پارسى ەلىندە جالاۋى جەلبىرەيتىن ايتۋلى باسەكەدە ۇستىمىزدەگى جىلدىڭ قىركۇيەك ايىندا نۇر-سۇلتاندا وتكەن الەم چەمپيوناتىنىڭ جالپى كوماندالىق ەسەبىندە العاشقى سەگىز ورىندى يەلەنگەن مەملەكەتتەردىڭ ورەندەرى عانا باق سىناۋ قۇرمەتىنە يە بولدى.
وسى تۋرنيردە قازاقستاننىڭ ۇلتتىق قۇراماسى يران, رەسەي جانە كۋبا بالۋاندارىمەن ءبىر توپتا ونەر كورسەتەدى. توپتىق تۋرنير جارىستىڭ العاشقى كۇنى-اق ءوز مارەسىنە جەتەدى. ءبىزدىڭ جىگىتتەر العاشىندا بوستاندىق ارالى وكىلدەرىمەن بەلدەسسە, ودان كەيىن رەسەيلىكتەر جانە بوز كىلەم قوجايىندارىمەن كۇش سىناسادى. 29 قاراشادا ءتۇرلى ورىنداردىڭ يەگەرلەرى, الەم كۋبوگىنىڭ جۇلدەگەرلەرى جانە جەڭىمپاز كوماندا انىقتالادى.
ال كەلەسى توپتا وزبەكستان, گرۋزيا, جاپونيا جانە ۆەنگريا قۇرامالارى ءوزارا شەبەرلىك بايقاسادى.
