن وردانىڭ اق تاڭى

رۋحانيات • كەشە

كۇلكى كەرۋەنى № 23

رۋحانيات • كەشە

جاڭعىرعان جامبىل ءوڭىرى

ايماقتار • كەشە

رۋحاني راۋىشتەگى تارتۋ

ايماقتار • كەشە

ۇقساس جاڭالىقتار